وفاءا للمعلم.. وحنين لأيام الدراسة

[coffee]

أهلين بنات ديرتي

الله يسلمكم من جم يوم طرت علي مدرستي اللي درستني عربي بالثانوي اسمها أبله مريم (مصرية الجنسية) الله يرحمها.. هالمدرسة خلتني استشعر الحب وأعشق الأشعار والرومانسية في الكتابات واللغة العربية لي درجة ان كل كتب العربي مالوت الثانوي محتفظه فيهم.. ولاني كنت شاطره بالتعبير فكانت دايما تقومني اقرى على الملأ واهي تهز براسها من شدة الاندماج وتقول الله الله .. الله يرحمها
حبي للشعر في السابق كان مقتصر على اشعار طلال الرشيد اللي كان تعجبني رجولته .. لكنها بالتالي امتدت لتشمل آخرين مثل المتنبي وقدماء الشعراء وسعاد الصباح وقباني والقصيبي وفهد العسكر وغيره ..
اشتقت لتلك الحصة ولا تتصورون كم آلمني هذا الاشتياق الاشتياق لشئ لن يتكرر .. اتذكر انها كانت مدرسة وام لنا بنفس الوقت ..

هذه المقدمة اكتبها لاوضح الدافع من وراء كتابتي للموضوع وانا على يقين بان الكثير من الخوات تعلمو شيئا على الأقل من مدرساتهم في المراحل المختلفه.. ساذكر بعض الاسماء لمدرسات كان لهم أثر كبير في تبلور شخصيتي وتفكيري.. واتمنى من الخوات اللي يعرفون هالمدرسات يوصلون لهم شكري وامتناني وذكري لهم بالخير حتى لو ما يدرون من منو كافي يعرفون ان في ناس تذكرهم وتقدرهم .. واكيد في مدرسات وايد راح اذكرهم في ردود قادمه هم لهم مني كل الشكر

أبلة نجاة الأربش مدرسة علوم علمتني حب التجارب والمجال العلمي

أبلة بدرية العبدالغفور مدرسة علوم علمتني ان اكون بيئية واكتب على الأوراق من الجهتين لان امتحاناتها كانت كذلك

أبلة نظيرة البدر مدرسة عربي علمتني اهمية الابتسام والتسامح

اتمنى تشاركونا باسامي مدرساتكم او دكاترتكم اللي كان لهم تاثير واضح في حياتتكم وشنو مجال تخصصهم وايضا شنو استفدتو منهم وياليت تكتبون الاسماء بالاحمر علشان يسهل على اللي يقرا الموضوع ان يلقى الاسم ويوصل السلام ان امكن

واقول لكل من علمني :e3:

 

[أبيار الكويت]

موضوعج عجيـب، يــرجعني امممم اكثر من 20 سنه
أحلى أيام كانت ايـام عفوية كنا بالثانوية وليما الحين أطفال ..
على سجيتنـا ما عندنا تكلف لأي شـي ..

أبله خديجة
مدرسه اللغه العربيه للصف الرابع الابتدائي
من أقوى المدرسات الي مروو علي
قوتها ليما الحين احس فيها

أبلة نوال
مدرسه الرياضيات للصف الرابع الابتدائي
أبله حنونه ورحيمه وليما الحين احبها

أبله ضحى
مدرسه اللغه الانجليزيه للمرحله المتوسطه
وايد اتعب علي بالانجليزي
وليما الحين احتفظ بتعبها

أبله ورده
مدرسه المحاسبه في الثانويه
من الطف المدرسات وأحبها

أبله ناديه
مدرسه الفنية - تصوير-
من أرقى المدرسات في اللباقه والفن
علمتني وكبرت فيني هوايتي

أبلة امل
مدرسه العلوم بالثانويه
الله يسامحج ما انساج ليما ظلمتيني !!

نسيمة الحوطي
وكيـلة المدرسه
ذوق وشخصية ولباقه
وقوه عجيـبه كنت اكرهها
بس بيوم التخرج لمتني حيـــل
وحسيت بحنانها وعرفت ليش كانت قويه !!



