ولدة بالسلامه.. اللي حآبه تعرف تجربتي تدش ..:)

[أستثنـآئيهـ]

السلام عليكم ..

ولدت بالسلامه وجبت ولدي حبيبي ..

أول شي آنآ وآلده عند الدكتوره أمل .. بمستشفى السلام ..
ووآلدتي للأسف قيصريه .. كنت حآبه أولد طبيعي بس مآ الله كتب ..

والحمدلله على كل حآل ..

أول شي كنت نآيمه عند أهلي ..قعدت من النوم لقيت كمية مآي شوي مو طبيعيه خفت حيييل خصوصا أن زوجي دوآم .. سكت وبلعت العآفيه ومآ حبيت أخب أهلي ..

شوي والآ انا وأختي قاعدين نسولف والآ أقوم وألقآ مآي .. صوب فستآني ..
جآن تقولي أختي ي حيوآنه روحي ... قلت مآفيني شي عآدي وآنآ حدي متخرعآ .. وقلتلهآ
أصلا بآجر موعدي ..

مرني زوجي .. ومن لقآفتي الزآيده .. حطيت الموعد السآعه خمس العصر ..
جآن أدش والآ دكتورتي أمل مو موجوده وجآيه بدآلهآ وحده مصريه ..
تقولي انتي بالتاسع بفحصج .. وآنآ صرآع آنآ وهالفحص ..
مآ أحبه أخآف منه .. يعور ..

دشت قحصتني جآن أصرخلج صرخه ونحركت ..
شوي والآ تقولي المآي نقصت لآزم تدخولي ..

وآنآ مآبي .. وزوجي بطل الكشره قلت مآفيني شي ومو مفتوحه ولآ سآنتي ..
ومآ أحس بطلق ..
وأرد البيت وأقعد أتبجبج .. عند زوجي ...
وجني حآسه مآ طب بحلجي ولآ شي ..

ونمت والآ الأذآن يأذن الفير .. وأقعد والآ أنا مغرقآ مآي
يوم شفت عمري جذيه .. أمبيه شنو هذآ ..
قعدت زوجي
أخذ جنطتي والظرف
سولي دخول عقبهآ .. على طول ولآده
حطوني ملآحظه .. لمآ الساعه 9 الصبح

بعدهآ حطولي طلق صنآعي ..

قآستني الدكتوره وآنآ مو مفتوحه ولآ سآنتي :eh_s(2):

من السآعه 5 الفجر لمآ السآعه 4 العصصر وآنآ مو مفتوحه ولآ سآنتي ..

قآلتلي الدكتوره المنآوبه ترآ نبض البيبي يقل ..
آنآ أقولهآ بعنآد شتبين مآبي قيصريه ..
قآلت أنآ أبلغج ..

جت دكتورتي ع السآعه 5
قآلت .. ولدج نبضه يقل .. والمآي قل ..
آنآ بجيت ..
زوجي وقع على القيصريه وقآلي وقعي ..
جآن أوقع ..

دخلوني العمليآت والآ دكتور التخدير يعرف على نفسه .. وبأيده الكمآم .. سحبة الكمآم من غير مآ أسمع شنو يتحجى ويقول .. وأروح بسآبع نومه مآبي أشوف جو القيصري ..
مآبي أشوفهم لآبسين أخضر يخوف الوضع .. :eh_s(2):

ويوم قعدت وجهي يمآ منتفخ آنآ مو آنآ
سألت عن ولدي ..
دشيت غرفتي ..
بغيت أبجي ..
البربيش والدرب .. والتعب والآلم ..
جوني حموآتي وخآلتي ..
وأمي وأختي ..

القيصريه متعبه أول يومين لكن البآجي أحسه عآدي
أللحين أستعمل دويآت أم خآلد ..
أمشي وآجد عشآن الجرح يبرى
ولدي مآ ينآم بالليل وسهآرين آنآ معآه مع أمي

أمي الله يخليهآ لي تعبآنه معآي حيييل ..


بالنسبه للقيصريه .. متعبه .. أول يومين مآ أحس أن بكثر هالتهويل اللي سمعت عنه ..
أذآ اهتميتي بالجرح وكل يوم عقمتيه ونظفتيه وألتزمتي بالمضآد الحيوي الحمدلله مآ تحسين فيه
المشي شي زين لهآ

يعني على كلآم أختي .. تقول ان الطبيعي تخآفين على الجرح من تحت التهآب وجذيه ..

