بالعكس القراءة ممتعه جدا
اقراي كتب وتعالي قسم نادي الكتاب وشوفي الكتب
اقري وتثقفي
مشكوره حياتي على نصيحتج لي:eh_s(7):
زين شنو تنصحيني بالكتب اللي اقراها؟ انا احب اقرا شي استفيد منه ما احب الكتب اللي كلامها وشرحها
طووووووويل تحسسني بالملل !!
اشتركي. بنادي تحفيظ قران. قولي له يشترك. بحفظ القران شوي شوي. يتعود زوجج. بعدين اشترى بالهوادة الي تبينها
اهلين رنا حبيبتي
فكرت اشترك بدورة تحفيظ القران الكريم بس مافي قريب مني في بعيد والمشوار علي متعب
وانا اتعب من كثرة السواقه بسبب الحمال ولما قلت احفظ بالبيت استغفرالله ياربي احياننا يصيبني خمول :bbbiu:
استغرب من المتزوجه و عندها وقت فراغ
ممممممم
شوفي
اذا حسيتي بملل
قومي اخذي احلى شور و كشخي و تمكيجي حق ريلج << بتاخذين وقت طويل
و روحي قعدي وياه سولفي او حطو لكم فلم << و سألي المتزوجات بعد يفيدونج شنو يسوون و شلون يلهون مع ريايلهم
^ افكار خطيره ههههههه
و اذا حابه تدخلين نادي و ممنوع ..... اشتري لج جهاز مشي و حطيه بالبيت تسلي فيه
موفقه حبيبتي
اهلين ماريا ,, مشكوره حبيبتي :eh_s(7):
بس والله الكلام سهل ,, انا كل شي سويــــــته والحمدلله دايم مهتمه بنفسي
والفراغ اللي انا عايشته قاتل قاتل لدرجة اني اذا تجمعت مع خواتي صايره هاديه واغلب وقتي ساكته مستمعه لسوالفهم قليل ما اسولف لاني خلاص تبرمجت عالهدوء والفراغ
والمشكله ان زوجي ما يساعد بشي نهائيا عنده كل شي عادي وعايش حياته بالطول وبالعرض:eh_s(2):
انزين شنو ميوولج وشنو تحبين
هلا حبيبتي ..
انا ميولي احب اسوي حلويات ولله الحمد فنانه فيها ودايم اقول لزوجي ابي اسوي مشروع حلويات
وابتدي عالاقل بطبقين او 3 اطباق اجرب نفسي منها اكسر روتيني والملل والحبسه اللي انا فيها
ومنها استفيد منها ولا هو عيب او حرام وكله شغل ايدي والخدامه مالها اي دور بالمساعده
بالموت لما اقتنع قالي اللي يبي يجي عندج ياخذه اما مندوب لأ .. مابي اكون برا البيت وفي واحد غريب يجي البيت وخدامتج تطلعله الاكل .. قلتله اصلا اهم شي التوصيل وين الحين الحريم يطرشون احد يستلم طبق حلو؟؟ والكل اللي يسوون ببيوتهم تاجرلها مندوب او تكسي
وحتى لو وحده تبي تطرشلي احد يستلم الحلو هم نفس الشي بيجي واحد او سايق وخدامتي تطلعله
يعني ماسوينا شي !!
مع انه قلتله التكاليف كلها علي وانت مالك شغل بشي بس هذا اهو شرطه ليما بالاخير قالي انسي الموضوع :eh_s(11):
وعليكم السلام ورحمه الله وبركاته
اشغلي وقتج بطاعة الله وذكره
حفظي القرآن لو ملينا قلوبنا بذكر الله ماشكينا بالفراغ والملل
وسسسمعي اشرطة الشيخ عبدالمحسسن الاحمد ومحاضراته
راح يساعدج اكككثر واكككثر
الله يسعدج
مشكووووووره وماقصرتي ياقلبي انتي
وجزاج الله الف الف خير :eh_s(7):
اممم
ع حسب ميولج
اختمي القراااان بوقت الفراغ
واقري مجلات
روايات
سوي سبورت
اطبخي كل يوم سويلج كيكه وجهزي القهوه وقعدوا المغرب
ترا وناسه
زوجي ما يحب قعدة البيت ومايشرب قهوه الا للمناسبات .. ولو بغريه بقلاص كشخه فيه عصير والا فيمتو مع قطعة كيكه هم ما يعجبه ولما اشكيله وابجي يقولي والله انتي مو مقصره بشي والبيت دايم نظيف ومافي شي مكرهني بالبيت بالعكس .... وياخذني بالحجيييييي من غير لايقولي السبب!!
حيل حيل مقدس ربعه
عطوها افكاااااااااااااااااااااااااااااااااااااااااااااااااااااااار
اي والللللللللللللللللللللللللللللللللله عطووووووووووووني
مشكوووره رنوووووووووي :eh_s(2): :eh_s(2):
انا مثلك عندي وقت فراااااااااغ كبير بس انا مومتزوجه
وقررت اتعلم الحنا خطوه بخطوه لحد ماصير حنايه ماهره
عمل حر
شاطره والله زين ما تسوين .. الله يوفقج يارب وييسرلج امورج :eh_s(7):
ويييه من صجج سكتي لا يصكونج عين بس
حلو وقت الفراغ الوحده تتفرغ لنفسها شوفي انتي شنو تحبين وشنو ميولج .. النادي مو مشكلة جيبي لج جهاز مشي بالبيت امشي كل يوم ساعة والقراءة بعد حلوووة
كلش تحسين نفسج فاضيه اطلعي تمشي روحي مطاعم سوقه ولا النت مايخلي وقت فراغ
جهاز مشي بالبيت ممل بالبيت اول يومين تهبين فيه وبعدين تركنينه عالجمب وكلها جم دقيقه بتمشين عليه وباقي الوقت شسوي فيه !!
ممنوع اروح السوق بروحي او مطعم او اطلع مع رفيجتي والنت مليت منه لانه متوفر عندي
وكثرة قعدتي عليه مللني الصراحه لاني فاقده شغلات مهمه واساسيه في بيتي :eh_s(2):
كملي دراستج و اذا مخلصه اشتغلي
او اخذيلك دورة خياطه او رسم او نادي
او اخذي لج دورة ميكب
و انا مثلج احس ب فراغ قمت اشتغل في صالون'استقبال' .. وخليت العاملاات يعلموني شلون احف و قمت اعرف شوي بس بعد يبيلي
و اقري كتب دينيه ثقافيه اللي تحبين شوفي شنو ميولج
و القراءة تعطيج ثقه بالنفس و تعطيج خلفيه علميه ثقافيه دينيه و غيره
انا هالفتره هوايتي اقرا كتب و اتعلم استفيد و اثقف نفسي ..
هذا اللي في باللي الحين
انا من زمان ماخذه دوره ولله الحمد مكياجي مستواه مستوى الفنادق واغسلي ايدج اقوله بشتغل بصالون .. مع ان اللي اخذت عندها دوره كانت دايم تقولي تعالي واعطيج معاش
اما الخياطه والله ما احبها نهائيا ... بس بشوفلي كتب ثقافيه او قصص