وااااااااااااي موضوعج عور قلبي

 

[حيادر]

انا اللي اسستني بالعربي صح ابلة مها الغانم بمدرسة الفيحا متوسطة بنات
درستني ثالثة متوسط ورابعة متوسط
وليومكم انا اشطر وحدة بالتعبير والاملاء وكنت شاطرة حيل حيل بالقواعد
بس وصلت الثانوية مليت من الدراسة وماقمت اهتم للقواعد نفس قبل

والي اسستني حق العلوم صح ودخلت معاها مسابقة بحوث لمادة العلوم اسمها ابلة منال
صج كانت عصبية شوي بعض المرات بس حبوووووبة اغلب الوقت ودمها خفيف

اللي حببتني بالرسم اكثر وحطتني على طريج التدريجات اللونية صح ابلة عهود السيف بثانوية العديلية بنات مقررات
درستني مادة تشكيلية تعتمد على تدريجات مختلفة للون الواحد وسويت معاها لوحة تاهلت من اوائل اللوحات لمهرجان قطر

بس الله ماكتب تروح ولا لوحة لان رئيسة القسم مابلغتنا بموعد تسليم اللوحات وراحت علينا المسابقة



بييييييييييييييييييييييييه ذكرتينا بالذي مضى :dddds:

والصراحة بدش عرض شوي
انا اللي اشكرهم من كل قلبي فادوني بتعليمهم لي وتاسيسي صح وللحين معلوماتهم راسخة براسي واعتمد سياستهم بكل شي فني اسويه

الدكتور والفنان التشكيلي عنبر وليد بالمعهد العالي للفنون المسرحية
بمادة النحت عطاني الاساسيات وحطاني على الطريج
وبمتابعته لي واهتمامه حببني بهالشغلة حيل وباحترامه لنفسه ولنا ولباقته وذرابته حسسنا ان للحين في دكاترة
الاحترام نفسه يحترمهم

الدكتور عبدالرحمن الصفران ( اسسني بمادة الرسم الهندسي )
كل لوحاتي ومجسماتي اعتمد بالاول على الرسم الهندسي فيها وعقب تلوينها وتشكيلها

والبروفيسور داوود الشميمري
هذا ياحلوة يازينة ينحط على الجرح يبرى
يهبل حببني بالمجسمات والتشكيل والتلوين باستخدام الوان مختلفة حق الظل والنور بدل الابيض والاسود

ودي ارجع المعهد بس علشان استفيد اكثر من خبرتهم:0bee2e8d89:
بس مالي خلق اداوم:dddds:

 

[coffee]

أبيار الكويت حبيبتي اي والله ذكريات حلوه بس شعور يعور القلب وحياج الله

حيادر هههه حياج الله عسوله

 

[حناينq8]

كوفي حبيبتي
موضوعج قمه بالروعه وشنو اروع من انا نتذكر مدرسات كان لهم الفضل بتأسيسنا
والاحلى من هذا
الصدفه الحلوه ان مدرساتج اهم نفسهم مدرساتي

ابله نجاة الاربش مالت العلوم الله يذكرها بالخير حيل كانت تتعب معانا
واذا تذكرين ابله انصاف الحافظ مالت الموسيقى
وابله امنه الهندي هم الموسيقى بس بالابتدائي
مس ثريا مدرسة الانجليزي
ابله رقيه مدرسة العربي فلسطينيه صج البنات كانوا يسمونها البومه لووووووول بس للامانه كانت تدرسنا بضمير
ابله منيره مدرسة العلوم يحليلها اللي كانت كل سنه وترك حامل
ابلات البدنيه ابله حياة الريش ابله نجيبه العصبيه

لي رجعة لموضوعج اذا تذكرت بعد باجي المدرسات

 

[(كويتيه عسل)]

الـــــــــمـــــــــــوضــــــــــــــوع مــــــــكرر

أنا سويته قبلج في القسم المخصص والمناسب

في قسم الطالبات

http://www.q8yat.net/showthread.php?t=197847

 

[بنت جنيف]

