وصلت مرحله اني قاعده افقد شعري من القشرة بليييز ساعدوني :(

[^AyOoTa^]

السلام وعليكم
بناات انا اعاني من القشره من يوم كنت صغيره بس كل ما استخدم علاج يروح
بس صارلي تقريبا الحين سنتين بشكل متواصل اعاني منها ومرات تختفي اسبوع وترد او تخف وتزيد على حسب النفسيه
وبهالسنتين رحت عيادات خاصه وحكومه واستخدمت شامبوهات وايد مثل (سلسن بلو - نيتروجينا - وشامبو كلير وبعدين دوف واشياء ثانيه وصفولي اياها دكاتره وقطرات ....) ما فادوني ذاك الزود
كلير قبل كنت استخدمه فادني حيل بعدين لما رديتله مره ثانيه ما سوو شي ونفس الشي دوف وسلسن بلوو
وكنت احط بعد ليمون وخل
اي واخر فتره كنت احط مره بالاسبوع قشفة خل بكوب مااي واخليه ساعتين .. اهوه امبله ساعدني
وخففه بس ماراح !! (ماخذه الوصفه من المنتدى )

بعد اسبوعين ابي اسوي كيراتين فا ابييه يروح قبل لا اسوي
والحين انا وصلت مرحله التسااقط والصلع جذووري ضعيفه لمجرد امسك شعري اربطه شوي شوي يطلع معاي شعر وو قام يتقطع :eh_s(11)::eh_s(11):

اخر مره رحت صالون قالتلي اهيا تقدر تسويلي علاج قبل لا اسافر تسويلي بكيج زيوت وخل وجذي
وقالت كل 3 ايام عشان يمديني واليوم موعدي
بس متردده لانه الدكاتره ما لقولي حل !!
انا ابي حل حق القشره وحق جذوري اللي ضعفت ؟ بلييز ساعدوني

وشكرا

 

[كويتيه سبيشل]

up

up

 

[سمو الغلآ]

سدر وحنا

بس لازم ينشف ع الشعر وتكثرينه وتحطينه نفس الماسك

 

[Fajory]

اذا استعملتي السدر راح تختفي القشره للابد بإذن الواحد الأحد و هالكلام عن تجربه شخصيه استعمليها بالأسبوع مرتين وبتلاحظين ان شاءالله أنا أخذ ماي بجدر واحط معاه بصله صغيره مقطعه ارباع و فصين ثوم و خليهم يطبخون لين يصير لون الماي اصفر و عجني فيه السدر
بتدعين لي ان شاء الله
وغير انه يوخر القشره بيكثف شعرج

 

[فففف]

وكنت احط بعد ليمون وخل
اي واخر فتره كنت احط مره بالاسبوع قشفة خل بكوب مااي واخليه ساعتين .. اهوه امبله ساعدني
وخففه بس ماراح !! (ماخذه الوصفه من المنتدى )


وانا بعد متوهقه وخايفه من القشره احسها كل يوم تزيد عن قبل

بس خلطتك هذي احسها قويه على فروة الشعر

 

[UNICORNA]

شوفى انتى اما فره راسك حححححححيل جافه وهذى يبيلها ترطيب بكريم مرطب تدلكين فيه الفروه

وماتغسلين شعرك كل يوم عشان مايجف

وممكن تكونين بعد بتسوين سشوار وترفعين حرارته حييييل او تغسلين شعرك بماى حامى

لين يحرق فروتك وشعرك

وحل القشره اهو الخل او الليمون

قبل ماتتغسلى بربع ساعه دلكى فروتك بخل وبعد ماتتغسلى تمام حطى بأخر شطفه لشعرك

شوى خل ولا تغسلينه وان شالله يتحسن

 

[^AyOoTa^]

سدر وحنا

بس لازم ينشف ع الشعر وتكثرينه وتحطينه نفس الماسك

انشالله بجربه
شكراا

 

[^AyOoTa^]

اذا استعملتي السدر راح تختفي القشره للابد بإذن الواحد الأحد و هالكلام عن تجربه شخصيه استعمليها بالأسبوع مرتين وبتلاحظين ان شاءالله أنا أخذ ماي بجدر واحط معاه بصله صغيره مقطعه ارباع و فصين ثوم و خليهم يطبخون لين يصير لون الماي اصفر و عجني فيه السدر
بتدعين لي ان شاء الله
وغير انه يوخر القشره بيكثف شعرج

مشكووره حبيبتي بس من وين ايب السدر !

