ولدت قيصري و حيل محتاجتكم

[قوت]

السلام عليكم حبايبي شلونكم شخباركم

انا ولد قيصري ويبت ولد مثل القمر الله يخليه لي و هذا بجري الحين انا صارلي 12 يوم و جرحي ألتام و باجر عندي مراجعه بس عشان تشوفه الدكتوره انه التام تماماً

الحين بسالكم شلون تروح كرش القيصري انا قبل الحمال بطني لازم بظهري ابي الكرش تروح تماماً و متي اقدر اسبح ع راحتي و استخدم الخلطات ابي اطلع عروس من جديد خايفه ما اتغير و زوجي ينصدم و لا يتقبل جسمي لان فرق كبير قبل الحمال و بعد الولاده ساعدوني ابي كل نصائحكم وابي الي ولدت قيصري شنو سوت اربطت و متي اربطت بطنها ومتي مارست الرياضه ابي اتغير بليز بليز ساعدوني حدي احاتي هالشغله

 

[سحايب برنس]

وانامثلج بعد قيصريه وبجر وجسمي شحلاته بس الكرشه مترين وخربته
المهم الدكتور قالي لبسي كورسيه بس يلتئم الجرح ولعلي رياضه بعد ٤ اسابيع يعني بعد شهر بالضبط
هذا اللي اعرفه وللحين ماسويت شي لاني خايفه بصراحه

 

[زين ودلال]

الحمدلله على سلامتج

الله يخليه لج يارب

ان شاء الله البنات يفيدونج

 

[احلى ديما]

لالا.شنو شهر الله يهداها الدكتورة حدها مستعيله لووول
انا اذكر الدكتورة قالتلي بعد شهرين تقدرين تمارسين رياضات عاديه مثل المشي وجذي بس أي شي يتعلق بالبطن مو قبل 6 أشهر لان عادي الجرح ممكن يتبطل ياما ناس تبطل جرحهم بعد سنة حتى مو شهور وبالنسبه للربط ماعندي فكرة بس اعتقد مايصير حبيبتي الاحسن تسئلين دكتورتج

 

[الأميرة جوري]

الحمدلله على سلامتج..والف مبروك والقيصريات ان شاء الله يفيدونج

 

[قنــــــــــوت]

انا لبست الكورسيه الكامل بعد الولاده باسبوع بالضبط لما شالوا كبسات العملية ..

مو الكورسيه العادي اللي جنه حزام ..لا ... هذا مو زين ..


اخذي الكورسيه الكامل ... من تحت الصدر للركبه ..


وتمّيت لا بسته لنهاية النفاس ... وبعد النفاس هم البسه اغلب الوقت ...

صج يضايق ..

بس مووووتي ولا يطلع لي كرش ....

ومع الادويه والكورسيه .... كله تمااااام ... ولله الحمد ...

مابين الكرش ابدا ... اقل من 4 شهور ... ماكو كرش خير شر ...

..

بالنسبه للرياضه ... انا ماسويت رياضه بمعنى رياضه ...

بس ماكنت اكل وايد ... وغير جذي كنت اتحرك فالبيت قد ما أقدر ...

وبعد النفاس بلشت امشي ...

 

[كلي لكـ]

الحمدلله ع سلامتج
وان شاء الله القيصريات يفيدونج

 

[english muffin]

انا نفسج قبل مافيني بطن كلللللش الحين طريشة صغيرة والدة قيصرية من ٢٠ يوم تقريبا
والرياضة مستحيل بعد شهر
دكتورتي قالت ٦ اسابيع وابدا رياصة خفيفة جدا و مشي بس
و ست اشهر اقدر العب رياضة عدل

 

[سحايب برنس]

قنوت الكورسيه الكامل من وين خذيتيه لاني دورته وماحصلته بالصيدليات

 

[ام اغلى الناس]

الف مبروك وحمدلله عالسلامه
انا ماعرف للقيصريه بس تاكدي من الدكتوره عن الكورسيه والرياضه
بنات لاتستعجلون
انا كنت طبيعي وجسمي مارد الا بعد ٦شهور
من غير رياضه
بس كنت دايم جاي اعشاب وما اكل واجد
ما اكل عيش كلش
والخبز مو واجد
اكثر شي مسلوق ومشوي وشوربات

الكورييه توني شاريته من انور يجي من تحت الصدر للركبه شورت
شكله زين بالنفاس باذن الله اجربه

 

[روح الأحزان]

الحمد لله على سلامتج في كورسيه خاص للقيصريات اعتقد في صيدلية مستشفى الهادي اذا موغلطانه وفي كذا صيدلية بس ناسية وين

 

[brettey]

لالالا الرياضه عقب شهرين حتى الكورسيه والمساج ديري بالج
انا دكتورتي قالت جذي يوم ولدت اخر ولاده قيصري
الرضاعه الطبيعيه تضعف ولبسي شورت قطن يطون فوق المعده ترى يلم بس اكبر من مقاسج برقم
اهي الكرشه تطلع عقب سنه للاسف
انا بالعكس ضعفت عقب الولاده وهم كان على هم وقهر والرضاعه الطبيعيه لها دور

 

[قوت]

تسلمون بنات ع الرد ماتقصرون

انا اليوم رحت مراجعتي و قالت لي الدكتوره عادي تلبسين كورسيه و بشتري الكورسيه الخاص للقيصري قالو من صيدلية الهادي و قالت رياضه بعد شهر بس الحين مسموح لج رياضه وحده الي اهيه اشفت بطني بعدين اريح فهمتوني بنات اشفط هوا بعدين اطلعه

زين الخلطات متي استخدمها عادي الحين الدكتوره قالت عادي تسبحي مثل ما تبين بس انا خايفه اخرب ع قولت امهاتنا و الي حيل مضايقني المنطقه الحساسه حيل تغيرت لونها ودي ابجي بجي شنو اسوي بليز بنات ساعدوني

 

[قوت]

برايتي انا البس الشورت القطن لفوق المعده و احس كل يوم تخف بس حتي ابيها تختفي تماماً

 

[غرومه غنوجه]

سمعت ان الرضاعه الطبيعيه تضعف
ولا تاكلين اشياء تسوي كرش مثل العيوش والبيبي وسوالف تتفخ البطن انا قبل كنت اكلهم بس عالخفيف عشان لا تطلع كرش
بس مو معناته تحرمين عمرج من الاكل لا بالعكس لازم تغذين عدل عشان ترضعين البيبي
وباجي الاشيا والله ماعرفهها عشان افيدج فيها لاني بعدني حامل وبجر
بس هذا الي اقدر عليه وعسى فدتج بشي
وقرت عينج عالبيبي وحمدالله على سلامتج قلبي

 

[ملاك ^ الحب]

انا ولادتي في بجري قيصريه

بس شال الكبسات مال القيصريه قالي تقدرين تسوين رياضه خفيفه

وبعد شهر بالضبط لبست المشد الاندونيسي اسبوعين بعدين ماتحملته بس والله وايد صغر بطني مع المشد

والحمد الله بطني وايد صغر بس انا للاسف ماحافظت وزاد وزني وايد وايد وطلعتلي كرشه