ولدي الغالي؛؛؛؛؛آه وآه

[غصن الغلا]

السلام عليكم ورحمة الله وبركاته

أخواتي العزيزات أناعندي مشكله مع ولدي (للعلم هذا نك رفيجتي داخله فيه)


ولدي بصف2ابتدائي اسمه عليه شاطر تقدير جيد جدا يعرف يقرأ ويكتب وحافظ جزء عم نصه تقريبا
المهم الولد فيه نصبت. ضعف استعاب بس لما تدرسه يفهم بس ماشي بالحفظ والدراسه

بس أعيال صفه يتطنزون عليه ويطقونه الولد كره للمدرسه محد يدافع عنه وهو مو قادر يدافع لما اروح للمدرسه يقولون انشاءالله بدون فايده روحه بلا معنى

وأمس داوم بالهده ابوه ينطره بره الولد تأخر جان يشوف واحد ولد فلان أفلاني بصفه 3 صبيان يكفخوه ومممنوع يدخل ابوه راح للوكيله لاحياة لم تنادي


والولد مريض فيه حراره 38 غياباته وايد ورجل مسوين فيها عمليه صغري فيها صديد اشلون يدافع عن نفسه والأبله هدت الصف وطلعت

والطامة الكبري الولد كره للمدرسه وقام يكف الي بالبيت من الجهال وصارت عنده حالة خوف

وألحين معطيها تحويل للمدرسه خاصه

تكفون ساعدوني شنو الحل منو من احد بمدرسه بوصفها عليه تكلمني خاص ابي فزعتكم يالنشميات ادري أنكم مراح تقصرون لانه غصن الغلا تمدحكم


اسفه طولت عليكم

 

[الشهد كله]

اشتكي عند المنطقة التعليمية تخلي المدرسة بكبرها توقف على رجل ونص

وين قاعدين بالغابة ؟؟؟؟؟؟؟

اليهال حرب ، والمدرسة طالعة من الصف والكيلة ما تسوي شي

شالسالفة مدرسة ولا نادي؟؟؟؟؟؟؟؟؟؟​

 

[غصن الغلا]

والله تعبت وشتكيت عند المنطقه تعليميه ونقلوا مدرسه ثانيه نقل تأديبي لانه ابوه صعب وتطاول على الناظره
مالوه من الإهمال

 

[غصن الغلا]

ومره جاي من المدرسه وجهه كله دمان وشموخ تقولون مشمخه قطو

لما رحن المدرسه نادوا ولية أمر الطالب شنو ردها ام الولد ولدي دمه حار اذا أحد ألمسه لو على طرف راح يكفجه قالت الوكيله مايصير وقعي على تعهد انه ولدج مايطق الصبيان مارضت توقع *

 

[منيرة خالد]

اللي اعرفه الولد اللي يصير عليه اكثر من شكوي ينقل من المدرسه >>>>>>هذا اذا اللي طاق ولدج ولد واحد


اما اذا كان ولدج يتعرض للضرب من اكثر من ولد >>> لازم تأخذينه قبل الدوام وتنقلينه من الصف اللي اهو فيه وجابلي الاخصائية وغثيلها داومي عندها علشان تحرص على ولدج والا تحرص على المدرسات اللي يدرسونه يتابعونه


الله يعينج ترى بعض الادارات مهملين بشغلهم وخاصه بمدارس الصبيان ما لهم خلق واذا كلمتيهم يقولون لج حتى عيالنا بالبيت يطقون بعض


(( حاولي تتعرفين على الامهات اللي بمدرسة ولدج وخلي ولدج يتعرف على عيالهم علشان يستقوي فيهم ويدافعون عنه ))



انا ام عيال ومجربه هالاشياء متعبه بالبدايه بس اذا سعيتي وراهم وخاصه اذا كون الولد صداقات راح يلقى اللي يدافع عنه ويستقوي


الله يعينج

 

[G!RLooNa]

واااااي بعد عمري عور قلبي

 

[(كويتيه عسل)]

اللي اعرفه الولد اللي يصير عليه اكثر من شكوي ينقل من المدرسه >>>>>>هذا اذا اللي طاق ولدج ولد واحد


اما اذا كان ولدج يتعرض للضرب من اكثر من ولد >>> لازم تأخذينه قبل الدوام وتنقلينه من الصف اللي اهو فيه وجابلي الاخصائية وغثيلها داومي عندها علشان تحرص على ولدج والا تحرص على المدرسات اللي يدرسونه يتابعونه


الله يعينج ترى بعض الادارات مهملين بشغلهم وخاصه بمدارس الصبيان ما لهم خلق واذا كلمتيهم يقولون لج حتى عيالنا بالبيت يطقون بعض


