وقت السفر ؟

[بنوته كتكوته 3]

هلا بنوتااااات كويتيات
شلوووووونكم؟؟
اليوم كنا انا و زوجي نحجز عشان نسافر مع بعض سفره حلوه و يا في بالي موضوع قلت اناقشكم فيه ؟؟ :eh_s(10):
الحين اذا انتي تشتغلين وبتسافرين مع زوجج هل تساهمين في السفره يعني من ناحية المصاريف ولا كل شي على راسه هو ؟
أنا عن نفسي متعوده مع زوجي أنا اللي ادفع الفنادق وهو عليه الاشياء الباقيه من شوبنج ومطاعم و طلعات .. هذا لان أنا احب السفر حييل وأحس بتانيب الضمير اذا هو يتحمل المصاريف كلها ؟
و أنتو شو تسوون مع ازواجكم ؟

:eh_s(7):

 

[لمى الهاجري]

الحياة مشاركة فلوسج وفلوسه نفس الشي المهم تستانسون

 

[هيفاء 966]

أشارك مع أني مو موظفه. ايمع من مصروفي.

 

[ام كوثر2007]

لا تخلين علاقتج مع ريلج فيها تفرقه ... ولا تخلين الفلوس محور حياتج معاه

كل مشروك مبروك . وما فيها شي لا ساهمتي بدفع الفندق ..


احنا كل سنه لو بنسافر .. اهو عليه التذاكر مثلا وانا علي الفندق ..

ولمن نطلع السوق اهو يشتري حق عياله من جيبه وانا اشتريلهم بعد لا شفت شي حلو مو ملزوم اهو يدفع حق كل شي

فلوسي فلوسه وفلوسه فلوسي ..

اخر شي فكري بالفلوووس بعلاقتج مع ريلج .. انتو تشاركتوا بكل شي بحياتكم ما توقف عند الفلوس يعني

عسى الله يوفقج .. وسفره سعيده يارب تتهنين فيها ولا تنسينا بالصوغه عاد

 

[Gifts&Occaions]

زوجي يتكلف بمصاريف السفر كلها

 

[!الجادل الصعب!]

حرآم كل شي على رآسه ..!

 

[حقوقيه زوغه]

اي دام موظفه اساعده خصوصا اذا بنروح ديره يبيلها مبلغ وقدره

 

[عـيّــآره]

كل وحده ولها ظروفها لاتقلدين اي وحده بتصرفها مع زوجها دامكم متفقين على هالشي ومرتاحين ليش تحتارين​

 

[سمراء كالخمري]

حبيبتي انتي اذا ريلج قااادر على المبلغ وعنده خليه يدفع عادي بس اذا ماعنده وبيحاول ايمع يمعي وياااااه قلبي مافيها شي
انا وحبي نيمع الي يبقى من المعاش ونحطه معه بعض فلوسي وفلوسه وحده اهي الي نحجز منها فنادق وتذاكر واكل وتسوق كله من الي يمعناه كل بيت وله طريقته حبيبتي لا تقلدين احد اذا قادره تساعدينه ساعدي واذا لاء بقول الله يعينه مصرف السفر بس ونااااسه

 

[بنوته كتكوته 3]

هلاااا حبايبي
لا أنا ما عندي اعتراض بالعكس أحب اشاركه ودايما اقولها فلوسي فلوسه , هو مرات ما يرضى ادفع بس أنا اقنعه واقوله ان نحن رايحين مكان مع بعض ونستانس مع بعض يعني مب بس انت اللي كل شي على راسك , بس انا احب اشارك لان فكرة السفر تكون طالعه مني وانا اختار المكان بعد طبعا اذا عجبه نروح.
بس حبيت اعرف رايكم وانتو شو تسوون , الحمدلله طلع الاغلبيه نفسي
أنا ماحس فيها شي عيب ترى الحياة مشاركه واستغرب من اللي تقول كل شي على الريال
مشكورات حلوات ع الردود

 

[عادي من قلبي أشيلك]

بكل شي موبس السفر

 

[الريمـ اللعوبـ]

انا ما ادفع لاني مو موظفه ويادوب اللي معاي اصرفه علي نفسي

بس اذا توظفت اكييييد بساهم معاه

 

[فوفو22]

التعاون والمشاركه حلوه بالسفر

فوفو

 

[قلبهـ 86]

المشاركه حلوه ،،،


انزين واذا انا طالبه بالجامعه وبنفسي اسافر ،، شلون كل شي ع راسه ؟؟؟


ابي جوابكم ؟!؟!

 

[انا لها شمس]

والله عشان وناستنا وراحتنا
عادي اتكفل بالسفره كلها

 

[Bubble]

عاده ريلي يشيل السفره كلها من الالف الى الياء
وانا موظفه.. احيانا اساعده بالمصاريف..
هو فديت قلبه عمره ماطلب مني اساعده ..
وحتى لو بسافر بروحي اومع اليهال هم مايقصر التذاكر والفندق والمصروف عليه
عسى الله يخليه لي تاج فوق راسي

 

[دلال و غلا]

انا اقط مع زوجي 

 

[" ام حمود "]

كل وحده ع حسب ظروفهإأ ، يعني انا مو متزوجه مااقدر اساعده وانا بخاطري
اساعده واتقاسم معاه بالمصروف

 

[زوجة عزيز]

اكيد اساعده انا ما اشتغل لكن اذا عندي ما اقصر المهم راحتكم اتروحون واتردون بالسلامه

 

[بنوت بنوت]

ساعات بروحه وساعات ادفع معاه