بس الحركه شوي صعبه بعني أمي مآ تخليني أشيل ولدي وجذيه ..واتحرك تقول مو زين لج
اول مآ طلعت قعدت أبجي احس أستضقت شوي ..وبجيت .. وتعبت .. أحس ضعفت
يالله ولدي سهر قعد .ولآزم نسهر معآه نسليه آنآ وأمي الأخ يستآنس علينآ ..

. تعليقآتكم حبآيبي ..

 

[ملاك ^ الحب]

الحمد الله عالسلامه

مبروك ماياج

انا مسويه قيصريه وفعلا ماتخوف

وانشالله هالمره طبيعي

 

[Om-azooz]

عااد سمعت انها تخووف ووتكبر الكرش والم مو طبيعي
ع العموم الحمدالله ع السلامه وويتربى بعزج ان شالله

 

[Om-azooz]

عااد سمعت انها تخووف ووتكبر الكرش والم مو طبيعي
ع العموم الحمدالله ع السلامه وويتربى بعزج ان شالله

 

[so0os]

حتى انا قيصريه الحمدالله على كل حال
وصج اول يومين يعور حيل ما تقدرين تتحركين بس عقبها عوار عادي تقدرين تتحركين

 

[noooor2012]

الحمدالله علي السلامه واهم شي انج بخير والبيبي بخير يالله الفال لنا ونولد بالسلامه والله يسهل علينا

 

[دلوعة أبوهآ]

آلحمدلله ع سلآمتك ..
وآلله يجعله من الذريه الصآلحه ..

 

[*kim*]

حمدالله على السلامه

 

[عمرها السعودية]

الحمدلله ع سلامتك ومبروك ماجاك فديتك الله يرزقني ويرزق بنات المسلمين فرحة الامومة

 

[باربي22]

الحمد لله علي السلامه

 

[فرفشه منعنشه]

ههههههههههههههههه فديتج ضحكتني اختج بكلمتها لوووووول ربي يخليكم لبعض
الف الف الف الحمدلله على السلامه وكل انسان وقدرة تحمله للألم وصاجه البعض يخلي من الحبه اوبه ههههه
وربي يبلغج بولدج بيوم عرسه ويفرحج فيه
​

 

[ABEER FLOWER]

ماشاء الله

ألف الحمد لله على سلامتج وسلامة البيبي

 

[ام عبد العزيز م]

الحمد الله على سلمتج

 

[{}{}{ سكرة }{}{}]

الحمدلله على سلااااااااااااااامتج


ومبرووووووووووووووك الافي

 

[بنت الاحلام]

الحمدلله ع سلامتج يارررب

 

[شنوووفه]

الحمدلله على السلالامه والفال لنا يااارب :>

 

[كلي لكـ]

الحمدلله عالسلامه حبوبه
قيصري ولا طبيعي اهم شي التساهيل من رب العالمين والصحه والعافيه

 

[virgo88]

الحمدلله على سلامتج ومبروك ماياج

 

[sosowaty]

و عليكم السلام الف الحمدلله ع سلامتكم

و انا ملاحظه امل الراشد دايما قيصريه

 

[Moolafea]

حمد لله علي سلامتك جعله يكون قرة عينك ويرزقك ربي برهربي كاتب لك القيصري سبحان الله انا ينفتح الرحم ولدي الاول يوم اصل المستشفي عشره سانتي وبنتي يوم اصل مفتوح الرحم ثمانيه ولا ربي كتب لي الطبيعي الاول مستشفي خاص وقالوا يبون فلوس بس والثاني بحكومي ومع ذلك قيصري الحمد لله علي كل حال والتعب اول يومين بس مع المشي يخف الحمد لله وانا بصراحه دخلت انصحك وانصح اي وحده تولد طبيعي او قيصري انا وخالاتي كلنا نستخدم زيت الزيتون بالخوا جوا زي المره اظن من عند العطارين خالتي تسويه تحط الخوا جوا بزيت الزيتون وتدفيه علي النار لحد مايتحول الزيت للاحمر الكريم المضاذ استخدمه تقريبا بس خمس ايام ومن بعدها انظف الجرح بمسحه طبيه وادهن الجرح وحوالينه بالزيت بعدين احط قطعه شاش بدون ربط جدا مريح يحفظ الجرح من الشمم وينشفه ويساعد الطبيعي علي تنشيف الخيوط واحرصي علي اكلك واهتمي بالبروتينات كانت جدتي الله يرحمها تقول عافيه النفاس هي اكلها اهم من الادويه خصوصا البر وربي يقومك بالسلامه وربي يهون علي كل حامل