ولا خدامه تقعد عندي والسبه اعيالي تعالو ابي نظامكم مع اعيالكم

[الدميره ..]

السلام عليكم ورحمة الله وبركاته

ا

بي مساعدتكم و ان شاء الله ماتخيبون ظني :eh_s(16):

أبي اعرف كل وحده نظامها مع اعيالها شنو تسوي لهم وشنو الخدامه المطلوب منها لعيالها.
مع العلم انا موظفه وسؤالي الثاني عندي ولد تو داخل الروضه عمره 4 سنوات عصبي و بس يطق
اللي جدامه ما ادري شلون اتعامل معاه وجنن الخدامات خرعته بكل شي ما كو فايده

الخدامات مايقعدون عندي والسبه اهو :eh_s(11):و عندي ولدي سنه ونص حرركي حيل اسم الله عليه
و مايبي الخدم حيل متعلق فيني حتى الطلعات والروحات و القعده مع زوجي انحرمت منها .وقبل اطبخ وافنتك بالاكل
الحين ماعندي وووقت كلشش


فيدوني :eh_s(7):​

 

[الدميره ..]

طوفو البدليات شابكه من الابفون

 

[الأم الكول]

حبيبتي فيه سبب من عصبية ولدك مايعصب الطفل من فراغ ويصير يضرب يمكن محتاج حنان اكثر رعايه اكثر او فيه شي مضايقه اقربي منه اكثر احتويه وان شاء الله تنحل مشكلته من زاويتي اشوف مو عيب لو تستشيرين طبيبه نفسيه لانه لو خليتيه راح تزيد المشكله اما بالنسبه لولدك الصغير مثلي نفس المشكله عندي ولد ابو 6 شهور مب معطيني مساحه لنفسي يبي شيل ومايبي ابوه مدري ليش -_- حتى اهلي اذا زرتهم مايبيهم متعلق فيني الله يسهلها علي وعليك ويصلحهم يارب

 

[الدميره ..]

الام الكول

ولدي الكبير مغرقته حنان. وهدايا اذا سو شي زين اكافاه
والصغير بزود حركته اسم الله عليهم

 

[الدميره ..]

أب أب أب

 

[Alias]

يمكن الخدامه تطقه حييل وما ترحمه علشان جذي طلع قاسي

 

[أم يزيد &سديم&]

أب أب أب

 

[نـعـومـه]

يكبر راح يتغير

عيال عمتي كلهم بسمله عليهم كانو قمه بالشطانه الحين هاااادييييييين

 

[mannawy]

دوم قولي اللهم دبرني فاني لا احسن التدبير.
دامج تشتغلين عيل شوفي ولدج العود بالروضه وولدج الثاني دخليه الحضانه دوريلج وحده سنعه يكون فيها كاميرا ودخليه. الخدامه تسنع وتنظف البيت ومادري اذا تحبين تنظف غرفتج او لأ يعتمد عليج. وعلميها تجهزلج اغراض الغدا وتقصص السلطه وتحط السماط وتحط الصحون والقلاصات والعصير والخضره والتمر واللبن وتجهز كلشي حتى الرضعات مالوت الليل خليها تغسلهم وتغليهم وتجهزهم لج بالغرفه. وحاولي كل شغلها كوي ملابس غسيل اي شي عندج تخلصه الصبح وقت الدوام ومن ترجعون تكون جاهزه ومتسبحه وناطرتكم وطبعا علميها انها تجهز ملابس اليهال (البجامات) والبامبرز عالطاوله يعني كلشي يصير مظبوط عالاخر. واليونيفورم مال اليهال حق باجر يكون جاهز من الصبح ودلاقات وجوتي وكلشي. يعني باختصار اتخلص شغل يومين بيوم. شغل البيت مال اليوم وملابس اليهال حق اليوم (البجامات) وباجر (اليونيفورم والدلاقات والجواتي والجنطه)
من ترجعين تبدلين اليهال وتحطين بباي بالتلفزيون وسيده المطبخ سويلج طبخه عالسريع حقهم ووكليهم ونوميهم وانتي نطري ريلج وتغدي معاه واذا بتنامون نامو ريحوا. طبعا لاتطولون بالنومه يعني لي ال 4:30 او بالكثير 5. وبس وبهالوقت تكون الخدامه مجهزه صينيه الجاي وجاهزه بالصاله ومن يقعدون اليهال بدلي بامبرز ووعطيهم عصير وكيكه وخليهم يجابلون التلفزيون ويلعبون بغرفة الالعاب وتكون الخدامه موجوده بنفس الغرفه بس تطالعهم ماتجيسهم. واذا كلش مايحبونها خل تسويلج اي شي بالمطبخ تجهزلج بطاط حق العشا وتنظفلج مثلا اليدام حق باجر الغدا وانتي تبليه وحطيه بالثلاجه. وبجذي من يقعد ريلج قعدي معاه وسولفي ولما يطلع جابليهم ولعبيهم وتبلي الاكل حق باجر وسوي كل الفناتق اللي بخاطرج. ومن تصير الساعه 8عشي اليهال وخليهم يغسلون وينامون. اصلا بالكثير نايمين عالتسع. وانتي جابلي روحج جهزي اي شي عالسريع واذا بتنطرين ريلج نطريه واذا بتنامين نامي وقعدوا عالخمس ونص عشان تبدلين وتسوين الريوق وتقعدينهم وتوكلينهم وتلبسنهم وطيران عالدوام.
ان شاء الله اكون فدتجولو بشي بسيط والله يسهل عليج امورج.

