وقفت رضاعة بسبة ادوية النفاس

[barish]

عفية بنات منو صار لها مثلي

ويه ولدي خلال اول اسبوع من ولادته انترس بقع حمرا راسها ابيض
على خدوده و خشمه و جفونه

و الدكتور قال من ادوية النفاس و عطاني بيبناثين ادهنه فيه

انا ارضعه طبيعي و صناعي

كنت خايفة عليه و وقفت رضاعة جم يوم

ودي بالرضاعة الطبيعية حيل شسوي

 

[om 7amoodi]

لا حرام لا توقفين الرضاعه

غيري ادويتج يمكن مكوناتها حيل حاره خففي الفلفل شربي سوائل وايد عشان تأثير الاعشاب يخف بجسمج وماتكون مركزه بالحليب

 

[Aloe Vera]

ترا الاعشاب كثرتها مالها داعي
ماعليج من اللي مهولين سالفة النفاس
طول عمرهم الحريم بالعالم يحملون و يولدون مافيهم شي و لا ياخذون ادوية نفاس


المهم ردي رضعي لا توقفين حرام
و خليج عالاعشاب الخفيفة كمون و يانسون و حبة حلوة هذي تفيد البيبي و تدفي و شربي سوائل دافية
و الزنجبيل و الدارسين قليييييل ترا يضر الحليب كثرتة
و هذا اقولج من كلام دكتورة عيالي
وايد ذمت بادوية النفاس و تاثيرهم السلبي على حليب الام

 

[barish]

مشكورين ماقصرتوا خواتي

ان شاء الله بخفف من هالادوية و ارد ارضع

 

[Um Tuki]

كا الاجانب لا ادوية نفاس ولا هالخرابيط

لا جفناها تشتكي توسع ولا خراب رحم ولا شي

اكلو من هالخرابيط والضحية هاليهال مساكين

اكلي خفيف و اكلي اشياء مفيدة وتركي الاشياء الغازية مثل لبروكلي و البيبسي و البقوليات و الملفوف .. و هالسوالف يعني

 

[أم ورود]

حبيبتي انا توني طالعه من الاربعين وبنتي صارلها مثل ولدج هذي حبوب هرمونات نفس حب الشباب
وبالنسبه لادوية النفاس خلج على اللهوم وابتعدي عن الفلفل الاسود وشربي ادويه بس لا تكثرين ومو كل يوم
واذا تبين تنظفين استخدمي البيتادين لمن تكملين شهر ينشف وينظف

 

[كيميائيه]

الحبوب طبيغي للطفل والافضل لاتحطين عليهم اي كريم
حطي حليبج
وخففي ادوية نفاس
اهم شي الاكل الصحي وكثري ماي
وشربي حلبه كمون يانسون ومن هالسواالف

دام فيج حليب لاتحرمين البيبي

 

[barish]

مشكووريين :*

حمدالله خفت الحبوب حيييل بدا يتقشر و يروح

رحت حق طبيب ثاني مشالله عليه سليمان السعد

قال هالحبوب تطلع حتى حق يهال الاجانب

 

[Newbaby]

عادي طلعت حق بنتي وراحت