ولادة بدون الم اللي تعرف شيء عنها ادش

[في غيبتك راحه]

قوه بنات
انا ولادتي الاولى كانت طبيعيه تعذبت وكله صراخ ماقدرت اتحمل كلش تعسرت الولاده وياحلاتي حملت سيده بالثاني :eh_s(2): والله كل ماتذكر ارتجف خوف سمعت عن الولادة اللي بدون الم شلون هذه ؟!
لاتقولون اخذي كمام والله من قو الم ولادتي الاوليه قطيت الكمام وقعدت اصارخ انا اللي خجوله ومالي حس بذاك الوقت صوتي كلن اسمعه ابي حل فكرت اولد قيصري بس قلت شلون بيصير وضع بطني عقبها بنات عفيه كلها ثلاث شهور ويمكن تكون اقل و اولد ساعدووووووني ابي اولد طبيعي بدوون ماتالم شلون ترى خيتكم عليميه

 

[غايتي جنتي101]

انا بجريه وامنيتي اولد.طبيعي بس للاسف قرروا لي عمليه
بس اشوف اللي معاي بالمستسفى يعطونهم ابره ظهر ما يحسون بالم الولاده اصلا ما سمعت اصارخهم

وصدقيني احمدي ربج ماكو احلا من الولاده الطبيعيه وكلن باجررررررره

 

[GaLbI t7aWaL]

اخذي ابره ظهر وادعيلي اني احمل بالولد المعافى

ولادتي الاولى لله الحمد كانت بابره ظهر

وباذن الله كل ولاداتي باخذ ابره ظهر

 

[*kim*]

الله يعينا حتى اتا احاتي الولاده والكمام مانفع معاي

 

[GaLbI t7aWaL]

بنات الكمام غلللللللللللللط

انا ولدت بآمريكا وتليقفت قلتلهم ابي كمام

بققوا عيونهم @@ قال الكمام يزيد نسبه احتمالات فتح البطن

لان يخدرج ويخدر البيبي

وهذا غلط

 

[في غيبتك راحه]

غايتي جنتي فديتج والله ادري مافيه احسن من الطبيعي !
بس مابي احس بالم وابرة الظهر شلون لان وايد حذروا منها وريليً مو راضي يقولي اييلج شلل
عفيه بنات شوروا علي

 

[موكا لاتيه]

احمدي ربج طبيعي العمليه عذاب ماتقدرين تمشين ويشوه منظر البطن

اخذي كمام وقوليلهم ابي ابره فخذ وماتقعدين الا وانتي والده وخالصه

 

[فرزاشيهـ]

نفسس حالتج بس بالنهايةة مافي افضل من طبيعي تعب بيومه عقبها راااااحه اللهم لك الحمد






مووفقه حبيبتي .~°

 

[ام عبد العزيز م]

الطبيعي احسن الف مره اللهم رزقنا الولاده الطبعيه ويسهل على كل حامل يارب

 

[أإلع ـشق دلع ـهـأإ]

الولاده سهالات من الله سبحان الله

انا بصراحه كلن يقول الولاده ماتعبتنا يقولون بكل طلقه نشم الكمام وننام وماحسينا الا واحنا والدييين

هذا كلام اهلنا ورفيجاتي يقولون ماعليج من الحريم يهولون

بس انتي قلتيها بنفسسسج انا ماشميت الكمام فاكيييد بتحسن بكل شي ؟؟؟؟

لازم تشمين الكمام شم وتكونين مسكره حلجج وتشمين بخششمج

غلطانه مفروض تتجلبين بالكمام ههههه

يالله ربي يسهل عليج ويرزقج بالولاده الطبيعيه السهله وكل الم حسيتي فيه تاكدي انه كفاره لذنوبج

 

[أخاف اجرح]

صدقيني بأذن الله ولادتج الثانية بتكون اسهل ان شاء الله مونفس الاولي توكلي على الله وادعي ربج انها تكون ساعه سهله وتولدين بالسلامة يارب ولاتفكرين وايد فكري بفرحتج لما تمسكين ضناج بين ايدج وتقطين الثقل

 

[عتاب الاحبه]

الله يسهل ع كل حامل

 

[ناتشوو]

الكمام

ابرةً الظهر زينة اللي أعرفهم وأمدحوها كلهم
والدين بدار الشفا

الصراخ اكبر غلط
لا هو اللي يخفف الألم
بالعكس يربك الكل

اللي عليج بالولادة
حزة الطلق معناها الجنين ينزل
فانت تسترخين لا تشدين
واذا خلصت الطلق تنفسي وشدي




ببچي تذكرت الولادات ):

 

[في غيبتك راحه]

أنا شميت الكمام من قوة الألم والله قطيته حسيته ولاشيء وجوده والعدم واحد والله البارحه نمت أبجي خلاص كل مافكر انه مابقى الا كم شهر ابجي :eh_s(2):
مادري شلون ابرة الفخذ بنات عفيه إشرحوا
بروح لخاص مابي أدش عليهم الا وانا فاهمه

 

[FA6AMY 88]

اخذي ابرة ظهر مافيها شي ما تسوي شلل و لا شي لا يقعدون يهولون لج الموضوع كله حجي حريم الا اذا عندج مشاكل بالظهر هني تكون مو زينه عليج اخذيها و توكلي على الله و كل شي سهالات من ربج الله يسهل علييج انشالله ​

 

[Sisyphus]

حبيبتي اخذي ابرة ظهر و توكلي على الله
ما في شي يخدر الا هي
ولا راح تحسين بشي باذن الله
و بتضحكين اصلا عقب الولادة
تصيب الشلل في حالة انج تحركتي وقت يغزونج
انتي خلج ثابته ولا تشدين
ثواني و يحطونها بظهرج
و عقبها بتنخدرين و تلعبين بتلفونج حزة الولادة هههههه
طبعا كله باذن الله