وضع النقاب في فرنسا ..بليز المنقبات اللي سافرو دشوو

[شوق عينك]

السلام عليكم ..
الموضوع مبين من عنوانه بسافر فرنسا وتحديدا سترازبورغ
ومادري ش وضع النقاب سمعت ان الشرطه الفرنسيه يسحبون النقاب من والوجه بدون ادب ومشاكل
الكلام صحيح ولا اشاعات




ابي المنقبات اللي سافرو بليز قولو شصار معاكم

 

[a.f.sh]

عليكم السلام
انا الصيف اللي طاف كنت فيها وشفت منقبات والوضع عادي جدا
بس كان دخولنا فرنسا عن طريق سويسرا يعني ماصادفنا اي تفتيش يمكن بالمطار تصير مشكله او شي
بس بالاماكن العامه الوضع عادي جدا حتى شفت منقبات بالشانز ومافي اي مشكله

 

[randomy]

انا كنت في ستراسبورغ...بصراحه مالبست نقابي هناك خفت لانه ممنوع في فرنسا...خلج عالقوانين احسن...اما باقي الدول المانيا هولندا بريطانيا عادي النقاب

 

[shatha_119]

لا مرره عادي تطمني .. احنا رحنا السنه اللي فاتت و كنا متنقبين و محد قال لنا شي حتى بالمطار ولا غرامه و لا شي

 

[~mmm~]

النقاب ممنوع بفرنسا
لاتلبسينه اذا ماتبين تصيرلج مششاكل

 

[7ooR]

الله يخليييكم خواتي انا بعد مسافره باريس بعد شهر بذن الله

ياريت تكون اجابتكم واضحه ومن واقع تجربه قريبه

من دخلت باريس بنقابها ومحد تكلم لها ولا ادفعت غرامه واللي يعافيكم افيدوووووووووووووونا ������

 

[7ooR]

منو سافرت باريس

سواء من مطار او قطار

وهي منقبه ؟؟؟

 

[دلع24]

شووفووا اختي رااحت فرنسااا

وكانت لابسه نقابها ماتدري

قالولهم ممنوووع النقاابً

واخذوا منهم غراامه مااني ذااكره بالضبط كم

وبعدهاا قطت نقابهااا بفرنساا

 

[7ooR]

الله يجزاك خير اختي دلع ع ذكر تجربة اختج

بس سؤال متئ كانت اختج مسافره بهالسنه ولا قبل ؟؟؟

 

[7ooR]

وينككككم بنات.



افيدونا الله يجزاكم خير ❤❤❤


اعينونا في امر النقاب ������ اعانكم الله ع امور حياتكم يارب ��

 

[نكتار 2010]

النقاب ممنوع في فرنسا لكن مو الكل يطبق القانون

احيانا تاخذي غرامه واحيانا ما يلتفت لك احد بس بالغالب الوضع عادي

 

[7ooR]

الله يجزاك خير يانكتار طمنتيني الله يطمنك حبيبتي ❤❤❤

وان شالله الباريسيات اللي راحوا هالصيف ايضا يفيدونا ����

 

[..الشيخه حلاها..]

جدا عادي و بعدين المغربيات و التونسيات ب كل مكان هناك ومحجبات و نقاب

انا رحتلها يوم واحد يسلمون هالو بونجور :$ وبس باقي الكلام ماعرفه

 

[MenoQ8]

كقانون اهو ممنوع بفرنسا

بس انتي وحظج يعني ممكن محد يقول لج شي عادي

وممكن ياخذون منج غرامه على حسب الشرطي اللي تطيحين عليه يمكن يطلع نحيس ويحب المشاكل

 

[بنك بااستا]

ممنوع مايرضون

 

[ام نواف 5]

هو ممنوع بالقانوق وفيه غرامه ١٥٠ يورو اذا كان النقاب ملفت واسود اكيد بيخالفونك لانه في كل الاماكن السياحيه شرطه فالخوافه لا تلبسه احسن

 

[نبض الجود]

مو ممنوع ولا شي ،
خالتي قبل اسبوعين كانت بفرنسا !
شافت سعوديات وخليجيات شكثر منقبات بالشانز ، محد كلمهم ولاتعرض لهم ،

وقبل فتره قريت بتويتر ان وزير الداخليه الفرنسيه الغا قانون منع النقاب!​

 

[مـرايـم]

خالتي الله يذكرها بالخير مسكتها وحدة عيوز بفرنسا جان تقولها احنا مانبيج جذي بديرتنا لوول