ولدى المسكين

[حور بنت علي]

مساء الخير أنا أول مره أشارك شوووفولى حل ولدى بسادس بس ما يقرأ ولا يكتب ما خليت معهد من أولى ابتدائى بس ماكو فايدة ما ادرى شسوى ووين اوديه

 

[حور بنت علي]

شدعوه محد عنده الحل

 

[muna12]

حبيبتي في مركز اسمه مركز تقوم الطفل في السرة

اعمليله اختبار هناك ممكن يقلك شو المشكله بطئ تعلم او صعوبه تعلم

ويا رب يوفقه

 

[عيون سارة]

حبيبتي في مركز اسمه مركز تقوم الطفل في السرة

اعمليله اختبار هناك ممكن يقلك شو المشكله بطئ تعلم او صعوبه تعلم

ويا رب يوفقه

نفس الراي

 

[7atoto]

شلون كان ينجح!؟
وديه تتقويم الطفل يمكن يكون صعوبات تعلم

 

[جوري وبنفسج]

السلام عليكم

ولدي يوم كان برابع لاحظت إنه ضعيف بالقراءة والكتابة ومجنن المدرسين

والحل إني حطيت له مدرس سوري بعطلة الصيف كل يوم يدرسه والحمدلله تحسن مستواه

وخلي ولدج كل يوم يتدرب على القراءة والكتابة يعني يقرأ جريدة قصة أي شيء المهم لازم يتدرب مثل ما ندرب العضلة بالتمرين ندرب النطق بالقراءة والكتابة ​

 

[حور بنت علي]

شكرا على ردودكم بس مركز التقويم بالسره اتصلنا فيهم قالو اول نوديه دكتور نفسى لأنه فى خوف من كل شى وصار لى مده اوديه معهد شوي تحسن بس انا ابى شى سريع علشان لا يرسب السنه

 

[حور بنت علي]

حبيبتى يا ليت تدزين الرقم على الخاص وما قصرتى وأتمنى هالسنه تمر على خير

 

[جنون العاصفه]

حور نفس المشكله بس انا ماتحب شي اسمه دراسه مدري شسوي

 

[حور بنت علي]

أهلين جنون العاصفه أحبج وايد لأن عندج حور أنا بعد عندى فديتها تهبل وبالنسبه حق بنتج لا تخلينها بعدين تتعبين

 

[حور بنت علي]

حبايبي ماكو حل سريع

 

[كويتيه نشطه]

حبيبتى اذا تبين مدرسه بتساعده ان شاء الله طرشيلى على الخاص وانا اقولك رقمها

 

[عروس مطيريه]

والله انا اختي كل يوم يتدرب ولده على القراءه والكتابه يعني يقرأ جريدة قصه كل شي عنده

 

[نادره في وجودها]

الحل عندي

مالج الااااا المدارس الخاصه هي الوحيده اللي تمشيه لو ما يعرف كوعه من بوعه لووووووووووول

المدارس الخاصه اللي بالجليب

 

[سارة_kw]

الله يعينج

شوفي لج معهد بالصيف يدربونه على القراءة والكتابة او غيري المدرسة يمكن مو مرتاح فيها

 

[رنين]

أول شي عرفي السبب بعدين تعاملي مع الوضع و دوري حلول....

ممكن يكون متعرض لشي بالمدرسه ما تعرفينه
او عنده مثل ماقالوا البنات شي من صعوبات التعلم
او هايبر اكتف فما يقدر يركز اصلا
او اسباب ثانيه....


في دكاتره مختصين باختبار الطفل و معرفه شنو الي ممكن يكون فيه هل اهو ماشي مع عمره و الا متاخر و الا سابق مثل الطب التطوري
اذا تبين تقييم سريع عشان تعرفين اصلا شالمشكله وديه خاص
عندج دكتوره عبير عوض دكتوره فاطمه و غيرهم....

و اذا تنطرين شوي عندج المركز الي قالوا عنه البنات بالسره

او تعتمدين على احساسسج كأم.... اقري اول عن شنو ممكن الاسباب الي تعيقه عن القرايه...مشالله النت مفتوح و فيه كل الي تبينه...
اقري خصائص الطفل الي عنده صعوبات بالتعلم و شوفي اذا تنطبق على ولدج او لأ.
المدرسين الخصوصيين الي جابلوه قعدي معاهم شوفي رايهم فيه لأن يكون مار عليهم واااااايد و بعضهم يقدرون يميزون اذا الياهل عنده مشكله و الا بس كسلان و ماله خلق يتعب نفسه

و عسى الله يطمن قلبج

 

[حور بنت علي]

طبعا مدارس الجليب عيالهم يخرعون وولدى خواف راح ينطق والله ما خليت معهد شوى الحين قاعد يقرأ

 

[حور بنت علي]

حبوبه رنين شكلج عندج ألمام بهالسواف ولدى بالشفهى شاطر والمدرسين الخصوصيين يقولون شاطر بس بالكتابه لأ راح أدق وأخذ موعد من دكتور خاص

 

[رنين]

انتي شرايج شتحسين؟
ماكو مثل احساس الام بعيالها


يعني ممكن الولد يكون ماشي اول ماهو زين يقرأ و يكتب و ماعنده مشاكل
فجاة تغير و انقلب مستواه و ممكن علامات ثانية سمن زيادة عن اللزوم او ضعف كله سرحان الخ الخ الخ من تغيرات فجاة هذا يدل على تعرضه لمواقف مايقدر يواجهها

هني مو المشكله الدراسه تدورين لها حل المشكله الي قاعد يتعرض له يحتاج مساعده فيه او توجيه



لو كان من الاساس حركي ماعنده تركيز كافي ممكن يكون مشكلته (هايبر اكتف) النشاط المفرط هني يحتاج مساعده علاجيه متخصصه


اذا كانت مشكلته بس بالقرايه او الكتابه مثلا يكتب الاحرف او الارقام معكوسه صعب عليه اشياء المفروض تكون سهله عالي
بعمره و ها الشي من الاساس من اولى ابتدائي مو جديد ... هني اقري عن صعوبات التعلم و سويله اختباراتها و شوفي اذا هذي مشكلته او لأ.....



يعني تقولين شاطر بالشفهي طيب جربتي تفحصين نظره؟ ممكن يكون عنده مشكله بالشوف اصلا هي الي متعبته ماله علاقه بشي ثاني.


يعني دوري عن كل الاسباب الممكنه و الغير ممكنه عشان تعرفين شمشكلته
قعدي معاه شركيه بالموضوع خل يشرحلك رايه ليش اهو مو متمكن بالقرايه شيحس شيشوف؟
بس يعني خليه يفتح قلبه بدون ما تحسسينه انه يكسر الخاطر او عنده مشكله كسوالف .....

و انج تودينه دكتور خطوه حلوة عالاقل تعرفين شقاعده تتعاملين معاه ...و عسى الله يطمن قلبج

 

[كويتية222]

هلا اختي اذا تقدرين عطي ولدج ورقة بيضة وقلم رصاص وبراية فقط ( ما ابي مساحة تعطينه )

وقوليله ارسملي صورة ( رجل ) ودزيلي رسمته سكااان على الخاااص

وما في شي صعب ان شاء الله كل الامور بتنحل بس طولي بالج