* LOVE STORY *
New member
[[ وقـفـه مـع سـمو الأمـيرة الشـاعرة الـبنــدري بنـت عبـدالعـزيز آل سعــود ]]
مرحبا بنات
حبيت بهالموضوع ألقي الضوء على الأميرة الأنسانة البندري بنت عبدالعزيز رحمها الله
وان شاالله يحوز على رضاكم
نبذه عنها :هي صاحبة السمو الملكي الأميرة البندري بنت عبدالعزيز آل سعود
الإبنه العاشره للملك عبدالعزيز بن عبدالرحمن آل سعود مؤسس المملكة العربية السعودية
امها الأميرة الجوهرة بنت سعد السديري
لها من الأشقاء والشقيقات : الأمير سعد والأمير عبدالمحسن {والد الأميرالشاعر بدر بن عبدالمحسن}
والأمير مساعد {والد الأميرالشاعر عبدالرحمن بن مساعد}
وشقيقه واحده هي الأميرة حصة
والكثير من الأخوة والأخوات غير الأشقاء
زوجها سمو الأمير بندر بن محمد بن عبدالرحمن أل سعود “ابن عمها”
ولها من الأبناء والبنات مايلي :
سعود وفهد ومحمد ومتعب وتركي والجوهرة وموضي وفهدة
عرفت الأميرة البندري على امتداد حياتها رحمها الله بالورع والتقوى والصلاح والقوة في الحق والصلابة في مواجهة المحن والمصائب اذ عايشت رحمها الله وفاة اربعة من ابنائها هم الامراء سعود وفهد ومحمد ومتعب واثنتين من بناتها هما الأميرة الجوهرة والأميرة موضي كما عايشت وفاة ثلاثة من احفادها هم الأمير فهد بن سلمان بن سعود بن عبدالعزيز والأمير خالد بن محمد بن فهد بن محمد بن عبدالرحمن وشقيقته الأميرة هيفاء غير انها تقبلت تلك الفواجع الحياتية بإيمان واحتساب ورضا ...
وكانت الفاجعه الأولى للأميرة البندري وفاة ابنها البكر الأمير الشاعر سعود بن بندر رحمه الله
حيث حزنت عليه حزن شديد حيث كان رحمه الله مقربآ لها وبارآ بها لايذهب للنوم الا وهو مقبلآ يديها
وفاضت قريحتها بأعذب القصائد الحزينه عليه
وهي على النحو التالي
ليت المنايا وقفت عنك ياسعود ## خلتك لين أوريتني في ضريحي
ياليتني حطيت انا عنك بالعود ## وانته معافا ياجنيني صحـــيحي
أنت الصديق الصادق الود ياسعود ## وانت الطبيب لقلبي اللي جريحي
انا أشهد أني عقب فرقاك مقرود ## ماأنلام انا لو كان اصفّق واصيحي
والله لصيحك لين أجاورك ياسعود ## الله يعجّل جنب قبرك مطيحي
الدمع غار وجفت العين ياسعود ## والقلب ينحب والجوارح تصيحي
===
===
كل ماقلت أبسلى زاد قلبي جروح ## قام يصفق خفوقي مثل صفق الهوا
أتصبّر ودمعي بالذي بي يبوح ## لوبغى القلب ينسى يافهد ماقوى
بالنهار أتجمل والصدر به يفوح ## مثل بركان يغلي بانفجاره نوى
لي ضوى الليل أصلي عند ربي وأنوح ## مثل مقروص الأفعى لي صرخ والتوى
عقب مضنون عيني يافهد وين أروح ## ليتني مت قبله..أو قضينا سوى
===
===
إن جيت للبيت قام الفكر يلعب بي ## وان رحت للخرج صاب القلب ولوالي
ماعاد أميّز واعرف الجدّ واللعبي ## غديت مثل الخلوج أمشي على فالي
ياسعود هذي تدابير الولي ربي ## والعبد ماله عن اللي دبّر الوالي
جرحي على سعود ماينفع به الطبي ## وشلون أبسلى وهو دايم على بالي
أحسّ صوته يناديني وأنا ألبّي ## يقول يمـه نسيتي شبلك الغالي
وشلون أبنساك وانته ساكنٍ قلبي ## أنت حبيبي وزولك دايم قبالي
===
===
وهذه القصيده قالتها الأميرة عندما دخلت على اخيها الملك خالد تهنئه بشهر رمضان المبارك
وشاهدت ابنائها وابناء اخوتها جالسين فتأثرت عندما تذكرت ابنها المرحوم سعود عندما كان يجلس بينهم
لين اجتمعتوا لدّت العين لسعود ## قامت تلفت وين قرّة نظرها
وين الكريم اللي سلك سكّة الجود ## كم واحدٍ نفسه كسيره جبرها
أضحك وانا قلبي من الحزن ملهود ## وأغضى وأذل العين تنثر دررها
رضيت بالمقسوم وأيامي السود ## وكتمت نيرانٍ تطاير شررها
أبي رضا ربٍ كريمٍ وماجود ## علام مافي برّها مع بحرها
لعل يجمعني بهم خير معبود ## في جنة الفردوس نقطف ثمرها
رحم الله الأميرة البندري ورحم الله ابنائها وجمعهم معها في جنانه بإذنه تعالى
انتهى ....
