وصلني مسج دعوه لنقاش

[خذاني الشوق]

:aha: السلام عليكم



اليوم وصلني هذا المسج

السلام عليكم

بحضوركم بتاريخ .......

بفندق..........

تكتمل فرحتي بعرسي
ويشرفني تواجدكم

أختكم......

وانتهى المسج...

المسج عباره عن دعوه لحفلة زفاف

الدعوه كانت في السابق شخصيه

ثم تطورت الى البطاقات

وبعدها الاكتفاء بالاتصال الهاتفي

وها الأيام مسج!!!

شو رايكم بهذا التطور في طريقة الدعوة؟

واذا وصلتك الدعوه عن طريق مسج هل بتحضر العرس؟

ننتظر مشاركتكم وارائكم
__________________

منقول الموضوع حابه اعرف رايكم انا عن نفسي اشوف انه اريح من البطايق تعالي وزعي وتعالي اختاري نوعية البطايق:denya:

 

[sweet cake]

اي عادي بس على حسب..
قبل جم شهر رفيجتي ما كانت تقدر تجيب الدعوات لأن بيتها بعيد.. فدزت لرفايجها مسجات دعوه لحضور عرس اخوانها ..
ورفيجتي قبل اسبوعين دزتلي مسج دعوه لعرسها..

بس مو اي دعوه بمسج.. الخاصين بس بمسج اوكي لكن مادري احسها مو حلوه

 

[sweet cake]

بضيف شغله.. الحين العروس اغلبها دعوات شخصيه.. يعني مو اي شخص يجي العرس.. سو لازم بطايق..

 

[sad_angel]

والله حبيبتي ماتفرق طريقة الدعوة اهم شي ان الشخص قدرج ودعاج

 

[إطلالة الربيع]

المسج أسهل بدال ما تتعنين
بس أنا عالعموم ما أروح للأعراس
مالي خلق حق الطلعة

 

[sweet dashttya]

اي عادي بس طبعا لازم بطاقه الدعوة تكون معاج عشان تحضرين العرس

 

[خذاني الشوق]

اي عادي بس على حسب..
قبل جم شهر رفيجتي ما كانت تقدر تجيب الدعوات لأن بيتها بعيد.. فدزت لرفايجها مسجات دعوه لحضور عرس اخوانها ..
ورفيجتي قبل اسبوعين دزتلي مسج دعوه لعرسها..

بس مو اي دعوه بمسج.. الخاصين بس بمسج اوكي لكن مادري احسها مو حلوه

تسلمين يالغلا انا هم اشوف انه تطرشينها بس للخاصين

 

[شنكولة]

تكنولوجيا

 

[روح الدنيا]

مادري والله :/

 

[تفـاحهـ]

أهم شي ان العزيمه وصلتج

مع اني افضل تكوون بطااقه احسن واذرب

 

[علولي]

انا ما شوفها حلوة
ما تعجبني
واصلا انا ماروح افراح كثير

 

[غيآبڪ عذآبي]

آيي عآدي المهم إنهآ ذكرتج ...

 

[المـــــها]

و الله تجيني الدعوات ببطايق مساكين يتعنون و بالاسم و بطايق خاصة
لكن

للأسف

ما أحضر



و تجيني دعوات بالمسجات و هم نفس الشي ما أحضر




ما أحب أحضر إلا عروس القراب حييييييل
شسوي يعني ؟؟

المهم
ما تفرق عندي مسج أو بطاقة


بس يعني البطاقة يعني ما تسوى كل هالكشخة و التكلفة تاليتها مقطوطة كرمكم الله بالزبالة !!

 

[tmtmt]

اي عادي عندي ....

انا اصلا لو السووالف تصير بالمسجات بعد احسن ما يضيع الوقت .. بعض المرات ودي ادق على احد واسال عنه بس بنتي اسم الله عيها تحن ولا مزاجي ما يسمح للسوالف ولا قاعده مع ريلي المسج ما ياخذ وقت

 

[ام الدرر]

والله احسن
الحين حتى البطايق يبي لهم ميزانية بروحهم
بدال المخاسير واخرتها تنقط​

 

[Preity]

عادي اسمها عبرتني ودزتلي مسج
وتكنلوجيا اسهل واريح

 

[خذاني الشوق]

مشكورين بنات وماقصرتوا ع الردود

 

[Tutti-Frutti]

امـمـمـمـمـم
انـا عـنـدي الـبـطـاقـه اذرب وفـيـهـا رسـمـيـه اكـثـر

وعـلـى حـسـب .. اذا شـخـص قـريـب واعـرف لـيـش مـا يـقـدر يـعـطـيـنـي الـبـطـاقـه
احـضـر

امـا اذا بـعـيـد لا مـاحـضـر

 

[eNg_ToTa]

انا رفيجتي ملجتها كانت بيتهم ف الدعوة كانت بالمسجات و كان مسج مرتب و حلو

و من اصل اهمة مو مسوين بطاقات لأن بالبيت و ام عزمت عن طريق التلفون


و هم وحدة نعرفها بتزوج و هم بيتهم صج خيمة براحتهم بس يعتبر بيتهم وبعد دقت الام على يدتي و قالتلها حياج انتي و البنات

انا اشوفها مافيها شي دام بالبيت

بس اذا فندق ولا قاعة ضروري بطاقة ولا شلون بتدخلون ؟!