خوش موضوع صج ابلاتنا اول لهم بصمه للحين بحياتنا
اذكر ابله فاطمه اسماعيل تجاري الي الحين مصممه كنا ننطر بس شنو تلبس بس مالها تأثير من النواحي الي ذكرتيها

 

[حبيبته آنا]

مدرسات الثانويه
الناظره رقيه الحمدكانت شخصيتها تعجبني شخصيتها حدها قويه بنفس الوقت حنونه ومحترمه وتحب الطالبات وتخاف على مصلحتهم صج صج صج احسها مثاليه والله يوفقها وين ماكانت
الوكيله وفيقه السالم شخصيتها قويه والكل كان يسويلها حساب وهالشي اشوفه حلو وكانت شديده علينا وبنفس الوقت تبي مصلحتنا ودايما تنصحنا وانا هالانسانه دايما اذكرها بالخير كانت متفهمه للامور وممكن تسوي اي شي يفيد مصلحة الطالبات

ابله تماضر مالت الاحياء اثرت فيني بحنانها علينا كطالبات وكانت تعاملنا بحب وتخاف على مصلحتنا وتنصحنا وكنا صج صج صج نحبها

ابله نهى النقيب مالت التربيه الاسلاميه هالانسانه كان لها الفضل اني قمت اواضب على الصلاة من وقت اللي تكلمت معانا عن الصلاة وخلتنا نحب الصلاة ماشالله عليها اسلوب ماكو اروع منه وانا كنت واااايد احبها واعزها ودايما اذكرها بالخير وادعيلها بكل صلاة

مس عايشه الحبيب مالت الانجليزي كانت عصبيه على البنات لكن انا كانت تعاملني معامله حللللوه وتحبني وايد وانا والله بعد كنت احبها اكثر ودايما اسال عنها لكن مو محصلتها لان عقب ماخلصت ثانويه اهي انتقلت مدرسه ثانيه فانقطعت اخبارها ولو اني مازلت اذا سمعت احد نفس اسم عايلتها اسال عنها ومالقيت احد يعرفها لان هالانسانه انا صج صج صج تأثرت فيها ايجابيا

ابله نجيبه الشملان الله يذكرها بالخير كانت ماتواطني ومالومها خخخخخ لاني كنت حيل ميننتها وكنت استانس باذيتها ولما اتذكر الاشياء اللي كنت اسويها اموت من الضحك واقول الله ياجرها حراااام مادري اشلون تحملتني هالادميه خخخ
ابلات المتوسط

ابله هدى كانت مصريه وكنت احب فيها حبها لشغلها هالانسانه تحب وظيفتها لدرجه كبيره وكانت تحوصل المعلومات للطالبات واهم شي عندها ان ماكو طالبه تطلع من مختبر العلوم الا وهي فاهمه 10000%
ابلة الاجتماعيات ابله بتله الرشيدي كانت حلللللوه وحبوووووبه وكنت احبها واااايد وايامها اخوي كان مو متزوج وقلت حق امي تخطبها له من كثر ما اهي حيل خلوقه ومحترمه وكانت تهتم فينا وايد وتدرسنا بضمير وتشجعنا عالدراسه موبس بمادتها لالا كانت تشجعنا ان نتميز بالمواد ونعالج ضعفنا بالمواد اللي احنا ضعاف فيها
ابله منى السالم مالت العربي كنت اموووووت عليها مع انها شديده علينا جميعا بس انا احب الشخصيه القويه اللي بنفس الوقت الهدف من شدتها اهو مصلحتنا

ابله فخريه مالت اجتماعيات اظلمتني مره من الاشهر بالدرجات وليلحين اتذكر انها نزلتني 4 درجات بالغلط ولما كلمتها امي توهقت وقالت صج انا غلطانه بس سامحوني ما اقدر اغيرها لان راح يعتبر شي موزين لي لو غيرتها وحاولت معانا بالطيب ان ننسى السالفه ولما امي قالت لها غيريها والا مايصيرلج طيب جان تقول ماني مغيرتها ولو اي احد يسالني راح اقول انهم درجات الشفهي وهالشي بس انا من حقي اللي احطه ومحد يقدر يتكلم وطبعا ماخليناها مابقى مكان ما اشتكينا عليها فيه والوزاره الحمدلله خذتلي حقي منها وطبعا هالشكوى معاها واسطه والا جان راح حقي الله لايوفقها >>>>ليلحين بقلبي السالفه خخخخخخخ
الابتدائي

