ولادة بدون خياطة

[صاعقة بيوتي]

السلام عليكم ورحمة الله وبركاته​

بنات منو فيكم ولدت بدون مايشقون لها ويخيطون وعند منو ؟
انا بكرية و ان شا الله ناوية اولد بدون شق وبقول للدكتورة تشوف بعد مااولد بالسلامة اذا يحتاج غرزة للتضييق مو مشكلة بس انها تشق عشان تسرع الولادة لا مابي

 

[Mrs.H]

انا بجر وكل ما اشوف مواضيع الخياط اخترع هههههه

ماعندي خبررر

 

[Ranoon]

وأنا بعد بكرية أخاف من شق خياط وكل شىء !!!!

 

[كنوشة 2009]

دائما في اول ولادة لازم الشق احسن من ان الطفل لما
يطلع يمكن يشق بشكل غلط وكبير وراح تتأذيين
يمكن في الحمل الثاني تصير الولادة بدون شق
لان المكان توسع شوي

 

[امـ خــزامـى]

مااعرف الله يسهل عليك

بس نعمه الشق لان يقولون لو اختنق الطفل وماوصل الاوكسجين له ممكن يكون معاق الله يستر علينا وعليك ويحفظنا

 

[زيووونتييي]

اول ولاده الأفضل يكون في شق حتى لو بسيط وعادي الخياط التجميلي حلو أنا الحمد الله ولادتين وهم خياط تجميلي نفسيا ما احاتي المنطقة تكون متوسعه أو شئ جذي

الله يسهل عليج حبيبتي

 

[أإلع ـشق دلع ـهـأإ]

لا حبيبتي لازم في شق علشان يخيطون اذا ولدتي بدون شق ماايخيطوون

والشق عندي نعمه لانه البيبي ساعات يشقج اهو وتكون الشقه غلط عرفتي

والبجر يشقونها حتى امريكان تشق البجر

والخياط احسن شي فيه لا شقوا خيطو وضيقو اكثر

 

[Ranoon]

شق يعور ؟ تحسون فيه ؟

 

[Aloe Vera]

دكتورة نداء بوخضور
دكتورة منى ابو طعام
يولدون اذا تحبين بدون شق و خياط
في مستشفى رويال حياة

و انا الحين ثالث حمل و بجرب الولادة من غير خياط لان قريت ان له فوايد وايد

و على فكرة الخياط مايعور وقتته لان يسوون تخذير موضعي
و بس يروح التخدير حسب شغل الدكتورة يعور او مايعور
انا في البجر ماعورني كلش
ثاني ولادة لان تضييج كان وايد يعور و نتيجته مو حلوة لان النتيجة مو طبيعية يعني ترجعين اضيج من البنت و هالشي كلش ماعجبني و تعبي شهووووور
و على فكرة و لادتي الاولى و الثانية نفس الدكتورة

 

[سيلينا]

حبيبتي شنو السبب ما تبين! هل تتوقعين بيطلع البيبي من غير شق !

الشق له فايده ثانيه غير انك ما تتغيرين على زوجك هو ان شك من تحت ما يتغير

والشق بعد يساعد في انه تتخيطين بشكل مرتب مو ينطرونج لين تنشقين بشكل عشوائي باكثر من مكان بعدين يكون اخياط عشوائي لتصلح بس

 

[سيلينا]

من الم الطلق ماتحسين بالم الشق ولدت جم مره ولا مره حسيت فيهم لا وهم يشقون ولا واهم يخيطون

 

[M!SS.LOBY]

الله يسهل عليج

 

[Aloe Vera]

الدكاترة ما يخلون الوحدة تنشق بشكل عشوائي
اهما يدرون اذا المنقطة تتحمل طلعة الراس و لا لا بوقتها يبين الجلد لان يتغير لونه فا يعرفون و يقدرون يتجنبون الشق العشوائي بانهم يشقون بعدة الجراحة
و اذا انتي طلبتي من الدكتورة ماتشقج اهيا اذا اضطرت راح تشق و تخيط لان تشوف حسب الحالة
بس في دكاترة عندهم الشق و الخياط شي روتيني سواء المرا احتاجت او ما احتاجت لان اسهل لهم بدل ما يراقبون المنطقة يشقون و يرتاحون
كان في دكتورة برويال حياة اسمها بولين اهي من الدكاترة القليلين اللي ما يايدون الشق و الخياط
و تحاول مع الولادة ان ما تشق بس طبعاً تتضطر اذا احتاجت الوحدة خصوصاً اذا كانت الوحدة ماخذة ابرة ظهر و ماتقدر تدفع عدل

 

[ملكه الحطب]

الشق عشان يساعد البيبي يطلع ويشقول يقولون عشان ماتتاثر فتحه الفرج من جذي يكون الشق مايل

 

[صاعقة بيوتي]

مشكورين حبايبي اللي ردوا وجزاكم الله خير
بالنسبة للشق انا مع الاخت aloe vera بقول للدكتورة اذا المنطقة حسيتيها بتنشق لحالها شقيها مو مشكلة بس اذا بتتحمل لا تشقيها
وبعدها تشوف اذا المنطقة توسعت تسوي غرزة او اثنين عشان التضييق وطبعا االباقي علي من ناحية التمارين لشد المنطقة
طبعا الالم بالنفاس اكيد بيفرق اذا شقت وسوت خياطة وهذي بتحتاج ثمان غرز او اكثر عن اذا ماشقت وسوت بس غرزة او غرزتين
للاسف الدكاترة اهني يسوون شق حتى وانتي مو محتاجه بس عشان يخلصون بسرعة مالهم خلق للنطرة
وابحاث وايد مايأيدون شق العجان اذا مو بحاجه لانه هذي عضلة وقوتها بتقل مع الشق والخياطة مثلها مثل اي عضلة بالجسم وبعد شكل المنطقة بالخياط اكيد بيفرق

 

[أشبـاهـ المطـر]

آخر مره ولدت كانت الدكتوره تقولي يالله ساعديني ما ابي اشقج
قلت لا تكفين شقيني استغفر الله انا جم لي انطر البيبي واخر شي
تنشب بنتي ولا تعسر ولادتي علبون ما ابي شق الشق رحمه من الله
ونوع من التطور الطبي وانتي بجر لاتحاتين ادعي ربج يسهل عليج الفحص
تالي فكري بالولاده والله يرزقج بالولاده الهينه اللينه وتشوفين البيبي بصحه وعافيه

 

[بنت^كآليفورنيآ]

روحي امريكا بدون شق

انا مع الشششششششششققققققق خل يشقون احسن واريح

 

[q8_goga]

صاعقة بيووتي..انا معاج بجرية ووماودي بالشق ..وخايفة عالمكان والعضلة بعد وسويت بحث عن شنو اقدر اسوي عشان توسعين المكان قبل الولادة وهالشي طبعا تسوينه انتي او ريلج من تدخلين التاسع .. perineal massage هذا اسمه شوفي الطريقة والصور ..مفكرة اسويه ان شاء الله لي قربت ..الله يسهل علي وعليج

 

[q8_goga]

Can perineal massage help me avoid an episiotomy? | BabyCenter

وهذا موقع يتحجى عنه واقري ردود الحريم وايد تفيد وتونس يقولون هالطريقة نفعتهم وايد

وولازم تبلشين فيه من الاسبوع 34

 

[д7βk βşķάť]

perineal massage

وين الصوره لاني شفت صور بغا يغما علي

ياريت تحطينها فديتج عشان نعرف انتي بضبط تقصدين أي صوره