وش شعورك بعد الولاده....

[فوفو..]

أمهااااااااات وحوامل سابقات سولفوا لنا عن مشاعركم بعد الولادة مباشره يعني الساعات الأولى كيف كانت مشاعرك

مرتاحه مره ومو مصدقة انك ولدتي وانتهى مشوار 9 شهور ومطمأنه

أو بكيتي لما ودوك غرفتك

شرهاااانه على الألم الي شفتيه

وكيف كانت مشاعرك تجاة طفلك أول ماشفتيه أول مره .. لأن أشكالهم تكون غريبه شوي وألوانهم غامقة وصغااار

تقبلتيه بسرعه أو ماحسيتي انه هذا الكائن الصغير لك والي كان جواك أو ما بغيتي تشوفينه أو الساعات


يالله ردوركم والحمدلله على سلامة كل وحده ولدت والفال لي ولاخواتي...ويفرحنا بنظرتهم ويرزقني البنت التامه السليمه...:yaaaaaarb::yaaaaaarb:​

 

[شيخة المعازيم]

انا كنت اول شيء بعد الولاده بس اصيح وابكي على اللي شفته
واللي صار... بس بعد شوي حمدت ربي وفرحت وصرت سو اكسايتت والضحكه شاجه الحلج...
والصراحه كنت بس اطالع البيبي من بعيد لبعيد مدري ما تقبلته في البدايه
اول ما رضعته تعلقت فيه ....
والحمدلله اصلا الشعور ما ينوصف من الراحه والشعور بالرضا ....​

 

[الأميرة جوري]

انا كل ولادتى لازم ابجى من الفرحه والمس بطنى مو مصدقه ان الله سهل علي واحس انى آآنا المووووولوده مو البيبي بعد التعب والالام......بصراحه شعووووور غريب...يارب ترزق كل محرووووووووومه بالضنا

 

[أم عامر]

انا وقت طلعت الراس الله يعطيني قوه عجيبه

اقول بنفسي خلاص لازم ارتاح وتشوفيني اسوي بووووش

بكل قوتي وسبحان الله بس يطلع البيبي يروح كل الالم ولا كأنك انتي من ثواني وبس يطلع البيبي

اقعد احمد الله بصوت عالي على الولاده

واخدر بعدها واحس بشعوور غريب ما احسه الا بوقت الولاده احس اني انولدت من جديد

ولما يجيبون البيبي اقعد اطالع له من بعيد واقول انت اللي تعبتني

ربي يرزق كل محروومه هاللحظه ياااارب

 

[همس المشاعر]

الله يقومني ويقوم كل الاخوات بالسلامه والله لسع ماجربت هاللحظه لاني بكريه انا الحين لي اسبوعين في التاسع والله منتظره هاللحظه بالفارغ الصبر ادعولي بنات اولد الاياه الجايه واشوف بنوتي والله ميته ع شوفتها الله يسهل ع الجميع :yaaaaaarb:

 

[فوفو..]

الله يهون عليج...همس المشاعر ويقومج بالسلامه...

 

[_زينه_]

انا كنت احلف اني ما احمل مره ثانيه من اللي شفته لوووووووووووول

بس استغفرت ربي

بس شعور حلو لما يجون الناس يتحمدون لي بالسلامه ويقولون لي مبروك ماجبتي صرتي ام

اتشقققق لووول

 

[ام خدود ورديه]

خوش خوش
اب
اب

 

[دمثة]

واي اانا اقول الحمدالله ياربي الحمدالله انك رزقتني ذرية وتكون احلى لحظة فرحااااااااااااااااااااانه

يالله ياربي ترزق كل محرومة هاللحظة ماتعوض هاللحظة

يالله ياربي مايحرمني منها

الحمدالله ياربي الي قريت عيني بعيالي

 

[.:lady bug :.]

اول شي ابجي مو مصدقه اني ولدت
اقعد ابجي ابجي واحمد ربي
لانه انا بحمايلي نفسيه خايسه بس احاتي البيبي
ف من اولد بس ابجي واحمد ربي
وبعدين احس برااااحه واخذ نفس واحمد الله

واكون ابي اشوف البيبي لاني متشوقتله
ولمن شفت البيبي مادري ليش بجيييت واايد

كله من السكر لاعب بنفسيتي الله يشافي مرضى السكر

بس اضل طول اليوم فرحانه انه خلصت تسع اشهور
واحس روحي خفيفه

والله يرزق كل بنات الحلال الي ينطرون هاللحظه

 

[NODA 2]

سبحان الله نفس شعودر البنات تقريبا صج انتي تكونين والده و مولوده
و دايم لما اولد اطالع عيالي احمد الله علي كل علي التعب وقت الحمال الي فيه اجر وعلي البيبي الي يفرح قبلي وخلاني انسي كل التعب الي شفته بالحمال صج لحظات حلوه وغربيه سبحانك يا رب
يا رب ارزق كل محرومه

 

[أنفاسي دخون]

اول ما اولد شعور لا يوصف فرحه على السلامه وسلامة المولود وتعب واحس تعب 9 شعورر انزاح وعلى طول امسك بطني عشان اتأكد انه صدق خخخخ

بس ثاني يوم لحد اسبوعين الله لا يوريش كآبه وبكي وصراخ حتى وانا نايمه وماتنفع قرايه مطوع ولا ماي ولا زيت الله يوريكم اللي اشوفه والله يأجرني

وعسى الله يرزق كل محروم بالذرية الصالحة

 

[تركوووه]

يعطيج العافية على هالموضوع انا بكريةةةةةةةةةة في الشهر الرابع
واتمنىىىىىىىىىىىىىىىىىى اولددددددددددددددد عشان اشوف البيبي الللله يحفظه

 

[om la6ofa]

سبحان الله على الولادة مع ان كلها الم بس نبي هل الم وننطره انا انجربة الولادة اول مااقوم اقول ييبولي البيبي وينها وارد انام ما احس اب روحي كل شوي اقوم اقول ييبوها و ارد و اناممم يااا ربي اتسهل علييي و اولد بالسلامة صج ولهاااانا

 

[dana1986]

الله لا يحرمنا من هاللحظة صج ناطرتها تطرة ابي اشوف ضناي

يا حلو الضنا
الله يرزق الكل امين

 

[الله كرريم]

احط ايدي واحسس على بطني مومصدقه اني ولدت .. سبحان الله تغير مفاجئ مو تدريجي يعني بيوم واحد او بساعات قليليه يتغير الجسم واحلى شيئ اني احس نفسي خفييييييييييييييييييييييييييييييييفه كما الريشه عاد حزتها اتقلب يمين يسار عندي هذا احلى شيئ

 

[ملوكـه]

احلى احلى احلى لحظه بحيااااااااااااااتي
خلاص راااح الالم .. راح الثقل ..
مااصدق اني ولدت بس ماسكه بطني

اما البيبي قاعد يصيح وانا قلبي معااه
متعلقه فيه واهو ببطني
وحاطه ببالي انه اذا بشوفه لازم اتعب شويه

والحمدلله على عطاياااه

والله يسهل علي ولادتي هذه