وش صار علي زياده الفنيين لاحس ولاخبر

[فله]

:yaaaaaarb:بنات بليز وش صار علي زياده الفنيين لاحس ولاخبر
قالوا من شهر 4وراح تنزل أثر رجعي لشهر 4و5و6بس ماشفنا شئ ودخلت علي موقع الديوان مافي زياده بشهاده الراتب وداشين علي معاشات شهر 9 ولا شفنا شئ بليز أنتم نزل لكم من شهر كم وبأثر رجعي :krkrkr:
أنا خريجه أتصلات وملاحه فني ثاني يعني تشملني الزياده ونستلم بدل موقع

 

[نرجسيهـ}~]

انا مسماي مسآأعد مهندس ..,

اللي آعرفه آن آلزيآأده للوظائف ذات الطابع الهندسي ..
اعرف بنات نزلت لهم زيادة شهر 8 بسس ..

بس ماعندي خبر اذا كانت بتنزل بأثر رجعي ولا لا ..

لانها مانزلت لي بس آمبين بتفاصيل الراتب على موقع ديوان الخدمه المدنيه ان فيه زياده زوينه :eh_s(9):


اما بالنسبة لبدل الموقع ماله علاقه بالزياده ..

انتي قدمي عليه عند مسؤولج .. انا كنت مسويه جذي والحمدالله صارلي 3 سنين و بدل الموقع يمشيلي ..



انتي تتبعين آي وزاره .. اذا مانزلت لج روحي راجعيهم آحسسن ..

 

[فله]

مشكوره أخت نرجسيه علي ردك الظاهر المنتدي مافيه فنيين ألا أنا وأنتي
أما بالنسبه لبدل الموقع الحمدلله يمشيلي خمسين دينار بس سؤالي علي أساس الزياده راح يصير ميه دينار سمعت أن زيادتنا علي بدل الموقع وطبيعه العمل أما بموقع الديوان مافيه زياده علي راتبي مع أني متأكده تشملنا الزياده وزارتي المواصلات
حبيت أتاكد من الفنيين نزلت لهم ولالا

 

[نرجسيهـ}~]

العفووو ياقلبي ..

شوفي زيادة بدل الموقع .. تزيد على حسب المسمى الوظيفي و الدرجه ..


اما الزياده اللي نزلت للبنات اتوقع انها زيادة طبيعة العمل / وزيادة ع الكادر بسس

 

[فله]

مشكوره أخت نرجسيه علي الرد ماقصرتي يالغاليه
يعني في بنات نازله لهم الزياده وانت ليش مانزلك وأنت إي وزاره
طيب بالموقع نازلك الزياده ولالا يأختي أنا حتي بالموقع وشهاده الراتب ماتغير شئ

 

[سارونه87]

الزياده نزلت كلها من شهر4 بأثر رجعي براتب شهر 7

 

[فله]

مشكوره أخت سارونه علي الرد
انت شنو مسماك الوظيفي مساعد مهندس ولافني والزياده فوق الميه ولاأقل

 

[نرجسيهـ}~]

مشكوره أخت نرجسيه علي الرد ماقصرتي يالغاليه
يعني في بنات نازله لهم الزياده وانت ليش مانزلك وأنت إي وزاره
طيب بالموقع نازلك الزياده ولالا يأختي أنا حتي بالموقع وشهاده الراتب ماتغير شئ

انا مسماي مساعد مهندس تبع وزارة الصحه التعبانه .. ومادري ليش مانزلت لي :bbbiu:

وقتها قلت اراجعهم عقب رمضان احسسن ..

ان شاء الله هالاسبوع آمرهم ..


:


بموقع الديوان قلت لج امبين ان فيه زياااده ع المعاش تقريبا 130 ..


:

ومبروووك علينااا الزياااده اللي ماشفناها ههههههههههههههههه

 

[نرجسيهـ}~]

الزياده نزلت كلها من شهر4 بأثر رجعي براتب شهر 7

حلووو :ggdw::ggdw:

جم نزلج يعني 600 تقريبا ولا آقل ..؟

 

[nono78]

مانزلي شي باثر رجعي بس ١٠٠ دينار نزلتلي من شهر ٧

وانا مساعد مهندس بالكهربا والماي
الدرجه الرابعه

 

[ماريا 2006]

انا مساعد مهندس
بالداخليه ونزلت الزياده اقل من 100 وزاره فقر ولا يمشيلنا بدل موقع مشا لمده سنه تقريبا وبعدين اقطعوه واللي اشوفه ان كل مكان فيه ليش احنا لا مادري

 

[نرجسيهـ}~]

ليش عيل نزلت للبنات عندنا / مساعد مهندس 130 ..
مساعد مهندس آول تنزل لهم 145 ..


