وقوع الضرس

[Fo$hY Mo$hY]

السلام عليكم


اليوم حلمت حلم غريب الصراحه

و حابه تفسرولي اياه

حلمت ان كان عندي ضرس فيه حديده

و فجأه هذا الضرس طاح اهوا و حديدته الحديده صارت بروح و الضرس بروح ( انفصلت الحديده عن الضرس )

و خفت جان اطلع الضرس و الحديده من حلجي

وامي حطتلي كلنكس مكان الضرس لأن طلع دم شويه

و احنا بالطريج كنا رايحين طبيب الاسنان كنت ماخذه معاي لابتوبي بطلته و احنا بالسياره و كتبت حق رفيجتي ان انا تعبانه و رايحه طبيب الاسنان الحين ( رفيجتي علاقتها معاها وايد قويه و اعتبرها اختي ) و بس قعدت من النوم

ياريت تفسرولي اياه

 

[ARNOoOBA_86]

اختي ماتذكرين اي ضرس فيهم

 

[لولو8090]

هل انتي مطلقة ؟ ياليت تذكري بياناتك ؟

 

[أحلى البشر]

يابنات ياحلوات بطلو تفسرون كل الاحلام شفتي شي زين بلغي اللي يحبونج شفتي شي موزين تعوذي من بليس وصلي ركعتين وطلعي صدقه ومافي الا العافيه اما تطلبين تفسيره وانتي حاسه انه موزين وتيي وحده تفسره ويتحقق لان الحلم يتحقق على تفسيره

 

[مــســك]

صاجه اختي احلى البشر ..

الرسول عليه الصلاة والسلام قال الكلام .. اذا رآيتي رويآ .. وطلبتي تفسيرها ..راح يصير هالشي سواء فسر الرويآ زين او شين ..


وياريت الي تعرف تفسير الحلم اذا كان مو زين لا تفسره ..

قولي الحمدلله على كل حال .. وكثري الاستغفار والدعاء بثلث الاخير ..

 

[Fo$hY Mo$hY]

اختي ماتذكرين اي ضرس فيهم

كان ثاني ضرس من فوق ع الجنب

هل انتي مطلقة ؟ ياليت تذكري بياناتك ؟

لاا انا عزباء و طالبه اخر سنه ثانوي

يابنات ياحلوات بطلو تفسرون كل الاحلام شفتي شي زين بلغي اللي يحبونج شفتي شي موزين تعوذي من بليس وصلي ركعتين وطلعي صدقه ومافي الا العافيه اما تطلبين تفسيره وانتي حاسه انه موزين وتيي وحده تفسره ويتحقق لان الحلم يتحقق على تفسيره

انا الصراحه طلبت التفسير لانه حلم غريب مادري اذا زين او لآ

صاجه اختي احلى البشر ..

الرسول عليه الصلاة والسلام قال الكلام .. اذا رآيتي رويآ .. وطلبتي تفسيرها ..راح يصير هالشي سواء فسر الرويآ زين او شين ..


وياريت الي تعرف تفسير الحلم اذا كان مو زين لا تفسره ..

قولي الحمدلله على كل حال .. وكثري الاستغفار والدعاء بثلث الاخير ..

ان شاء الله مشكوره ع النصيحه

 

[ARNOoOBA_86]

طلعي صدقة حبيبتي الحلم مو زين

 

[Fo$hY Mo$hY]

طلعي صدقة حبيبتي الحلم مو زين

ان شاء الله

بس اذا ممكن تفسريلي حلمي حلمته اليوم و اسفه ع الازعاج

انا عندي اخو من ابوي ( متزوج بيصيرله سنه و مرته حملت من شهر يابت بنت )

حلمت ان مسوي نفس استقبال في بيتنا بمناسبة زواجه و كان حاط برا البيت نفس شاليه ( كيربي ) مفتوح من جدام و من داخل جنه ديوانيه كشخه و في رياييل وااايد لي درجة المكان داخل ما يكفي فالرياييل كانو قاعدين برا ع الارض و كانو وااااايد و كلهم يضحكون مستانسين و وقتها اختي ياتلي بسيارتها القديمه و كان شكل اختي غريب حجابها مو كامل نفس حجاب المصريات مغطيه شعرها بس رقبتها مبينه و انا كنت لابسه عبايه ( مع العلم انا سفور مالبس عبايه ) قعدت ورا جان اييون يهال يركبون السياره 3 بنات صغار و ولد بس الولد قعد بحضني و كان مستانس انه بيقعد بحضني ( في الحقيقه اختي عندها 3 صبيان و بنت ) ماذكر شنو صار بعدين بس ان جنا ردينا البيت و جنا كنت راده مع امي و خواتي اخوي كان يايب بوفيه فففخم بس محد اكل زااد منه واااايد و جنا كانو ميمعين الاكل حاطين الهمبورقر ع جنب و كان وااايد فوق بعض و كان في عمال قاعدين يسخنون الاكل عشان ياكلونه اختي الصغيره عمرها 10 سنين نزلت من السياره و راحت حطتلنا " مضروبه " بعلبه بلاستيك قلنالها لا تحطين بس، بس اهيا قامت و حطتلنا زياده و صارو 3 علب بلاستيك فيهم " مضروبه " و بس انتهى الحلم

اتمنى تفسريلي اياه و اسفه ع الازعاج

 

[Fo$hY Mo$hY]

^
^
up

 

[ARNOoOBA_86]

الحلمين مرتبطين فبعض طلعي صدقة حبيبتي