ولدي بادي يمشي..وابي مسااعدتكم .،(؛

[ҜęҜสђ]

صبااحكم/مسسساائكم عسل..


ولدي فديته بادي يمشي...مشيته تزوووغ جنه بطريق<<حدي مستانسه عليه واهوا يمشي..
واحلى شي لما انا ادور احوس بالبيت واهوا ورااي يمشي..






لاكن انا قريت مره ان البيبي اذا بيمشي لازم تلبسيه جوتي(وانتوا بكرامه)
ويكون الجوتي قوي عشان يصلب ريوله ..يعني مايصير دلاغ اوخف ..

المشكله انا بجريه..
ولا اعرف شيي بسوالف اليهال..
قلت اسأل خواتي كويتيات مووو مقصرين..
المغزى اهوا..
وين الاقي حق ولدي جوتي سنع حق المشي (يكون قوي يابس يعني موو قمااش..ويكون طويل شويه جنه بوت عشان يمسك ريوله لييي الكعب)
.،.؟!

 

[غلا-زوجي]

لا لحد يقص عليج كلنا مشينا حفاي شكو تلبسينة جوتي يابس توة بادي يخطي بسم الله خليه ياخذ راحته وان طاح خليه يقوم بروحه احسن

 

[Australia girl]

والله انا سمعت انه يمشي حافي احسنله

بنتي بسم الله عليها الحين تمشي واهيه مستنده ومالبسها الا دلاغ لان عندنا سجاد ...

 

[*ماي الورد*]

خليه حافي احسن. و الجوتي بس حق الطلعات

 

[ميما الاموره]

مبروك المشي وانا بنتي مشت جديد
خليه حافي احسن بس يتمكن من المشي لبسيه حذاء عادي مو نوع معين عشان يتعود على الحذاء انا بنتي هسه بعد ماتمكنت من المشي هي بتجيب حذائها عشان البسها​

 

[omali_store83]

سمعت ان القصد من الجوتي اكرمكم الله ان ريله لا تصير كبيره وتنفرش
ولا ماله علاقه بالمشي دام تخلينه يمشي على السجاد خلاص لا تحاتين بس لو سيراميك الاحسن تلبسينه عشان لا يدخله هوا​

 

[ҜęҜสђ]

يعطيكم العاافيه حبيباتي ع الردووود..
ريحتوني..

 

[فلافل وبطاط]

انا خالتي ام زوجي شافت ريل بنتي منتفخه شوي
جان تقولي عوديها تلبس جوتي هاف بوت مو صندل عشان تتعدل
والمفروض من وهي صغيره اتلبسينها بس انا طاف

بس المشي خليه حافي او دلاغ اللي تحته النقط البيض عشان مايزلق عالسيراميك
ويثبت خطوته ويتحرك براحته

والله يخليه لج يارب وتفرحين فيه وهو متخرج ييمشي اخذ شهادته ومعرس زافته لعروسه

 

[غنوة ستايل]

تعرفين انا بعد كان تراوالي نفسج
زين جزاك الله خير سألتي السؤال الحين عرفت انه عادي حافي
انا ولدي توه بدأه يوقف

 

[Om_il3ubed]

الله يحفظه لج ان شاءالله

شوفي حبيبتي اهو الفكره من الجوتي ان في يهال اول ما يبدون يخطون يمشون على اطراف اصابعهم مثل الباليه خصوصا اذا كانوا متعودين عالدرايه.. عشان جذي يقولون لج لبسيه نص بوت عشان يجربه ان ينزل ريله عرفتي

وهم في يهال ريلهم شوي لي داخل فتلقين يلبسونهم الجوتي بالعكس يمين يسار ويسار يمين عشان ياذييه ويجبره ان يسوي ريله سيده لين يتعود و خلاص يوقفونه عنه

بس اذا اسم الله عليه مافيه شي من هالمشاكل مو لازم تلبسينه جوتي وااايد ثقيل.,, لبسيه صنادل النصر شحلاتهم و نص نص مو ثقال ولا خفاف وبجذي تكونين علمتيه ان ما يمشي حافي عشان ما ياذييج بعدين لي يتي تطلعينه و هم عن الزلق وجذي عرفتي

وبس الله يخليه لج ان شاءالله وتفرحين فيه معرس

 

[أغلى حلم]

انا بعد سمعت ان لبس الجوتي للياهل اول ما يمشي وايد زين سمعت هالكلام من دكتورة واخصائية علاج طبيعي

 

[om deaj]

لا لحد يقص عليج كلنا مشينا حفاي شكو تلبسينة جوتي يابس توة بادي يخطي بسم الله خليه ياخذ راحته وان طاح خليه يقوم بروحه احسن

:eh_s(15)::eh_s(15):

 

[زهرة الزهور]

الله يخليه لج يارب
شوفي حبيبتي انا بنتي توها صارت تمشي وانا من قبل شاريتلها جوتي من بيبي بوت نفس الي وصفتيه والدكاترة كلهم يوصون تلبسين البيبي جوتي اول مايمشي بس مو معناتها طول اليوم لا انا البسها بس لما تطلع الحوش اول تنزل الصاله او برة عشان تتعود عالمشي بالبوت والبيت اخليها حافية عادي تاخد احتها
ايه نسيت اقولج هالحين دش الحر وشريت لها صندل مسكر بس فيه فتحات بس من ناحية الكعب طالع عالعضم يعني ما يخلي رجلها تلوي لا سمح الله

 

[امونة@123]

بنات تكفون ساعدوني وين الاقي مثل هاللعبة

 

[رؤى القلوب]

انا قبل فترة كنت متابعة برنامج ذا دكتور على ام بي سي فور و أكدوا ان البيبي من يبدي يمشي الأفضل له ان يكون حافي علشان صحة رجوله وعلمود ما تصير تعوقات عنده( لا سامح الله) واذا كان لابد يلبس جوتي يعني طلعة وخلافه لازم يلبس جوتي خفيف ويفضل يكون نفس الجوراب يعني مصنوع من القماش

 

[ام ميميتو]

انا ما عندي فكره بس مبروووووووووووووك الله خليلج ولدج و الفال حق ولدي انشاءالله

 

[رحيق انثى]

الله يحفظه لج ان شاءالله

شوفي حبيبتي اهو الفكره من الجوتي ان في يهال اول ما يبدون يخطون يمشون على اطراف اصابعهم مثل الباليه خصوصا اذا كانوا متعودين عالدرايه.. عشان جذي يقولون لج لبسيه نص بوت عشان يجربه ان ينزل ريله عرفتي

وهم في يهال ريلهم شوي لي داخل فتلقين يلبسونهم الجوتي بالعكس يمين يسار ويسار يمين عشان ياذييه ويجبره ان يسوي ريله سيده لين يتعود و خلاص يوقفونه عنه

بس اذا اسم الله عليه مافيه شي من هالمشاكل مو لازم تلبسينه جوتي وااايد ثقيل.,, لبسيه صنادل النصر شحلاتهم و نص نص مو ثقال ولا خفاف وبجذي تكونين علمتيه ان ما يمشي حافي عشان ما ياذييج بعدين لي يتي تطلعينه و هم عن الزلق وجذي عرفتي

وبس الله يخليه لج ان شاءالله وتفرحين فيه معرس

نفس الي بقووله :eh_s(7):

 

[موجة ~ بحر]

تلقين بسنتربوينت

 

[ҜęҜสђ]

يعطييكم العاافيه ..

 

[روان_الكويت]

اول ما يمشون عيالي حفاي والجوتي للطلعه

خليه ياخذ راحته يمشي مرتاح أكيد اذ جوتي يابس بيضايقه