:


بنات كل وحده تقول

الدرجه الحاليه + عدد العلاوات = ؟
مسماها الوظيفي = ؟
الوزاره التابعه لهآ = ؟
الزياده = ؟
بآثر رجعي ولا لا = ؟

 

[فله]

الله يعين مو قادرين نستوعب هالزياده
بعضهم يقولون أكثر من ميه وبعضهم يقولون أقل والبعض يقول نزل أثر رجعي والبعض يقول شهر واحد
مالنا إلانروح ونراجع ونشوف شسالفه هالزياده وحق شنو بالضبط بس اللي أعرفه أنهم أقروها شهر 4

 

[فله]

أيه والله وأنت صاجه يالنرجسيه الزياده حلوه حلوه لا وأبشرك أذا نزلتنا وتكرمت راح تكون حق شهر 4و5و6و7و8يعني حلو علي حلو مو بطاله فيها سفره يالغاليه أحس فلوس دفعه وحده فيها فايده أكثر من المعاش تعرفين معاشاتنا ماتقعد دقيقه بالبنك تحكنا يدينا مافينا صبر بس طايرين
بس عساها تنزل مانينها علينا بس جد يبيلها مراجعه بس المشكله وزاره المواصلات تموتين وتحين ماحصلتي أحد يرد عليك لابالتلفون ولاأن راجعتيهم ميتين بمعني الكلمه مايدرون وين الله قاطهم بس أن سألتيهم عن النوم ردوا عليك ورحبوا فيك تصيرين أنت الكفو عندهم وتستاهلين الأمتيازبس سأليهم متي ينتهي الدوام يجاوبونك علي طول هاهاها؟

 

[نرجسيهـ}~]

المشرف على الدرجه الاولي زيادته 395​

المشرف على الدرجه الثانيه زيادته 320​

مساعد المشرف على الدرجه الثانيه يستلم 300 دينار​

مساعد مشرف على الدرجه الثالثه يستلم 230 دينار​

مساعد اول مهندس او فني اول على الدرجه الثالثه يستلم 190 دينار​

مساعد اول مهندس او فني اول علي الدرجه الرابعه يستلم 145 دينار​

مساعد مهندس او فني ثاني على الدرجه الرابعه يستلم 130 دينار​

مساعد مهندس او فني ثاني على الدرجه الخامسه يستلم 100 دينار​

فني ثالث على الدرجه السادسه يستلم 55 دينار​

مساعد اول فني على الدرجه السابعه يستلم 40 دينار​

مساعد ثاني فني علي الدرجه الثامنه يستلم 30 دينار​

 

[فله]

مشكوره يالنرجسيه علي جهودك ماقصرتي كفو والله أنك بنت رجال تنفع النخوه فيك

 

[نرجسيهـ}~]

العفوو يآأحيآأتي .. مآأسوينآأ شي :eh_s(17)::eh_s(7):​

هذي هم لج .. عشآأن هالكلآأم آلطيب ​

​

اعلن قرار زيادة فئات البدلات والمكافآت للموظفين الكويتيين الشاغلين للوظائف الهندسية المساندة في الجهات الحكومية، ان زيادة فئات بدل طبيعة العمل المقرر تبدأ من 280 ديناراً لمجموعة الوظائف العامة «أ» حتى الدرجة الثامنة ب‍ 10 دنانير.
ولفت القرار الى ان الزيادة في فئات مكافأة المستوى الوظيفي، وبدل الموقع المقررين للموظفين الكويتيين الشاغلين للوظائف الهندسية بواقع 100 دينار للمشرف وبدل طبيعة عمل 50 دينارا، فيما يحصل مساعد المشرف على زيادة في المستوى الوظيفي بواقع 80 دينارا، وبدل موقع 50 دينارا، اما مساعد اول مهندس وفني اول يحصلون على 65 ديناراً وبدل 25 للموقع، فيما مساعد المهندس يحصل على 50 دينارا وبدل 25 دينارا، وتكون الزيادات للفنيين الثالث ومساعد اول وثاني زيادات بواقع 40 دينارا، و30 ديناراً، و20 ديناراً على التوالي​

:eh_s(8):​

 

[فله]

ماقصرتي يالغاليه
أنا قلت هالكلام أول الموضوع أن الزياده لبدل الموقع وبدل طبيعه عمل يعني الزياده راح تكون اقل من الميه لدرجه الخامسه وفوق الميه لدرجه الرابعه واللي ماعندهم بدل موقع زيادتهم راح تكون بسيطه جدا

 

[مذهلة 78]

انا مساعد اول مهندس بوزاره الاشغال عالدرجة ال رابعه زيادتي 145 ونزلت لنا مع راتب شهر 6 بأثر رجعي من تاريخ 1\4\2011

 

[MisS Z]

فني ثاني الدرجه الخامسة .. بوزارة التربية

للحين ما نزلي شي .. بس اليوم اوصلت نشرة زياده لي ..