وكيلتنا شسوي معاها؟؟؟!!!

[Rosydays]

:bbbiu:
مسالخير بنات...
ابي نصيحتكون انا تعيين يديد ووكيلة المدرسة امبيه سخيفة حدها
الاستئذانات بالغصب وكلا تصارخ وتزف
ماحد يواطنها بالمدرسة
فانا ماادري شلون اتصرف معاها هل اسكت واطوف ولا ارد عليها الكلمة بعشر عشان توقف عند حدها؟!
بس اخاف اذا سويت جذي تحطني في بالها وهل اذا حطتني ببالها ممكن تسوي معاي شي ولا مايطلع بايدها؟
ودي ودي اجعمها بس ماادري مااشوف احد يرد عليها لما تصارخ او تزف او لما اتينيحس بالاستاذان فانتو اشرايكم شلون يكون تعاملي معاها ؟اسكت حالي حال غيري ولا اراددها واوريها اني موهامني؟وشنو ممكن يطلع بايدها تسوي لو حطت علي؟

 

[FJ style]

لا طبعا لا تسوين شي

كنا مكانج يوم كنا تعيين يديد ونحس نبي نعدل الوضع العام وووو

والصج ان ماكو شي بيتغير وانتي اول متضررة

نصيحتي :امشي سيدة يحتار فيج عدوج
يعني استئذاناتج لا تاخذينها الا للضرورة والتزمي بقوانين مدرستج لأن كل مدرسة غير
واذا تصارخ على غيرج مشكلتهم مالج شغل
لكن لو اصرخت عليج وانتي مو غلطانة او غلطانة فقوليلها بكل هدوء : ابلة فلانة لحظة شوي ممكن اكلمج واوضح لج
وان صرخت قوليلها ماله داعي نصارخ على بعض

وطبعا اهي ممكن تتناقش مع الناظرة عنج وتأثر عليها في التقرير لو كنتي غلطانة لكن لو مو غلطانة روحي ووضحي لها الموضوع

 

[Rosydays]

مشكوووورة حبيبتي ورح اسوي بنصيحتج
والله يصبرناويهدي هالوكيلات

 

[كافيه نعناعه]

حبيبتي ,,, شوفي انا صار لي 10 سنوات بالتدريس ,, ومروا علي ألف وكيله وناظره وبعض المدرسات الله يهديهم ما يستحملون شي ,, المدرسه فيها قوانين مو على كيفنا الاستأذان والاحتياط ,, أنا ولا مره والحمد لله صار لي مشكله مع الوكيله او الناظره لاني أسوي شغلي بكل هدوء والوكيله اليديده تقول صرت أستحي أعطيج إحتياط من كثر مو أنا متعاونه معاهم ,, وإذا وكيلتكم تصارخ كلميها بهدووووء راح تستحي وتكلمج عدل ,, وصح كلامها fj أنتي توج متعينه وتحسين بصعوبه بالتعامل مع الاداره بس مع الوقت تتعودين حبيبتي ,, أمشي عدل وراح يعاملونج عدل ,, ودايما احتسبي الاجر في شغلج قبل كل شي لان مهنتنا متعبه ومرهقه بس أجرها كبيييييير ,, في موقف صار بالمدرسه في مدرسه دايما تغيب ويوم تحظر تتحلطم على الاحتياط ويوم واجهتا وقلت لها انتي يوم غبتي منو شال صفوفج ؟؟؟ طبعا سكتت ؟؟ ولاتقولين إشمعنا فلانه وعلانه ما عندها حصص أو شغل أنتي سوي شغلج وبس ,, وهذا الكلام أنا أقوله عن خبره والله يوفقج

 

[احب امون]

اختي انا برايي طنشي فيها انتي تقولين ان المدرسات مايكلمونها ليش انتي تتكلمين وانت تعيين جديد انا جم سنه واتخرج والله لايقوله لو صادفت هالنوع ماراددها افكر اقول اذا الي قبلي ماتكلمو ليش انا اتكلم واذا تقدرين انتقلي
وموفقه الله يعينج:eh_s(2):

 

[طالبة1990]

