ولدوني قيصريه

[zargona99]

السلام عليكم

شلونكم بنات شخباركم

انا من جم يوم والده وولدوني قيصريه من بعد عنااااااااااء يومين بالولاده اطلق بس الياهل مانزل بالحوض وقل نبضه جان يحولوني قيصريه بس صج صج صج تعبت قمت اتل شعري واصرخ جربت ابره الظهر بس هم حسيت باالالم

وانا الحين نفسيتي تعبانه غصب اتحرك وغصب امشي وعوااااااار مو طبيعي فيني حتي البيبي ما اقدر اشيله عدل لازم اي احد عطيني ياه وهم ما امسكه عدل لانه بطني يعورني بالحركه


المهم بغيت اسال اللي ولدو قيصريه

متي يخف العوار وارد طبيعيه؟

هل من الممكن ارد طبيعيه نفس قبل خلال فتره الاربعين ؟ وباي يوم؟

ومتي اقدر اشيل البيبي وانا واقفه او حتي قاعده؟؟

والجرح يحرقني بالسباحه مع ان حاطه لزاق

متي اقدر اتسبح من غير ما احس بحرقه؟

وعادي الحين الجرح يحوشه صابون ولا يحرقه؟

الدكتوره معطتني بخاخ لي متي استخدمه ؟

ولي متي اهتم بالجرح؟

متي اقدر اربط بطني؟؟

ومتي اقدر اسوي رياضه؟



ادري طولت بس محتاجتكم مالي غيركم نفسيتي تعبانه والله

 

[الجوهرا]

مبروك البيبي ويتربى بعزكم
ماتسوين رياضه الا بعد 6اشهر
وراح تقدرين تتحركين بعد10ايام
بس ابتعدي عن البخور والعطور والمسك عشان العمليه ماتلتهب

 

[++MesK++]

حمدلله ع السلامه حبيبتي

أكيد راح تردين طبيعيه خلال فترة الاربعين بس شدي حيلج

و حاولي تتحركين لان الحركه زينه للجرح


لا تشيلين ثقيل / لا ترشين عطورات عشان لا يلتهب الجرح


بالنسبه للسباحه مو كل يوم .. و لا تحطين الصابون ع الجرح مباشرة لان مو زين


بالنسبه البخاخ مادري لان دكتوري عطاني ميبو كريم

و شي طبيعي الجرح يحرقج لان قاعد يلتئم

بالنسبه حق ربط البطن في كورسيه مخصوص للقيصريه بالصيدليات الكبيره



و بالنهايه حاولي تسترخين ولا تفكرين وايد بالجرح

مع الايام راح تتحسنين صدقيني و قبل طلعة الاربعين بإذن الله

 

[ام الحلوااات]

الـــحـــمــــد للــــه عـــلـــى ســــلامـــنـــج و مـــبـــروووك مـــايـــااااج

 

[OopSs]

عزيزتي


الف الحمدلله ع سلامتك يالغلا ،، قبل كل شي تأكدي انه قدر ومكتوب لك / وان شاء الله مأجوره عليه

انا والده قيصريه مرتين ،، والحمدلله ع كل حال تمنيت الطبيعي لكن قدر الله وماشاء فعل ،،

الالم بيخف تدريجياً وبياخذ اسبوع بالكثير ، لكن نصيحتي لك لازم ولابد تتحركين وتمشين ترا الجلوس مضرررر لك ..

وتجنبي الاكل اللي يسبب امساك تكرمين ، لانه يأثر سلباً عليك . خلي اكلك شوربه ومن هالقبيل واذا بديتي تتحسنين وخف الالم

كلي لحم لانه بإذن الله يجبر اللحم ،، اشربي كمون لانه يساعد ع التام الجروح ويخلصك من الغازات ويريحك


تجنبي الرياضه وانسيها لمدة اقل من سنه لاني جربتها والمتني عمليتي .. تجنبي العطورات لانها بتسبب لك شمم وبتعورك


اذكر فترة النفاس مريت بحاله نفسيه مروعه اسأل الله القدير ماتمرين فيها شغلي قران وكثري استغفار .. ولاتتحلطمين من شكلك راح يخف كل هذاا بعد فتررره


ولاتهملين الرضاعه الطبيعيه هي اللي بتساعدك تشد بطنك وارحااامك تكفيييييين لاتقولين الالم ؟ لاني مجربه وادري راح يخف والرضاعه لها ثواب عند الله سبحانه


.. عمليتي كانت كبس فمااا ادري وش البخاخ اللي تتكلمين عنه ،، لكن امسحيها بمنقوع المره ..


