ولدي اليوم فاجاني بالموضوع

[السيده ام حسين]

انا عايشه في بيت والحمدلله ومعاي ولدي متزوج وولده ياقلبي هالولد بيتنا هذوء وحياتنا ماشاء الله عليها هادئه ومافيها مشاكل ولدي صار له سنه معانا تقريبا زوجته تروح تدرس والولد عندي وبحكم ان بيتنا ماكان فيه اطفال من زمان وحنا مستانسين على الحفيد ونموت فيه وكل الحفيد معانا اكثر من عند امه وابوه وانا وزوجي والله العظيم ان مدليعين ونعزهم الولد وزوجته زوجته انسانه هادئه ومحترمه وماعمرها رفعت صوتها علينا واحنا ماعمرنا دخلنا في حياتهم بس اليوم فاجنا ولدنا ان بيطلع شقه وهذا من حقه وحق زوجته ان يستقلون لحالهم وكلمت ابو العيال عن الموضوع قال على راحتهم بس حسيت انه تاثر من الموضوع اشوي وقلت وش فيك احسك مضايق قال كنت اتمنى ان انا اقوله بعطيك انا الشقه يعني ماتجي منه وقلت لها هذي حال الدنيا وانا اليوم مضايقه جدا مادري ليش ممكن تشوفون هذا طبيعي ابغى ردودكم شاكره لكم

 

[زوجة عزيز]

الله يخليهم لكم حبيبتي مافيها شي الله يعينكم وان شاء الله ياخذ شقه جريبه منكم لا اتحاتين مافي الا كل الخير

 

[ام الحلوااات]

اااااااااااااب

 

[رانس]

ياقلبي الله يخليهم لكم وان شاء الله هم ماراح يقطعونكم خصوصا ان زوجته اداوم يعني يوميا بتقط ولدها عندج وان شاء الله يوميا تشوفينهم

 

[صادقة بكلمتي]

عسى الله لا يحرمج منه ومن عياله ويبلغج فيهم وتزوجينهم بعد لا تحطين بقلبج صج هذي سنه الحياه وترا الاستقلاليه مهما كانوا اهل الزوج زينين شرواكم لكن كل وحده تحب تمتلك حياتها الخاصه وان شاء الله ولدج زين ومرته شايفة معالمتكم لها واكيد بنت حلال اهي بس سالي ولج بينكم في شي لا سمح الله خلاكم تعزمون على الطلعه وقوليله الله يوفقهم وكل يوم اييبون ولده لو راحوا دواماتهم ما فيها شي وعسى الله يفرحج فيه انتي وابوه ويعطيكم العمر الطويل وايد تاثرت ابصراحه

 

[ماني من الناس]

دام زوجته زينه ومحترمه اتوقع راح تحافظ على علاقتكم بولدها

وان شاء الله خير

بالنهايه هذي حياتهم ومخططاتهم

 

[emiemi]

الله كريم حبيبتي
بس حرام عليه يخليكم بروحكم لوشنو انتو بس له بهدنيا والبيت كبير شدعوه عليه
لاتزعلين الدنيا تغيرت

 

[جنتي زوجي]

الله يسخره لكم

 

[دآنة آلرشآيده]

ياحياتي ان شاء الله الشقه جريبه منكم
وان شاء الله مايقطعون عنكم
الله يهديهم

 

[Q 8 Y A t]

ما عليه

حاولوا تتاقلمون


اخرتها يمكن يرد
لانه الولد دايم عندكم

 

[white**angel]

بالعكس لا تزعلين استانسي انه ولدج كونله اسره ودامها متربيه ومحترمه صدقيني ماراح تتغير لو تروح اخر العالم بتخليكم مع البيبي
وترى الضيقه اللي انتي فيها طبيعيه لانج تعلقتي بالياهل صدقيني مع الايام بتعودين هذي سنة الحياة

 

[آنـوش ••||]

مرده بيطلع الحين ولا بعدين
واهم شي ان زوجته طيبه ومحترمه
والله يخليه لج

 

[لولو8090]

عادي جدا صدق بتتضايقين بحكم انك تعودتي على الولد وعياله بس هذي حياتهم وخصوصياتهم مهما كانت زوجة الولدتحبكم بس اكيد تبي خصوصيتها اكثروتحس انهامستقله عنكم وترى احسن تطلع في بيت كل ماتقعد تمون وتكثرالمشاكل

 

[ELFAD3Ah]

اب
اب

 

[مكتومه]

يا ام حسين الله بيحسن جزاك ان شاء الله

العيال بنربيهم ,, وبيكبرون وبعدها بنزوجهم ..ونشوف عيالهم
ونفرح لفرحم ونزعل لزعلهم ..وحياتنا كلها تضحيات بس عشان نشوفهم مستانسين ومبسوطين.. وهذي سنه الحياه
اليوم ساكن معاكم وبعدها لازم يبون سكن خاص فيهم عيالهم بيكثرون
يبون تكون لهم خصوصيه ..
يعني ان شاء الله هذا الشي مايضايق .. لان هذا شي طبيعي بيجيكم وبيزوركم
بس يحتاج وقت تتعودين عليه فيه بس.. ولا ما اظن فيه ان الولد مضايقه شي لا
بس لازم يبيج الوقت الى راح يكون لهم سكن خاص ..

 

[أكذب عليك]

والله يالغاليه انتي انسانه مبين عليج طيبه حيب والله يجزاج خير
اما بخصوص الطلعه انتو ماشالله جيل تعود ع البيت والخاله والعم
انا حمواتي وخالتي عسل واموت فيهم بس الود ودي اطلع مو قصور
بس استقلاليه لي ماحب الزم احد فيني

وانتي اعرفيها لابد بيطلعوون والله بيرزقهم وانتو ماعليكم الا تدعوم لهم قريبين كانوا
او بعيدين وان شالله ماتفقدون غالي


والضيقه شي طبيعي ..بس الحمدالله دام طلع واهو حاب وانتي انسانه تعرفين شلون عاملتي مرت ولدج
وتعرفين مابينكم مشاكل فهذا الحمدالله معناته الموضوع بس كاستقلاليه


والله يخليهم لج يارب

 

[منو انت]

البعد بعد القلوب

ودام انه زين ومرته زينه ان شاءالله كل يوم يكون عندج عسى الله يهديه لكم

 

[حبيبي مالكني]

خليهم يستقلون بحياتهم
يمكن اهم يبون ياسسون اسرة مستقله
مو شرط يكون سبب انهم متضايقين
كل مراة تحلم ببيت لها بروحها
خليهم يروحون ويجربون
وانتي ادعي لهم الله يوفقهم
ولازم بتحسين بضيقه وشويت حزن
بس هاي حال الدنيا

 

[غيث الحيا]

يمكن الشقه الي معطينه صغيره
او انتو حاطين مسؤليه البيت ع الولد يشتري ويجيب ماچله ، والمره تضايقت
او يمكن مو مرتاحين من شي
برايي لو بيتكم وسيع او راهي اعزلوله شقه عندكم وطلعه خارجيه عالشارع
يمكن تبي اهلها يزورونها او صديقاتها او خصوصيه////
حاااولي تحطيله شقه عندكم معزوله كلش
واذا ماتيسر
فاهم مايبون الطلعه الا راحه لهم
وخلوهم علا راحتهم!

 

[غلاااالرياض]

بعيد وسعيد انشاءالله اهم شي انه بيطلع وانتو راضين عنه مو من بعد مشاكل وهاذي سنة الحياة الله يخليه لكم