ما ادري انا عكس راي البنات

ردي عليها وتحلطمي ع الشغل

لان اللي صاير الحين ان الساكتة يكدشونها

علبنه ماتقول شي ولاترفض

احيانا اشوف بعيني معلمات يرفضون الاحتياط

تروح الوكيلة وتدبسه بالمساجين اللي مايرفضون

اللي للاسف كنت انا منهم

وكنت مطيعة وما ارفض اي شغل سواء اداري او احتياط اقسام ثانية او اي شغل

ومع ذلك ماترحمني لا بمراقبة ولا باحتياط ولا باي شي

واذا بدر مني تقصير حتى لو بسيييط يوووووه تنسف كل شغلي

حتى الغياب كنت ماغيب كلش

واذا يوم غبت احس اني كفرت وتحاسبني


بس عاد هالكورس انبطت جبدي

وصرت اراددها حتى الاحتياط صرت ارفض اذا من قسم الثاني

وارفض احتياط الحصة الاخيرة لاني عندي ثلاث ايام بالاسبوع اخيرة

مع ان العام كانت مكدشتني احتياطات حصة اخيرة

فصارت نوعا ما تتحاشاني


حبيبتي انتي بمكان الطيب ماينفع كللش

ومحد يذكر لج الطيب او الحسنات

اي شي تكلفج فيه سوي تحقيق واسألي ليش وماليش

وهذا شغل منو

حتى لو شغلج استعبطي عليها

 

[طالبة1990]

وعلى فكرة باجر اذا بغيتي شي وقلتي لهم انا ملتزمة وما اغيب وما استأذن

بترد عليج بوقاحة وبتقول ومنو قال لج لا تستأذنين او تغيبين

نصيحة لا تفوتين استئذان او عرضي او اي شي من حقوقج

عشان ماتموتين قهر اسم الله عليج


لان هالاشياء ترا مو طيب منهم

هذي حقوقج كفلها لج القانون

محد له فضل عليج

 

[ام حنااين]

اول شي مابيدها شي

وبعدين اذا اهي حسها عالي لكن ملتزمة بشغلها خلاص شكو فيها انتي هذا شكلها

اذا طريقتها فيها غلط وتقل ادبها قولي للناظرة واهي تجمعكم مع بعض وكل وحدة تقول اللي عندها وساعتها بتحسب لج حساب

لكن قبل ما تكلمين الناظرة تاكدي انها ما سوت شي خارج شغلها والقرارات الوزارية عشان ماتنحرجين

 

[Rosydays]

مشكورييين حبايبي
مشكوريين عالنصيحة
والله يعينا يارب ويجعله بميزان حسناتنا لان صج هالمهنة طلعت مو هينة

 

[جـمـان]

ديــــــــــــــــــــــــــــــــــــــــــري بالج تخلين وحده تصاااارخ عليج

انتي ما تشتغلين عندها كلنا موظفات عند الحكومه .
حبيبتي التربيه ما ينفع معاها الا اللسان الطويل حقج ما راح تاخذينه الا اذا داحرتي فيه

ما اقولج تناجري معاها وتهاوشي لااا

اذا صارخت عليج ردي عليها بحدة قولي لها ابله فلانه ماله داعي الصراخ كاني يمج اسمع .

اقولج ياها الابله الساكته ينداااااس على راسها , والابله الي تداحر يعملون لها الف حساب .

 

[درر النور]

:bbbiu:
مسالخير بنات...
ابي نصيحتكون انا تعيين يديد ووكيلة المدرسة امبيه سخيفة حدها
الاستئذانات بالغصب وكلا تصارخ وتزف
ماحد يواطنها بالمدرسة
فانا ماادري شلون اتصرف معاها هل اسكت واطوف ولا ارد عليها الكلمة بعشر عشان توقف عند حدها؟!
بس اخاف اذا سويت جذي تحطني في بالها وهل اذا حطتني ببالها ممكن تسوي معاي شي ولا مايطلع بايدها؟
ودي ودي اجعمها بس ماادري مااشوف احد يرد عليها لما تصارخ او تزف او لما اتينيحس بالاستاذان فانتو اشرايكم شلون يكون تعاملي معاها ؟اسكت حالي حال غيري ولا اراددها واوريها اني موهامني؟وشنو ممكن يطلع بايدها تسوي لو حطت علي؟

السلام عليكم الوكيلة مافي يدها شئ ..
قبل سمعت سالفة ناظرة تسب المعلمات .. تدرين المعلمات سجلوا صوتها وهي تسب فيهم واشتكوا عند المنطقة والحين ما نحتاج مناطق ..الله يبارك في الوست أب .. انا وحدة من الناس عندنا وكيلة متحيزة حق قسم من الأقسام ما تعطيهم احتايط واتداري عليهم وباقي المدرسة كراف واذا دخلت عليها طولت صوتها واخذت تهدد وتوعد .. بس عرفت انه فيه ناس تخاف ما تستحي استئذان عندج الناظرة والعرضي بعد بصراحة التربية ما يرحمون ولا يهمهم متعاونة اولا صدقيني اخذي حقك في العرضي والمرضي والاستئذان ..هذا حقك مو طالبته منهن .. والتربية وعالم المدارس الطيبة يكرفونها ولا يحترمونها ابدا وما يخافون الا من امهات لسان حتى لو ما يشتغلون سنع .. استغفرالله واتوب اليه.:ch12:

 

[Angel_store]

اب اب اب