(( حاولي تتعرفين على الامهات اللي بمدرسة ولدج وخلي ولدج يتعرف على عيالهم علشان يستقوي فيهم ويدافعون عنه ))



انا ام عيال ومجربه هالاشياء متعبه بالبدايه بس اذا سعيتي وراهم وخاصه اذا كون الولد صداقات راح يلقى اللي يدافع عنه ويستقوي


الله يعينج

عجبني ردها :hjy5jewf:

 

[غصن الغلا]

١٠٤ وبس ٧ ردود وينكم بنااااات وينكم

 

[المستغفرة 74]

رد : ولدي الغالي؛؛؛؛؛آه وآه

نفس قصة ولدي
حبيبتي انحاشي من المدارس الحكومية وحطية عند مدرسين رجاجيل ووصي علية المدرسين والاخصائي .
لان ولدي بثانية ودجاجة ما يدافع عن نفسة لان مو متعود على مجتمع الذكوور لان كل الي بالبيت اخواتة ما عندة اخ ولا يحتك بالصبيان فتشوفية هاديء مثل البنات .وعسى ربي يسخرلهم الطيبين ويبعد عنهم الشر امين يارب العالمين .

 

[ام حنااين]

رد : ولدي الغالي؛؛؛؛؛آه وآه

ممكن شخصيته متسلطة وراعى مشاكل بالمدرسة وبالبيت هادى عشان جذى تصيرله مشاكل

او انه ضعيف والصبيان يطقونه

الحل انج تروحين المدرسة وانتى تسوين علاقات له مع عيال صفه بمشاركة الاخصائية وعودى الاولاد اللي يصيرون ربعه بانج

تكافئينهم بهدايا لانهم اطفال يفرحون بهالاشياء

 

[شانييل]

الله يعينج

حتى أنا ولدي كل شوي الصبيان قايمين عليه بساهوة ياول يرد....... وتصير المشكلة عليه

قتله ما يرد يروح يشتكي عند الاخصائية ويهددهم فيها
وانتي كلمي الناظرة والوكيلة والاخصائيات صدقيني شوي شوي راح تخف المشكلة

وارفعي من تقديرة لذاتة وعطيه الثقة بالنفس
روحي للمراكز تعلمج شلون تصيرين جذي

دخليه معهد رياضة وكراتيه راح يرتفع تقديرة لذاته
علمية حل المشكلات وضبط النفس والدفاع عن نفسه

ماشاء الله الولد شاطر حراااااااااااااام يخترب

وبسه غياب الله يفظة لان هذا يخرب عليه

 

[غصن الغلا]

الرفع مشكورين

 

[رضاهم جنه]

الي نفس حاله ولدج لازم تودينه مدرسه خاصه

انا ادرس صبيان وبالفرصه ذبح مذابح بيناتهم حتى انا مو قادره افك بينهم وياويلج تمسكين مسطره بالمناوبه وللاسف الصبيان ما يخافون الا من الطق والا لا يمكن تفكينهم

 

[غصن الغلا]

انتي اي
مدرسه تكفين قوالب لو بالخاص

 

[غصن الغلا]

الو

 

[FJ style]

نقليه مدرسة ثانية

 

[ابعد واستريح]

لا حول ولا وقوة الا بالله الله يعينج

 

[الأميرة جوري]

رد : ولدي الغالي؛؛؛؛؛آه وآه

حاولي تنقلينه لايتعقد ويصير خواف لو لمدرسه خاصه ليمن يكبر ويفهم ويدافع عن نفسه انا بنتى من الخوف صابها التهاب بالبول الله يكرمج وفصلتها بعت تموت بعدها قالت لي يمه انا قلبي يدق حيل لي رحت المدرسه اخاف من كل شيء وكانت اولي ابتدائي والحين الحمد الله كبرت وصارت دافع عن نفسها ....بس انا فصلتها بالسسب المرض ..........وسؤال ...انتى طقينه او ابوه يطقه ؟؟<<ياثر عليه ويصير يخاف من الكل حاولي دللينه وتشجعينه

 

[*سويسرول*]

الله يعينكم

 

[كول تكره سكول]

رد : ولدي الغالي؛؛؛؛؛آه وآه

آنآ اعرف شنو تسوين اذا اهوا فيه حاله خوف على قولتج سوي له اي شي يحس انه

كبير وقد المسؤوليه عشآن ما يخاف .. مثلا روحي جيبي اخوه وخلي اخوه يضربه ( تمثيل ) بعدين خليه يحاول ولدج الي

فيه حاله خوف وشجعوه على انه الي يطق ولدج .. ولدج يطقه وجذي راح يتعود . .