وصلت للوزن المثالي بفضل الله ودكتوري الجارالله

[*ود*]

هاي بنات ...
حبيت انقل لكم تجربتي يللي خلتي اوصل للوزن المثالي ...
طول عمري وانا من ريجيم لريجيم جربت كل انواع الانظمة وحبوب القاطعة للشهية استفيد بالبداية لكن ارجع مثل ماكنت وإذا مو أمتن من قبل...
ظليت على هالحال سنين ..
بعدين قررت اني لازم اشوف حل نهائي لهالمشكلة...
بحثت بالنت ورحت لدكتور تجميل عن الشفط لقيت مافي فايدة لازم اوصل لوزن معقول حتى تطلع النتيجة حلللوة..
فخلاص عرفت الحل اهو جراحات السمنة درست كل انواع الجراحات لقيت الانسب من ناحية الوزن والأأمن لي اهي عملية التكميم وتعتبر سهلة لحد كبير من غيرها من العمليات الثانية...
بحثت عن افضل دكتور ولقيت اول من سوا جراحات السمنة بالكويت اهو الدكتور محمد الجارالله يعني خبرة بهالعمليات وبالفعل رحت له وماشالله عرفت انه يسوي هالعملية 12حاله بالاسبوع وبالشهر تقريبا 400 حاله ..ولاحالة تسريب عنده ويسوي عمليات السمنه من 13 سنه..فما احترت بالدكتور طبعا بفضل الاستخارة والاستشارة..
الحمدلله سويت العملية من سنه تعبت بالبداية لكن الحين بفضل الله الوزن مثالي من 111الى 70 ...
الشعور ماأقدر أوصفه الله وفقني بالدكتور الخبرة ورزقني صحه ممتازة و جسم رشيق ...
أي سؤال انا حاظرة لأني صرت خبيرة بهالموضوع ..​

 

[اميره بكلمتي]

ماشاء الله عسى الله يتمم عليج ياارب

والحمدالله على سلامتج وماتشوفين شر ان شاء الله

 

[sunshine22]

رد : وصلت للوزن المثالي بفضل الله ودكتوري الجارالله

انا وزني 75

تنصحيني اسويها

 

[*ود*]

رد : رد: وصلت للوزن المثالي بفضل الله ودكتوري الجارالله

ماشاء الله عسى الله يتمم عليج ياارب

والحمدالله على سلامتج وماتشوفين شر ان شاء الله

شكرا وماقصرتي ...
الله يسلمج من كل شر...

 

[*ود*]

رد : وصلت للوزن المثالي بفضل الله ودكتوري الجارالله

انا وزني 75

تنصحيني اسويها

لأ لأن وزنج شويه مجرد رياضة ودايت كم شهر وتنتهي مشكلتج...

 

[كويتية أنيقة]

رد : وصلت للوزن المثالي بفضل الله ودكتوري الجارالله

حبيبتي انا حاجزة عند الدكتور يوم الاربعاء ان شاء اللة انا وزني 75وطولي 125وعندي جلطةفي الساق والرئة وزني مو قاعد ينزل بسبب الغدة الدرقية .... شسوي ؟​

 

[اميره بكلمتي]

ود جم كلفتج العمليه ؟

وين سويتيها بخاص ولاحكومه ؟

 

[om deaj]

عليج بالعافية يارب والله يتمم عليج

 

[*ود*]

رد : وصلت للوزن المثالي بفضل الله ودكتوري الجارالله

حبيبتي انا حاجزة عند الدكتور يوم الاربعاء ان شاء اللة انا وزني 75وطولي 125وعندي جلطةفي الساق والرئة وزني مو قاعد ينزل بسبب الغدة الدرقية .... شسوي ؟​

سلامات وماتشوفين شر ...
اجر وعافية يارب..
بما إنج تعبانه عسى ربي يشافيج ويلبسك ثوب الصحة والعافية فهو راح يفيدج اكثر وترا الدكتورحيل فاهم اطمني وطمنيني عنج...

 

[*ود*]

رد : رد: وصلت للوزن المثالي بفضل الله ودكتوري الجارالله

ود جم كلفتج العمليه ؟

وين سويتيها بخاص ولاحكومه ؟

هلا اميرة كلفتني 3000 بالسلام
سويتها قبل سنه

 

[*ود*]

رد : رد: وصلت للوزن المثالي بفضل الله ودكتوري الجارالله

عليج بالعافية يارب والله يتمم عليج

مشكورة وااايد ماقصرتي...