واسسسفه ع الاطااله حبووبه ��

 

[••غـلآًهْـم••]

الله يكووون بعوووووونج


والحمدلله علي سلامتج ومبروك ماجبتي الله يجعله من مواليده الصالحين

 

[ديانا سبنسر]

لاتخلين الجرح يحوشه ماي علشان مايلتهب

 

[Um Ritaj]

ماقصرت الاخترooops


بس بضيف عليها شغلتين لاني تذكرت شعورك لما سويت اول عمليه قيصريه وكنت عبالي بتم طول العمر ما اعرف امشي

بس الحمدلله ثاني يوم ولاده كنت اتمشا بممرات المستشفا وكنت اصلب طولي بالمشي ما انحني ليما تعودت

قد ما تقدرين كثري مشي

ثاني شغله لا تشربين حليب باللايام الاولي عشان ما يسببلج غازات

ثالث شغله لا تاكلين ادويه اول عشر ايام وخااااااااصة الرشاد

بعد عشر ايام ابدي بالادويه بس بدون رشاد ولا فلفل لانهم حوار ويفتحون العمليه

والحمدلله علي سلامتج ومأجورة باذن الله

 

[zargona99]

مشكورين حبايبي عالمرور.


والله يبارك فيكم


عندي سؤال ثاني انا للحين حاطه اللزقه عالجرح اخاف لما اعرق يلتهب الجرح واخاف اشيل اللزقه بالبيت ما احب اشوف الكبس شسوي بالضبط؟

وباجر مراجعتي يعني انطر لي باجر لما تشوفني الدكتوره؟ ولا افتح اللزقه وارش عليها البخاخ؟

 

[أم عزيـز]

الف الحمدالله على سلامتج يا قلبي
لا باس طهور ان شاء الله ومبروك ما ياج يا الغاليه

 

[OopSs]

صباح الخير ياوجيه الخير


انتي انطري لين مايجي موعدك احسن


بالنسبه لي ما اكلت ادويتي خير شر مع اني كنت مجهزتها ��

و على طاري الحوار صحيح تجنبيها

 

[Um Ritaj]

انا كنت والده قيصري بالسلام وكانت السستر تجي للبيت وتبدل اللزقه لي ليما راجعت عند الدكتور وشال اللزقه الثانيه

فنصيحه لا تشيلينها ليما الموعد

 

[بحور العنا]

الحمدالله ع السلامه حبيبتي
ومبروك ماجبتي
اجر وعافيه يارب

 

[zargona99]

الله يباركم فيكم حبايبي ومشكورين عالمرور


لما يشيلون الخيط واللزقه مايعور؟؟

 

[zargona99]

وشلون اتسبح عقب ما يشيلون اللزقه مايحرق ؟

وشلون انظف مكان الجرح؟

 

[مجنونة ولدها99]

أنا ولادتي كانت قيصريه بس الحمدلله عدت على خير ...
أنسي الرياضه بس عليج بشد وشفط البطن لي داخل ...
أنا تعودت أشد بطني وأنا قاعده وأنا أمشي حتى لما أنسدح وما أهده إلا بوقت النوم وبالبدايه كان حييييل صعب علي بس كل مالمست بطني لاعت جبدي وتخرع وقمت أشفطه علطول لما أختفى وصار شي صغيروووووني ...
وصارت عاده عندي شفط البطن وأنا حاليآ حامل بالرابع ولما ألحين أشفط بطني ...
ولما يشيلون الخياط ماتحسين بشي بالمره ...
وتقدرين تتسبحين عادي بس لاتقربين صوب الجرح بس من باب الإحتياط ...
ولمدة 3 شهور خليج حرييييصه حيل على نفسج ... يعني لا تسوين تمارين للبطن ولا تشيلين شي ثقيل ...
وأجر وعافيه حياتي ...
وهذا كله راح يعدي بإذن الله ويكون مجرد ذكرى ...

 

[انوار المحبه]

الحمدالله على سلامتج حبيبتي و ان شالله مع الوقت بخف العوار

 

[zargona99]

الله يسلمكم حبايبي ويبارك فيكم مشكورين عالمرور



متي اقدر اشيل الياهل وامشي فيه؟

الحين ما اقدر اشيله يعور بطني

 

[أبكاني ذنبي]

الحمدلله على سلامتك

واجر وعافيه كل اللي مريتي فيه ياارب

كل شي بأجره

 

[Janna-q8]

و الله اذكر بعد شهر حسيت بفرق
اول الايام كل ما انام على جنبي احس بطني يشد معاي
و على فكرة ضروري تنامين على جنبج اريح لبطنج عشان ما يتيمع فيه هوا و يعورج جرحج
و عالسبوح ليما تقولج الدكتورة او الدكتور تقدرين تتسبحين من غير لصقه و تلقين الحراره اللي تحسين فيها كلها نفسي
و لا تقومين فجأه من الفراش خليج شوي شوي و لفي على جنب بعدين قومي
و امشي ترى المشي زين لا تتسدحين وايد ينتفخ عليج بطنج من كثر القعده
و سندي ظهرج عشان لا يعورج