ولدي اربع سنين عسر ابي نادي اشركه فيه عشان طاقته

[Ashjaan]

السلام عليكم خواتي ولدي عمره اربع سنين لكن اسم الله عليه عسر بما تعنيه الكلمه من معنى ، كثر ماتكلم بحقه شويه ، طق بالخدم وباخوه اللي اصغر منه ، وبالروضه اهو بالغانم ثنائية اللغه وكل يوم مقعدينه بكرسي العقاب وكل يوم شكوى ، وبكل مجمع نروح له الناس كلها تطالعنا من صراخه وصياحه ، يبي بكل طلعه لعبه ، والمشكله هم مايقنع ، وديته استشاري نفسي اطفال جاسم حاجيه ، وقالي اللي يسويه افت انتباه ، ويبتله احمد البرماوي البيت وعطاني اسلوب عقاب مافاد ، لاشده وياه نافعه ولا ولا حنان وحب نافع والله بستخف ، بكل زواره اهلي والا في بيت يدتي الكل يشتكي منه والله يوم واحد بالاسبوع محد راضي يتحمله ، مالومهم بس والله انا وزوجي تعبنا واحنا نبدل خدم وتعبنا واحنا نتكلم وياه وتعبنا من عسارته ، والمشكله شهيه ماكو كلشششش كله مايبي ياكل وحركي زياده ، بس اسم الله عليه ذكي بالمدرسه ، الطلعه وياه تنقلب جحيم تكفووووون ابي نادي والا مكان ادخله فيه العصر يطلع طاقته ويكون سعره معقول والله قربت استخف عكس اخوه الثاني اسم الله عليه فرجوا كربتي الله يفرج كربكم :yaaaaaarb: ليل ونهار ادعيله وكل يوم ابجي من اللي مسويه فيني وبالكل كل ماخد يشوفه يقولي الله يعينج

 

[Q8_QT]

الله يعينج ليش ماتدخلينه سباحة من فترة شفت اعلان للنادي العربي سباحة حق اطفال وجنه شغالين حتي بالشتا لان حمام السباحة مسكر آنا ودي بعد ادخل ولدي فيه اهو مثل ولدج اسم الله عليه عمره ٥ سنين بس مأذيني بحركته وصراخه الله يهديهم يارب

 

[Ashjaan]

جان زين يحب السباحه بس مشكلته يخاف وايد من وايد اشياء والله انا ودي ، بغيت نادي لعب رياضه يطلع طاقته فيها والله تعبت

 

[mafio98]

نادي
اليرموك بمشرف عندهم نشاطات مختلفه بس مادري من اي عمر ياخذون

 

[Ashjaan]

ياليت تفيدوني والله قاعد يعذبني ويعذب نفسه وكل اللي حواليه

 

[Ashjaan]

للرفع اب

 

[احلى الاسامي]

والله كانج تتكلمين عن ولدي والله شايله هم الروضة الله يعينا على تربيتهم شيب برأسي وهرب الخد امه ومادري شنو اسوي تعبت

 

[حظ من عنده انا]

الله يعينج خلي سورة البقره على طول تشتغل في بيتج واقري عليه اذكار الصباح والمساء
وباليل قولي له قصه عن العيال اللي ماياذون اهلهم وعلميه ان اللي يسويه غلط يمكن مايعرف

 

[Ashjaan]

لازم مكان يلعب فيه او يلهى فيه يطلع طاقته والله مو شيب راسي الا بشيب هدب عيني

 

[hneen2]

والله والله جنج تتكلمين عن ولدي هم عمره 4 سنين وايد في طاقه يطلعها بالشطانه مينني بس يالله هانت هالسنه يدش روضه اسم الله عليه

 

[Ashjaan]

الله يعينج والله ويعين كل ام مثلنا

 

[Ashjaan]

للرفع للرفع

 

[Ashjaan]

للرفع للرفع

 

[الشيخه فطامي]

حبيبتي قعدي في البيت اسبوع او جابليييه عدل سويله جدول مزحوم

حشيله الوان يلون او يرسم رسمه او اذا خلص يوريج ياها او عقب حشيله فلم يشوفه او بعدها يلعب او على قولتج نادي

ساليه شنو تبي كره ولا تتسبح ولا كاراتيه او جربي نادي اليرموك او العربي او القادسيه كلهم عندهم نشاطات او ياخذون

او عل الاكل صح اسم الله عليهم اللي فيهم طاقه او حركيين وايد شطانه مايبون الا خرابيط ككاو او حلاو بس اكل صحي مايشتهون

 

[Ashjaan]

والله حبيبتي اهو مايحب غير الأي باد ويجابله ليل ونهار عيونه اندمرت واهو شطانه اسم الله عليه مأذيني وأذي نفسه ومأذي غيره ماقول إلا الله يهديه عشان جذي بغيت نادي يطلع طاقته فيه

 

[Ashjaan]

للرفع للرفع

 

[M&Ms]

الله يعينج في نادي بالجابرية يم بيتزا اكسبرس مارف طريقته بس شكله نادي يهال جنه في كاراتي يقول هناك يشوفون شنو الشي اللي يحبه الياهل ويطلع طاقته فيه مع ان احس هذا مو حل حق مشكلته والله يهديه

 

[washwoshh]

حبوبه في نادي بالدسمه جبال الجميعه جنه ولد رفجتي مشركته اهناك حق كره



لا تعطيه حلويات ترى تزيد النشاط



وعسى الله يهديه ويسخره لج :yaaaaaarb:

 

[Ashjaan]

المشكله انه لاحلويات ولا وايد على الكاكاو يقولون اللي فيه لفت انتباه بس لفت انتباهه يودي بداهيه

 

[Nokia N95]

شوفي اكله ....

في مادة اسمها ( جلوماتيت احادي الصوديوم ) موجودة في في ( الكتكو ) و الناتشوز و الماجي و النوديلز ...

اسمها بعد e621

هالمادة تسبب فرط الحركة لليهال ....

من قطعتها من بيتي .... و عيالي تغيروا ولله الحمد ....

هالمادة يحطونها في الوجبات السريعة و البيبسي اللي بالمكينة ... ( معزز نكهة على قولتهم )

وعسى ربي يهديه