 

[حرة الحرائر]

جم تكلف العملية ؟؟

وجم تقعدين تحت ملاحظتهم ؟؟

 

[*ود*]

رد : رد: وصلت للوزن المثالي بفضل الله ودكتوري الجارالله

جم تكلف العملية ؟؟

وجم تقعدين تحت ملاحظتهم ؟؟

قبل انا مسويتها 3000 لكن الحين يللي ب3فتحات ب 3200
ويللي من فتحة وحدة من السرة 3600
تقعدين بالمستشفى يومين بس ..

 

[ناتشوو]

رد : وصلت للوزن المثالي بفضل الله ودكتوري الجارالله

حمدلله ع السلامة
ومبروك ع النتيجة
وفعلا اللي يسويها يحس انه شخص ثاني حتى الملامح تتغير
للاحلى طبعا
س / بتسوين شد؟
مارستي رياضة؟

 

[*ود*]

رد : وصلت للوزن المثالي بفضل الله ودكتوري الجارالله

حمدلله ع السلامة
ومبروك ع النتيجة
وفعلا اللي يسويها يحس انه شخص ثاني حتى الملامح تتغير
للاحلى طبعا
س / بتسوين شد؟
مارستي رياضة؟

الله يسلمج ويبارك فيج ...
من صجج صرت واااااااايد احلى ...
اي بسوي شد انشالله بس موكل شي ...لأني مارست رياضة واعتقد لواني طول هلفترة بنادي ماكنت احتجت شد

 

[bnt_kwt]

رد : وصلت للوزن المثالي بفضل الله ودكتوري الجارالله

حبيبتي الف مبروك وصولج الوزن المثالي
تتهنين يارب بجسمج وصحتج وانتي بأحس حال

الله يتمم عليج ويوفقج والفال لي يااارب وكل من تعبت على نفسها وسوت العمليه

انا توني 4 اشهر وجدامي طريج للوزن المثال
بس الف الحمدلله وين كنت ووين صرت

 

[*ود*]

رد : وصلت للوزن المثالي بفضل الله ودكتوري الجارالله

حبيبتي الف مبروك وصولج الوزن المثالي
تتهنين يارب بجسمج وصحتج وانتي بأحس حال

الله يتمم عليج ويوفقج والفال لي يااارب وكل من تعبت على نفسها وسوت العمليه

انا توني 4 اشهر وجدامي طريج للوزن المثال
بس الف الحمدلله وين كنت ووين صرت

الله يبارك فيج ياعمري ماقصرتي مشكورة وايد على كلامج الطيب ...
ترا سهالات انشالله بس المسألة محتاجة نظام غذائي صحي وتشربين ماي وايدورياضة عشان يشدجسمج والنتيجة بتكون خيالية...لاتنسي الفيتامينات عشان شعرج...
موفقة يارب...

 

[bnt_kwt]

رد : وصلت للوزن المثالي بفضل الله ودكتوري الجارالله

الله يبارك فيج ياعمري ماقصرتي مشكورة وايد على كلامج الطيب ...
ترا سهالات انشالله بس المسألة محتاجة نظام غذائي صحي وتشربين ماي وايدورياضة عشان يشدجسمج والنتيجة بتكون خيالية...لاتنسي الفيتامينات عشان شعرج...
موفقة يارب...

العفو ولو

بالنسبه للرياضه صار لي 3 اسابيع تقريبا قاعده امشي كل يوم ساعه
والفيتامين اخذ سنتروم

والماي مسبب لي مشكله ما اشرب وايد احاول بس اتصدقين ما اقدر

والنظام انا من سويت العمليه متابعه مع اخصائيه التغذيه اللي بعياده دكتوري
والحمدلله ماشيه الامور

الله يسهل عالكل حياتي وربي يتمم علينا الصحه والعافيه

 

[*ود*]

رد : وصلت للوزن المثالي بفضل الله ودكتوري الجارالله

هلا بنت الكويت
ماشالله ساعة مشي ممتاااااز..
حق شنو هذا الفيتامين؟؟
صح الماي في شوية مشكلة حتى انا احاول بس في صعوبة اني اشرب كمية زينة...
عسى ربي يكتبلج الصحةوالعافية وتوصلين للوزن المثالي وانت بكامل جمالج ...

 

[كويتية أنيقة]

رد : وصلت للوزن المثالي بفضل الله ودكتوري الجارالله

هاي بنات
حبيبتي ود اليوم رحت حق الدكتور الجار اللة بصراحة انسان جدا راقي وطمني ان اقدر اسوي عملية اذا زوت وزني لاني وزني الحين 72ما يصلح الابالون وانا مابي بالون ابي تكميم فقالي لازم ازيد وزني وايد علشان اقدر اسوي العملية واعما تحاليل علشان الدكتور التخدير وانا اطمئن اكثر :080402ask_prv:وان شاء اللة خير....واي قالي تكلف العملية 30030في السلام.
واهني صورتي وانا بلعيادة انتظر الدور......:yaaaaaarb:

​