:( وقت الطــــلق ..وين كنتــــي ؟؟؟):

[افراحي]

مرحبا كويتيات ..

صراحة الموضوع فكرته مو من عندي ..شفته فمنتدى وعجبتني الفكرة ..وان شاء الله ما تكون مكرره ..

يعني المطلوب كل وحدة تكتب وقت الطلق قبل ولادتها فين كانت ..فالسوق فالبيت نايمة .........الخ؟

يعني مو المطلوب قصة الولادة عشان ما يصير مكرر ..

انا باقي لي اسبوع وادخل العاشر ولافيني اي طلوق ولا عوار واحيانا والله انسى اني حامل :nocommint:
​

 

[أشرق الأمل]

واو خوووش موضوع...انا وقت الطلق كنت بالدوام وابجيي واتألم وحالتي حالة ... لا وبعد ادور بدلة عرس حق رفيجتي بنفس اليوم !!بس المغرب نزل دم وانا اقول الللله من قوة المغص قطع مصراااني!!!!لووووووووووووووول والبنات يقولة روحي فيج ولادة وانا اقول .. لا لا لا مستحيلل توة الناس اشفيكم لي الليل ولدت وانا ما دري شسالفة...الله يسهل علي ولادتج ....

 

[om__jana]

انا بعد ولدت بعد ما دخلت العاشر ووقت الطلع كنت نايمه بالفراش ويالي 9 الصبح وكنت فرحانه واخييييييييييرا بوولد

 

[آهات الليل]

انا بالحمال الاول انا رحت قلت ابي طلق صناعي مالي خلق انطر رحمي كان مبطل سانتين ونص
الحمال الثاني بالبيت طلق خفيف بس انفتحت سانتي راجعت بالحكومه قالو لازم تولدين الحين عشان لاتموت بنتج ماكو ماي ووشكثر اشياء رحت خاص وولد
وهالحمال بنطر الطلق الطبيعي الصراحه مابي طلق صناعي

 

[_Pure_]

انا بدا معاي الطلق بعد صلاة الفجر كنت بالبيت و احاول انام و مو يايني نوم جني حاسة اني بولد لووول

 

[العياره]

انا على البجر الصبح ياني الطلق وكنت ناايمه وحسيت بمغص عبالي شي ثاني

والثاااني بليل قاعده عالنت ونزل علي دم وعقب ياني عوار

خنشووف هالمره الله يستر من الحين خايفه

 

[twinsmam]

بحمالي الأول كنت بالبيت و نزل ماي البيبي ظليت يومين مادري شالسالفة و ثالث يوم نزل دم عقبها استوعبت <<<< طيران عالمستشفى

و الحين ماكو شي و لا علامة للولادة الله يسهل علينا انشالله

 

[جوريه^الكتكوته]

انا كنت توني راده من البحر الساعه 3 الفير انا وريلي وخواتي وبعدين صليت الفير وبعدها نمت ساعه وياني طلق واحوس بالبيت ليمن نزل على دم وبعدها نزل ماي ورحت الساعه 10 وكنت مفتوحه 5 سانتي

 

[لوناااا]

كنت على الجبل في لبنان مع يدتي قاعدين نسولف ومستانسين على ابو بتغيرلي جو البيت واحس بعوار بس عادي ما اهتميت وبعدها نزل الماي عبالي وانتو بكرامه سويتها على نفسي فقمت بسرعه ويدتي تقول شو في اقولها صار معاي جذي قالت ياااااااااااااااااادلي هيدي ولاده ليه ما عم تحكي
وركبي السياره ونزلي من الجبل ويكون زحمه والعوار يزيد والحمد الله نزلنا وتعالي روحي المستشفى اللي اراجع فيها في بيروت وانا بالبقاع يعني الجنوب وهذي بالعاصمه وبنص الطريق ينزل علي دم وحالتي صعبه وعوااااااااار مو طبيعي وبعدها اخيرا وصلنا المستشفى ويطلع الدكتور مو موجود راح البيت وادخل غرفه العمليات وانطره بس الحمد الله وصل واول ما دخل عندي كانت راس البيبي طالعه واخيرا والحمد الله ولدت بس كان صج فيلم طلوووووووقي

 

[SaD FaCe]

خوش موضوع

اب اب

 

[توته سعوديه]

انا طلق اجهاض اول مابدا بالطياره الم اسفل البطن والظهر ومغص بس ماكت اعرف وش هو
وانا ماشيه قبلها كم ساعه وكنت بالشهر الاول ومو عارفه
ومن بكره حللت دم وعرفت اني حاممل كان العصر والمغرب نزل علي دم الاجهاض
انا فلم الله يتمم لي هالمره
لاني بسافر بالطياره وانا باخر الثامن يمكن اولد بالطياره يعني خخخخخخخخخ >> الله يستر مني

 

[eng.3anoona]

انا في بجري ياني الطلق وانا بالمستشفى
كنت رايحة الطوارئ لان البيبي ما كان يتحرك
جان ينوموني عندهم جان ايني الطلق اليوم الثاني الصبح
الظاااهر من الخرعة ما كنت مستوعبة اني بولد

 

[دلعلــــع]

الله يستر مني خخخ
< بجر
اب اب اب

 

[أم لطووف]

up
up

 

[tmtmt]

خوش موضوع ...

انا كنت منسدحه بنام بس مو قادره انام
ولا احس بالصطلق الساعه 2 جان ادق على اختي بعدين امي لني بجر ومادري شسالفه
وبعدين قعدت ريلي ورحنا

اححلى ايام ...

الله يرزقك كل محروم ومحرومه بهاللحظه

 

[شيخه الحلى]

انا قعدت من النوم على الساعه 2 الظهر وكان فيني عوار الدوره
وصار جماع وانا مادري انها بدايه طلوق
بس الحمد الله الجماع سرع الطلق
طول الوقت وانا فيني عوار دوره و ينزل علي دم خفيف
قمت أمشي في البيت واصعد وانزل من السلم
وحاطه جدامي مطارة دارسين وأشرب
زاد الدم وزاد عوار الدوره على الساعه 9 بالليل
رحت الطبيب عشان الدم اللي قاعج ينزل علي..
وسويت تخطيط ولا انا فيني طلوق وانا مادري
فحصتني الدكتوره وعطتني الكمام دقيقتين عقب الفحص ولا جان اتييني ذيك الطلقه اللي كل اللي بالمستشفى اسمعو صرختي
يعني ياني الطلق الصجي وانا بالمستشفى ومعطيني الكمام
الحمد الله ما حسيت بعوار الطلق إلا وانا كنت جاهزه

 

[ام شيخوه]

كنت نايمة وفجأة..................................

 

[(m & m)]

اشوه كنت بالشقه بس ما قدرت انام طول اليل كان فيني مغص و تطور الى طلق لوووول

 

[DoDo909]

اول شي نزل معااي ماي عالساعه 11 الظهر ورحت المستشفى عالساعه 1 حسيت بالطلق

بس الحمدلله بهاليووم ماداومت كأني حااسه وزوجي بعد مااداوم طوول الوقت اتحمد ربي ان ماداومنا

 

[آهات الليل]

اب


اب


اب


اب