ابله حذامه البزيع مالت التربيه الاسلاميه كنت صج احبها واحترمها
ابلة عربي ناسيه اسمها لكن صورتها ماتغيب عن بالي اظن اسمها عايشه او امل والله ماني متذكره لكن هذي صج صج صج مربية اجيال

عموما اغلب مدرساتي اتذكرهم بالخير واحترمهم واقدر مجهودهم لكن اللي ذكرتهم اهم اللي ليلحين اتذكر مواقفهم عدل ومشكووووره على هالموضوع الحلو

 

[almost a whisper]

خوووووووش موضوع

ااااخ والله يييه بوقته .. عندي اعتذار لازم اوصله حق كذا ابله .. وماني عارفه شلون اوصلهم ياليت يوصلهم من خلال المنتدى

الاسامي واايد في بالي الحين والمواقف كلها قاعده تمر جدامي الحين احتاج اصفي ذهني عشان اكتب واقول كل الي بخاطري

لي عوده ان شاء الله يا كوفي

يعطيج العافيه :tek:

 

[nice-girl]

امبيه عاد انا ما اذكر بس بحاول
ومن ايام المتوسطه كنت احب ابله جنان مالت الاجتماعيات بمدرسه الفيحا
كنت احب الاخصائيه مادري شنو الخبيزي ..
وابله الموسيقى مادري شنوالختلان

والثانويه
ابلته الانجليزي اللي مانسى فضلها حببتني بالماده اكثر وخلتني اتشعب واتخصص بالجانعه انجليزي..(ابله مريم قبازرد)
والاسلاميه ابله اميمه البداح
والاقتصاد ابله منال الكندري اذكر بامتحان الفاينال سوتلي خليه نحل لانه اللي سويتها كانت فاشله
وابله الرياضيات اللي كرهتني بالماده لوول ابله مادر شنو العوضي
الله يذكرهم بالخيرررررررررررررررررررررررررررررر والله ايام حلووه جان زين ترد جان بعدل وايد اشياء

 

[coffee]

حناين واااااااااااي يا حياتي مرورج أروع ذكرتيني فيهم .. مس ثريا اتهبل الكل يحبها واعتقد اهي مصرية الجنسية.. لووووووووووووووول البومه صح صحححح واي!! وبنت اختها مادري اخوها كانت ويانا طالبه .. صاجه أبلة منيرة الياسين تهبل كانت .. ابلة نجيبه ما اواطنها كانت لما تقعد كله "سينمتها طالعه " ههههه.. حياج الله

كويتية عسل مشكوره على الملاحظه والله مادري عن موضوعج.. بس انا اخترت يكون بهالقسم لان فيه مشاعر واحاسيس وايد وخاصه الشوق والتقدير وحبيت الكل يعبر

بنت جنيف حياج الله حبيبتي

حبيبته آنا حياج الله حبيبتي ومرورج أحلى

 

[coffee]

almost a whisper الله يعافيج حبيبتي وبانتظارج

nice girl حياج الله حبيبتي

 

[حبيبته آنا]

ليش بس احنا!!! معقوله بس احنا اللي رحنا مدارس وشفنا ابلات؟؟!!!@@ خخخخخخخخ
وينكم بنااااات قولولنا ذكرياتكم

 

[Eva-SS]

اااااااااااخخخ

والله مادري شكتب .. قاعد اكتب وامسح

ياحلو ايام الدراسة بس والله من اول ما توظفت ما يمر يوم علي ما اتمنى ارجع طالبه قلبي خالي من الهم بس هم كتاااابي وبس

الابلات اللي اتذكرهم الحين

بالابتدائي .. نوال الرشيدي تخصصها عربي وفعلا فعلا كانت مربية ناجحة اسلوبها وطريقتها بالشرح ما انساها