 

[الدميره ..]

استحاله ادخل كاميرا بيتي اخاف مو عارفه شنو اسوي

 

[كارلوفي فاري]

حبيبتي انا قبل كنت ادقق على الخدامه بكل صغيره وكبيره وكنت احاسبها ومن اكثروا عيالهم وكلهم صغار لاحظت الخدم مايبون يقعدون عندي بعدها والله قمت اخف عليهم وماادقق. بس اجي من الدوام على طول اساعده بتجميع اغراض المدارس وملابسهم وامسكهم لين تسوي عشاهم واعشيهم وينامون. لكن اذا باخليها كل شي تسوي واسمع لتشكي عيالي منها مارااح اخلص ولا راح تقعد عندي خدامه.
وعيالنا ترا يتدلعون وماينعطون وجه خصوصا اللي يشوفون امهم مهتمه فيهم تلقين شروطهم واجد وكله زف بالخدامه

 

[PuPa^^SWeeT]

^^^^^


مو كل من ترا



انا بناتي يحبوني و مايبون الخدم خير شررر


الصغيرة تعلقت باللي فاتت كونها بالبيت و صارت تفهم عليها




بس الخدامة من عطلت بالصيف و قعدت بالبيت


تغيرت


كل شي قامت تسوييه غلط


و بالاخير طقت بنتي و طبعا ما قعدناها


والحين اكتشفت انها بايقة من هدومي الشتوية و شغلي



عرفت اهني انها كانت اتهرب


و يوم قعدت بالبيت ما صار عندها وقت اتهرب




عرفتي






صاحبة الموضوع


دخلي الصغير الحضانة


ادري بتقولين تو الناس



بس لا دخلييه افضل له و لج


و الظهر بعد دوامج اخذيهم و ردي البيت


اتلاقين البيت منظف من الى


و الغدا زااهب



و حزتها ماكو عذر لها ما مداني ولا هذا الولد اذاني



لا


اتكون بروحها


و العصر خليها تقعد وياهم و انتي ريحي بو ساعة



وبعدين قعدي


جابليهم و عشهم مبجر و خليهم بنامون من الساعة 7 جذي


و انتي عاد جابلي رووحج و الخدامة خليها اتلقلق المطبخ


و اتنظف و اتطلع يداام باجر

 

[*kim*]

انا الخدم مو طايقين ولدي اللي بأولى ابتدائي لانه شيطان داخل البيت ويفتن عليها وتحقد عليه

بس قمت اطوووف

 

[احلى الاسامي]

نفس معاناتي سنه وحده اربع خداما ت هربوا والسبه عيالي وخص الولد الله يهديهم

 

[موتوز]

نفس المعاناه بس انا كان ولدي هااادي مره من جبت الخدامه صار عدواني واكتشفت انه تضربه وتخوفه هو وبنتي وسفرتها والحين ولدي وبنتي عدوانين وعصبيين قسم بالله اذا طلعت زيارات يفشلوووني اتمنى احبس نفسي عشانهم الله لايبارك بهالخدم ووللمعلوميه خدامتي اثيوبيه