مرحبا بنات
حبيت بهالموضوع ألقي الضوء على الأميرة الأنسانة البندري بنت عبدالعزيز رحمها الله
وان شاالله يحوز على رضاكم
نبذه عنها :هي صاحبة السمو الملكي الأميرة البندري بنت عبدالعزيز آل سعود
الإبنه العاشره للملك عبدالعزيز بن عبدالرحمن آل سعود مؤسس المملكة العربية السعودية
امها الأميرة الجوهرة بنت سعد السديري
لها من الأشقاء والشقيقات : الأمير سعد والأمير عبدالمحسن {والد الأميرالشاعر بدر بن عبدالمحسن}
والأمير مساعد {والد الأميرالشاعر عبدالرحمن بن مساعد}
وشقيقه واحده هي الأميرة حصة
والكثير من الأخوة والأخوات غير الأشقاء
زوجها سمو الأمير بندر بن محمد بن عبدالرحمن أل سعود “ابن عمها”
ولها من الأبناء والبنات مايلي :
سعود وفهد ومحمد ومتعب وتركي والجوهرة وموضي وفهدة
عرفت الأميرة البندري على امتداد حياتها رحمها الله بالورع والتقوى والصلاح والقوة في الحق والصلابة في مواجهة المحن والمصائب اذ عايشت رحمها الله وفاة اربعة من ابنائها هم الامراء سعود وفهد ومحمد ومتعب واثنتين من بناتها هما الأميرة الجوهرة والأميرة موضي كما عايشت وفاة ثلاثة من احفادها هم الأمير فهد بن سلمان بن سعود بن عبدالعزيز والأمير خالد بن محمد بن فهد بن محمد بن عبدالرحمن وشقيقته الأميرة هيفاء غير انها تقبلت تلك الفواجع الحياتية بإيمان واحتساب ورضا ...
وكانت الفاجعه الأولى للأميرة البندري وفاة ابنها البكر الأمير الشاعر سعود بن بندر رحمه الله
حيث حزنت عليه حزن شديد حيث كان رحمه الله مقربآ لها وبارآ بها لايذهب للنوم الا وهو مقبلآ يديها
وفاضت قريحتها بأعذب القصائد الحزينه عليه
وهي على النحو التالي
ليت المنايا وقفت عنك ياسعود ## خلتك لين أوريتني في ضريحي
ياليتني حطيت انا عنك بالعود ## وانته معافا ياجنيني صحـــيحي
أنت الصديق الصادق الود ياسعود ## وانت الطبيب لقلبي اللي جريحي
انا أشهد أني عقب فرقاك مقرود ## ماأنلام انا لو كان اصفّق واصيحي
والله لصيحك لين أجاورك ياسعود ## الله يعجّل جنب قبرك مطيحي
الدمع غار وجفت العين ياسعود ## والقلب ينحب والجوارح تصيحي
===
===
كل ماقلت أبسلى زاد قلبي جروح ## قام يصفق خفوقي مثل صفق الهوا
أتصبّر ودمعي بالذي بي يبوح ## لوبغى القلب ينسى يافهد ماقوى
بالنهار أتجمل والصدر به يفوح ## مثل بركان يغلي بانفجاره نوى
لي ضوى الليل أصلي عند ربي وأنوح ## مثل مقروص الأفعى لي صرخ والتوى
عقب مضنون عيني يافهد وين أروح ## ليتني مت قبله..أو قضينا سوى
===
===
إن جيت للبيت قام الفكر يلعب بي ## وان رحت للخرج صاب القلب ولوالي
ماعاد أميّز واعرف الجدّ واللعبي ## غديت مثل الخلوج أمشي على فالي
ياسعود هذي تدابير الولي ربي ## والعبد ماله عن اللي دبّر الوالي
جرحي على سعود ماينفع به الطبي ## وشلون أبسلى وهو دايم على بالي
أحسّ صوته يناديني وأنا ألبّي ## يقول يمـه نسيتي شبلك الغالي
وشلون أبنساك وانته ساكنٍ قلبي ## أنت حبيبي وزولك دايم قبالي
===
===
وهذه القصيده قالتها الأميرة عندما دخلت على اخيها الملك خالد تهنئه بشهر رمضان المبارك
وشاهدت ابنائها وابناء اخوتها جالسين فتأثرت عندما تذكرت ابنها المرحوم سعود عندما كان يجلس بينهم
لين اجتمعتوا لدّت العين لسعود ## قامت تلفت وين قرّة نظرها
وين الكريم اللي سلك سكّة الجود ## كم واحدٍ نفسه كسيره جبرها
أضحك وانا قلبي من الحزن ملهود ## وأغضى وأذل العين تنثر دررها
رضيت بالمقسوم وأيامي السود ## وكتمت نيرانٍ تطاير شررها
أبي رضا ربٍ كريمٍ وماجود ## علام مافي برّها مع بحرها
لعل يجمعني بهم خير معبود ## في جنة الفردوس نقطف ثمرها
رحم الله الأميرة البندري ورحم الله ابنائها وجمعهم معها في جنانه بإذنه تعالى
انتهى ....