بالمتوسط امل المطيري هم عربي .. كانت خوش وحده واسلوبها حلو كانوا كل البنات يحبونها

بالثانوية كان قسم الاسلامية عسسسسل عسسسل شويه عليه . وكانوا كلهم يحبوني لي صيتي عندهم ما امدح نفسي بس كنت بالتجويد تمام وحفظي بالنسبة لعمري حزتها كان انجاز .. اتذكر من القسم حسنه الرشيدي و شذا الرشيدي وبعد فيه بس ناسيه الأسماء مع اني وجيهم متذكرتها وكانت لي ذكريات حلوة حيييل مع القسم

اتذكر بعد شجون العنزي كانت تعطي مادة تجاري كانوا يحبونها البنات ولوانها شوي شديدة

اتذكر وكيلتنا جازوره كنا نسميها جازوره ومادري شنو اسمها ليلحين ههههههههههههههههههههههههههه يمكن فاطمة

امبيه ودي ابجي .. تذكرت رفيجاتي

 

[جاي الضحى]

هلا كوفييا....بسم الله ما شاء الله دا انتي أفكارك قهنمييه ...تزكري الواحد في حقات حلوه أويي... يا ناس صلو عل نبي...:tek:

لا تسئلين ليش اللهجه المصرييه .....الله يرحمها أبله مريم....ما استغرب انج كنتي تحبين الشعر والتعبير الله يحفظج.

المعلمات القديرات وايد بس خل أشوف منهي تطري علي في هل اللحظه :

أبله رزان عربي...اهي زرعت فني حب اللغه العربيه...كانت تزرع الثقافه فينا مو تلقمنا معلومات راح تيي بمتحان وسلحتنا أيضاً بأشياء تخص الأسلام وكانت تقول إذا سافرتي بره للدراسه مثلاً ممكن تكونين لحاجه لهذي المعلمات لتكوني سفيره طيبيه لديرتج ودينج...مرو سنين طويله ولكن صوتها لا الحين بذني....مشكوره يا أبله رزان

أبله إيمان عربي: لا اله إلا الله. طاقه من النشاط...كانت تعلمنا القواعد على صورة أغاني...لا يقومج أغنيهم....إن وأن للتوكيد ولكن لإستدراك وليت تمني ولعل ترجي.....أخخخخ ببجي.

أبله مها رياضيات: خلت عندي الكالكولس بالجامعه شربت ماي...كانت الله يذكرها بالخير تقول: بنات ترى هالمعلومات راح تحتاجونها بالجامعه.

معلمات وايد ودي أشوفهم واشكرهم ويعرفون أنا وين وصلت من العلم بفضل رب العالمين ثم بفضلهم.


شكراً coffee يا قميل.​

 

[كندية]

المووضوع روووعه والله



والله اناا كل المدرسيين من كندااااا

يمكن كل مدرس مرييت عليييه بصراااحه لهم بصمه في حياااتي ومن غييرهم مااعتقد اني بكوون وصلت حق اللي وصلت له الحيين..... يعني اهتمااام ومرااعااات ومساااعدة وتشجيييع الحمدالله ان ربي طيحني بمدرسييين روووعه

:33_1185028183:

:tek:
​

 

[coffee]

حبيبته آنا ههه حبيبتي تسلمين وهم انا وياج ناطره المشاركات ويالين احد يعرف المدرسات اللي ذكرناهم ويقولنا اخيارهم

Eva SS - جاي الضحى - كندية
حياكم الله خواتي ومروركم أروع

 

[حناينq8]

كوفي

تذكرين ابله فاطمه شمس الدين الله يرحمها مالت الاقتصاد المنزلي كنا نسميها الباربي

 

[غيدآء]

موضووع رائع..

لي عـوده

 

[& شهد &]

موضوع حلو وكله وفاااااااااااااااااااء للمدرسات القدامى اللي بالفعل كان كلهم ضمير وحب لنا ولتعليمنا

ابلة هيا اجتماعيات علمتني الحب وخلتني اكل كتاب الاجتماعيات اكل

هي الوحيدة اللي ما انساها عمري كله