ولادتي

[toto84]

بسم الله الرحمن الرحيم..

خلوني اقولكم ولاتي بعدالوهاب حبيبي..

طبعا هذا الثاني..اول ولادة كانت تعذبت فيها حيل ..كنت داشه بقوه و ماخذيت شي غير الكمام الله يقطعه عطوني اياه و انا بس 3 سانتي و خدرني و جرعه قويه الحمدالله اني ما مت...

ولادتي الثانيه قلت الاغلاط و التربرس مال الاولى ما راح اسويه..طبعا انا حاشني عوار طلق يوم الخميس 16-2 الساعة 7 بالليل.. مسكت عمري لين الساعه 7 الصبح ثاني يوم....واكيد العوار شد للصبح بس قلت والله ما اروح و يلعبون فيني...المهم قعدتي ريلي و دقيت على خالتي قتلها حايشني طلق و اللحين بقط ولدي عندج..فديتها على ما وصلنا من العقيله لي مشرف الا اهي وافقه بالشارع تنطر و تبجي..

وصلنا رويال حياة ..انا راس يابس اقول حق ريلي اصفط و خلينا ننزل لا تنزلي عند الطوارئ و تروح ...هههههههههه و انا اعبر الشارع حاشني طلق وقفت ههههههههههههه اشوه ما كان في احد طبعا زوجي خلاني و راح يركض ايب الكرسي..

دشيت و سوتلي فحص الدكتور الهنديه تينن.. قالت الحمدالله خمسه سانتي قالت يلا ولاده..قالت تبين ابره ظهر قتلها ايه و نادولي دكتورتي..

جهزوني حق الولاده..يتني دكتورتي الدكتور نداء بوخضور مسحت على راسي و قرات قران شويه و قالت يلا انا بروح بره على ما يبطل الرحم..

ياني دكتور التخدير اهني التكته.... ههههههههههه قعدوني عشان اخذ الابره و انا اولد ما دش صرت حدي اليفه و ذربه و هلا دكتور و يعطيك العافيه..يوم يقعدوني وعاطني تخدير موضعي ولا اقوله لحظه و اصرخ صرخه تقولون دينصور..الدكتور يقولي الله اكبر الصوت ده جاي منين...جان الف عليه اقول طلق.. قالي خودي راحتك يا فندم بس كل الصوت ده منك...ههههههههههههههه و عاطني تالي الابره و حسيت احد يدلدخ ريولي و مت من الضحك و قاعده مبتسمه...

نمت ساعه.. بطل الرحم 7 سانتي وولدي مو راضي ينزل..طلع عندي مشكله بعظمه الحوض عيالي ما ينزلون..قالت يلا بولدج اللحين لانه نبظه بدا يخف..

والله ما حسيت بشي كانت تشفطه و انا ادرزه ما حسيت غير بضغط خفيف مثل لمن تروحين الحمام تكرمون... والحمدالله كانت ولاده ممتعه لاني شفته و حطووه على صدري حبيبي..ولدي الاول طلع و انا غيبت عن الدنيا...

 

[أبله هنوف]

الحمد لله على السلامة
ومبروك ما ياج
ويتربى بعزكم

 

[دلال و غلا]

الف الحمدلله ع السلااااامه
ويتربى بعزكم وان شاء الله تفرحون فيه معرس واخوه بعد 

 

[احمريكه]

الحمد الله على السلامه و مبروك ما ياج

احس ولاده مريحه الحمدالله

اتمنى اكون جذي الله يسهل علي وعلى الجميع

 

[You FOR Me Only]

مبروووك ماياج يتربى بعزكم ان شاء الله

وماشاء الله ولادتج تريح

 

[أم عزيـز]

الف مبروك حبيبتي والف الحمدالله على سلامتج وسلامة البيبي
الحمدالله انج ولدتي بالسلامه وزين سويتي رحتي لهم متأخر 5 سانتي
لان في بنات يروحون 2 سانتي و3 ويقعدون فوق 7 او 8 ساعات يطلقون

احسن شي تكونين في البيت وتقرين قرآن كل ما حسيتي بالطلق وتتسبحين بماي دافي على حار شوي علشان يحمي الطلق
وتاكلين تمر وتمشين في البيت كل هذا يساعد قبل لا تروحين المستشفى ويبربسون فيج هههههههههههههههههه

 

[english muffin]

ما شاء الله
حمدالله علىسلامتج حبيبتي

 

[alhabibah]

الحمد لله عالسلامه ومبرك ما يبتي

 

[toto84]

الله يسلمك يا بنات و الفال للحوامل

ان شاء الله كلكم ولاده سهله

امين يارب

 

[toto84]

الف مبروك حبيبتي والف الحمدالله على سلامتج وسلامة البيبي
الحمدالله انج ولدتي بالسلامه وزين سويتي رحتي لهم متأخر 5 سانتي
لان في بنات يروحون 2 سانتي و3 ويقعدون فوق 7 او 8 ساعات يطلقون

احسن شي تكونين في البيت وتقرين قرآن كل ما حسيتي بالطلق وتتسبحين بماي دافي على حار شوي علشان يحمي الطلق
وتاكلين تمر وتمشين في البيت كل هذا يساعد قبل لا تروحين المستشفى ويبربسون فيج هههههههههههههههههه

ايه يا ام عزيز بالضبط هذا الي سويته...هههههههههههههه...والله بربسوا عدل كل شوي احد داش حاط ايده
والله ولادتي الاولي كانت رعب

 

[Brounzi_girlly]

الف الحمدالله على سلامتج ومبروك عليج البيبي يتربى بعزكم
مع التحية....

 

[ام فوااز]

الف الحمدالله على سلامتج
ويتربى بعزج ان شالله

 

[FJ style]

الحمدلله ع سلامتج
حلووووو جذي

انا غبية عيالي كلهم طلق صناعي وبس كمام واتعذب وتطلع روحي ليش مادري
كله اتردد وما اطلب الابره
هالمرة بطلبها على طول

 

[toto84]

الحمدلله ع سلامتج
حلووووو جذي

انا غبية عيالي كلهم طلق صناعي وبس كمام واتعذب وتطلع روحي ليش مادري
كله اتردد وما اطلب الابره
هالمرة بطلبها على طول

اول شي روحي حق دكتور التخدير و خليه يفحص ظهرج..انا شرحلي شنو اتسوي لاني كنت خايفه منها..قالي اهي ثلاث جرعات وحده ما تحسين بالعوار و حده ما تحسين بالضغط مال الياهل و وحده ما تحسين بالبروده و الحرارة و الجرعات الثلاث يعطونها فقط حق الولاده القيصريه..لا يقصون عليج لانه انا عطاني ابرتين مالت الحرارة و البروده و مالت العوار..بس الضغط حسيت فيه و الماي حسيت فيه..بس خفيف وحتي ايد الدكتوره خسيت فيها بس كل خفيف و الضغط مال الياهل مثل ما قلت تكرمين كانج رايحه الحمام..

 

[ام الحلوااات]

الـــحـــمـــد للــــه عـــلــى ســـــلامــتـــج ومــبـــرووووك مـــايــــااااااج

 

[انوثتي غير وياك]

الحمدالله على سلامتج

 

[ام اغلى الناس]

الحمدلله على سلامتج
حتى انا ولدت عندهم عند خالده
كانت خوش ولاده الحمدلله

 

[orange blossom]

الحمدلله على سلامتج
و مبروك ما ياج

 

[aady]

الحمد لله علي السلامه و مبروك عليج الافي

 

[جـــواهر]

مبرووووك ماجاج والحمدلله على سلامتج