 

[^AyOoTa^]

شوفى انتى اما فره راسك حححححححيل جافه وهذى يبيلها ترطيب بكريم مرطب تدلكين فيه الفروه

وماتغسلين شعرك كل يوم عشان مايجف

وممكن تكونين بعد بتسوين سشوار وترفعين حرارته حييييل او تغسلين شعرك بماى حامى

لين يحرق فروتك وشعرك

وحل القشره اهو الخل او الليمون

قبل ماتتغسلى بربع ساعه دلكى فروتك بخل وبعد ماتتغسلى تمام حطى بأخر شطفه لشعرك

شوى خل ولا تغسلينه وان شالله يتحسن

صح كلامج انا اغسل شعري بماي حار وبعد فروة راسي جااافه حتى الدكاتره عطوني قطرات بس ما نفع!
مشكووره حبيبتي

 

[^AyOoTa^]

وكنت احط بعد ليمون وخل
اي واخر فتره كنت احط مره بالاسبوع قشفة خل بكوب مااي واخليه ساعتين .. اهوه امبله ساعدني
وخففه بس ماراح !! (ماخذه الوصفه من المنتدى )


وانا بعد متوهقه وخايفه من القشره احسها كل يوم تزيد عن قبل

بس خلطتك هذي احسها قويه على فروة الشعر

شسوي من كثرت ما يأست قلت خل اجرب ليمون وخل
الحين البنات ما قصروا فادونه

 

[^AyOoTa^]

مشكوورين بناات وجزاكم الله خير
باجر بروح اشتري سدر وبدلك الفروه بكريم مرطب بس اي نوع كريم استخدم عادي !

 

[EL-je3da]

حبيبتي القشره مستحيل ترووح بس بالشامبو بروحه انا كنت اعاني نفسج قبل لازم ترطبين فروه راسج لان القشره تيي من جفاف الراس حطي حنه و سدر خياااااال من اول مره تخف مثل ما قالوا البنات و اذا ما تبين حنه حطي سدر مع خلطة زيوت (زيت زيتون و زيت جوز الهند كوكنت و زيت خروع و اي زيت تحبينه مع السدر خليه على شعرج ساعتين و اشتري شامبو فيشي من الصيدليه انا استخدمه من زمان و ما افكر اقطعه لان طبي و خفيف على الشعر مو منتج تجاري نفس اللي بالجمعيات انصحج فيه والله مع السدر و الزيت راح تروح اكيييييييد لاني مجربه و اذا تبين اي استفسار عن الشامبو انا حاضره حبيبتي

 

[زهره الجلنار]

نفس المشكله الله يعين

 

[Lovely_R]

up up

 

[بحر الرمال]

انا مثلج و استخدمت شامبو فيشي و طريقتي اذا تسبحت اغسل شعري اول مره بشامبو عادي (اي نوع مثل صانسلك او سلفكرين من الجمعيه) و ثاني غسله احط فيشي, جربيه رووعه

 

[الكرملين]

شامبو سلسن بلو او نيزورال يعدمونها

 

[~.ąvȍƈaȚ.~]

استخدمي ديتول العنااية الشخصية

وايد زين و طريقة الاستعمال من ورى

و عندج زبدة الشيا يقولون زينه

يقولون ماي البحر زين روحي طبي البحر

و لما تخلصين من السبوح شطفي شعرج بالماي البارد عشان تسكر مسامات راسج


و يقولون السدر و الحنه زينين بعد

 

[Lays BL.ketchup]

حبيبتي انتي نفسي - اذا ما تبين تجربين سدر وحنه
عندج نيزورال - الشامبو كان مقطوع ورجع هالسنه

وتقريبا جربت كل شامبوهات الصيدليه
طلع اللي فيني قشره دهنيه مع ان شعري ناشف لكن الفروه حيل دهنيه
وفوق هذا شعري يتساقط - ما فاد معاي الا نيزورال

جربيه وادعيلي يرجع شعري مثل قبل واحسن :eh_s(7):

 

[^AyOoTa^]

حبيبتي القشره مستحيل ترووح بس بالشامبو بروحه انا كنت اعاني نفسج قبل لازم ترطبين فروه راسج لان القشره تيي من جفاف الراس حطي حنه و سدر خياااااال من اول مره تخف مثل ما قالوا البنات و اذا ما تبين حنه حطي سدر مع خلطة زيوت (زيت زيتون و زيت جوز الهند كوكنت و زيت خروع و اي زيت تحبينه مع السدر خليه على شعرج ساعتين و اشتري شامبو فيشي من الصيدليه انا استخدمه من زمان و ما افكر اقطعه لان طبي و خفيف على الشعر مو منتج تجاري نفس اللي بالجمعيات انصحج فيه والله مع السدر و الزيت راح تروح اكيييييييد لاني مجربه و اذا تبين اي استفسار عن الشامبو انا حاضره حبيبتي

انزين حبيبتي شلون ارطبه ؟ ومن وين ايب السدر ؟ والشامبو الي قلته عنه نفس اللي حطت صورته الاخت بحر الرمال !

 

[^AyOoTa^]

مشكووورين حبيباتي

جزاكم الله خير