وطني فديتك

[الحظ العاثر]

أيدي ممدوده طول السنين
كنت صغيره وهم فقيره لكنها ظلت
ممدوده طول هالسنين
مريت بظروف وأعتدي جاري علي
ليش؟ والله ماأعرف لحد الحين
عيالي أشلونكم أنشالله مرتاحين
لاتتضايقون أنا معاكم وبوقف وياكم
ماراح يجي يوم وأخليكم
أبيكم أحسن الناس
وأبي شهاداتكم ترفع الراس
سمعت عن واحد من عيالي يتكلم عني
بس موزعلانه سامحته عادي
واحد من عيالي أخذ حلالي
يعني باقني بس والله عادي
يمكن أنا قصرت؟
وألا في عطائي تأخرت ؟
عيالي لاتروحون وتخلوني
تري مامثلي أحد
أن رحتوا عني والله تحطموني
وأن رحتوا للغريب يجي يوم وتبوني
ودوروني
عيالي أن قصرت سامحوني
بس لاتضيعوني
وحطوا ذنبي في شليلي
أنا مامثلي أحد
صج أنا أرتبطت بجم ريل
بس ظروف أقوي من الصخر
واحد من أيران
والثاني راعي نخل
كان عراقي الأصل
والثالث يقول ديرتي سعيده
ماتعرف الزعل
والرابع يازينه عشرته حلوه
نجدي فديته والله رجل
حبيتكم كلكم ولاملت لواحد
وخليت أحد
صفدت الخير لكل عيالي
ولانسيت أي أحد
عيالي أوصيكم خلوا عنكم الزعل
أبيكم تحبون وتسندون بعض
والمعتدي علي أخوكم
صيروا بوجهه أسد
أبي ألأخو يفرح لأخته
لي صارت بالمنصب العالي
وقامت أتفاخر عند كل أحد
أبي ألأخو يتكدر أن درى
أخوه فيه ألم
أبي الخير تشيلونه
وطقون باب كل أحد
أبيكم يمي لحد يغيركم
أنا أمكم مامثلي أحد
بس أبيكم تحبوني
تري مو كبيره وبحقي قليله
أطلب منكم تقولون
كويتنا نحبج يالعزيزه

 

[الحظ العاثر]

بلدي الكويت نفديج بدمي