ولا مره تـذكرني

[ايمان 24]

السلام عليييييكم ورحمة الله وبركاته

يابناااااات انا صار لي متزوجه ثلاث سنين وعندي بنت
المشكله من تزوجت ولا مره زوجي قالي في عيد ميلادي كل عام وانتي بخير
ولا اييب لي شي لو ورده تجبر الخاطر انا راضيه
وانا كل ما ايي عيد ميلاده لازم كيكه وهديه وحركات ولا يبين في عينه
عاد الاسبوع اللي طاف كان عيد ميلادي وذكرته قبلها باسبوع
قال خلاص نطلع انا وياج ويا عيد ميلادي وعدا وماشفت الطلعه ؟؟
عاد 20 /7 عيد ميلاده أسوي نفس ماهو يسوي اشرايكم ؟؟؟؟ اطنش والا لا
حدي محتاره

 

[ام فواازي]

انتي من صجج 3سنين تحتفلين فيه وهو مو معبرج بعيدميلادج وجايه تسألين اطنشه هالسنه
اي يبا 100% طنشيه وانسي تسوين له احتفالات انا من ودرت الاحتفالات والليالي وانا براحه
نصيحه بس سوي ليلة عيد الفطر عشى وجو وعيد الضحيه احسنلج من البدع اللي مافيها غير الذنوب

 

[مناير ...!]

طنشيه ومااتوقع يلاحظ

 

[غـرامـي أنـت]

طنششيه هذا موو كفوو

 

[[[ عيون جابر ]]]

والله عورتي قلبي طنشيه

 

[__LV__]

لا حبوبه انا عكس البنات ييبيله كيكه وهديه بسيطه

لان اذا حقرتيه بيضحك بقلبه ويقول تردلي الحركه شكلها انقهرت

اما اذا يبتيله بينقد علا روحه ويمكن يحس وبينصدم انج عطيتيه رغم انه كان مطنشج

خلج قويه عين جدامه ومو ان نساج بتنسينه

عاد وانتي تقدمين الكيكه والهديه قطي نغزات

مثلا
انا ماانساك يا روحي
هاليووم حييل مميز لانه عيد ميلادك
شرايك بالهديه والكيكه

وكثري من هالحجي راح ينقد علا روحه حييييييل

 

[نشيج الروح]

عن نفسي محد يحتفل بعيد الميلاد ((( على أساس حكمه الشرعي ))) ,,,, وماله داعي لا أنتي تسوين له ولا هو يسوي لج ....

 

[ميمي..]

لاتحتفلين

 

[dantella]

شكله اهو نفسه ينسى عيد ميلاده

 

[MissChoco]

ههههههههه ياعمري عادي في رياييل جذي اخر اهتماماتهم العيد ميلاد وهالسوالف ترا والله اهما يشوفون هالشي تافهه
واحنا نشوفه شي عظيم
ومن صجج بعد بتسويله!! لا يبا طنشي وخليه جنه يوم عادي

وبعدين ليش ماتقوليله بيوم عيد ميلادج انج بتطلعين ,, ترا في رياييل مايطلع منهم شي انتي استانسي قوليله ابي الهديه الفلانيه وابي جذي وابيك اطلعني واستانسي مو شرط تيي منه

 

[tmtmt]

عادي اغلبهم جذي
انا بعد 5 سنين يالله بدا لوووووول

 

[الشيخة@]

طاااااااااااااااااااااااااااف

 

[قآنون كيفكـ!!]

ضد انج تسويله ..
3 سنين ماعبرج ايام عيدج وبعد انتي قايله له ومنبهته ومواعدج بالطلعه ..

 

[little-voice]

عندنا وعندج خييير
طنشي الرياييل مو كفو وانا اختج واذا كلش معزمه لا تيبيله شي غالي عامليه بالمثل

 

[دلع العتبان]

يمكن الريال مستحرم عيد الميلاد ترى حرام ياقلبي وهمن حرام تسوين انتي

عسى الله يجمع مابين قلوبكم

 

[ضايعة بدنيتي]

عن نفسي محد يحتفل بعيد الميلاد ((( على أساس حكمه الشرعي ))) ,,,, وماله داعي لا أنتي تسوين له ولا هو يسوي لج ....

جزاج الله خير

نفس الي كنت بقوله بالضبط .

ياحبوبة اعياد الميلاد ومناسبات اليهود والمسيحيين حرام احنا يالمسلمين نسويها !!!
حتى في علاقتك بزوجك اطلبي رضى الرحمن مو عصيانه بتقليدكم الاعمى لليهود والمسيحيين . وما عليج من الي يقولون لج واااي شنو هذا كل شي ممنوع كل شي حرام .. بعد هذا الي امرنا فيه رب العالمين بنتعرض عليه مثلا والعياذ بالله ؟ ما لنا الا عيدين ياقلبي وما بقى عليهم شي. احتفلي معاه بالعيد .. عيدنا عيد المسلمين .

والله يهدي الجميع ويسخر لج زوجج يارب

 

[ابدا يالغالي مانساك]

حبيبتي
وودري هالاعياد وتركيه وشتري رضا ربج لانها حرااااام
واصلا مافيه الا عيدين الفطر والاضحي
وان كنتي بتحتفلين علي قولتج عيد ميلادج وغيرخ احتفللي بعقبها بايااااام
مو نفس اليوم

 

[•Brown•Sugar•]

اغلب الرياييل نسايين
بس هم مو حلوه يطنشج اذا انت من النوع اللي تنسى
حط منبه بالتلفون !!
انا من رايي بعيد ميلاده
قوليله يا فلان اليوم عيد ميلادك كل عام وانت بخير بس خليه يفقد
اللي كنتي تسوينه له قبل ويحس ان في شي ناقص

 

[نور الكوثر]

احتفلي فيه لابد بسنه من السنين يأثر فيه

 

[كياني المجروح]

طنشييييييييييييييييييه وجنه العيد واذا قال شي قوليله 3 سنين ما شفت منك شي