وش رايكم بفستان بنتي؟

[وسوممة]

السلام عليكم ورحمة الله وبركاته
كيفكم
اليوم حبيت اوريكم فستان بنتي الي بشتريه قلت ماني شاريته الا لما اوري عضوات المنتدى واخذ ارآئهم ولقيت لونين فيه تركواز وعلى الجنب بني وانا ماصورت الا هذا لكن بصراحه ابي رايكم بصراحه مابي انكسف و اتفشل!!
يلا وهذا هو الفستان
بنتي عمرها 13 وهذا الفستان الي ابي اشتريه لها
*
*
*
*
*


وهذي صورتها من الجنب!




شنو رايكم
ابي الصراحه بلييييز :eh_s(22):​

 

[أريــج]

مادرى احس مايصلح لعمر 13 سنة هالموديل حلو لاعمار اقل من سن بنتج ،،

وبالنهايه شوفي اللي يلوق لها من لون لبشرتها والمناسبه ،،،

وملبوس العافيه

 

[دلوعة أبوي**]

وعليكم السلام

عسى ربي يخليها لج

من رايي انج تختارين لها شغل ناعم وذرب واذا تعرفين خياط ممتاز خيطي لها.

 

[بروكي غناتي]

حياتي بنتج بسن البلوغ يعني موطفله وعلى حسب اذا ضعيفه والا مليانه في موديلات احسن من جذي في المنتدى جيكي عدل
هذا احسه حق طفله
وموديله قديم يعني شايفينه واجد
وعاد انتي وذوقج على راحتج بس حبيت اعطيج رايي مثل ماطلبتي

 

[فوفى]

مادرى بس احسة حق بنات اصغر من عمر بنتج وانتى كيفج ملبوس العافيو ان شاءالله.

 

[وسوممة]

ايه بس بنتي شكلها شوي مو على عمرها يعني كنها بسادس وهي بسابع
تسلموون عالمرور

 

[وسوممة]

تسلموووون حبايبي
شكرا نفعتوني

 

[وسوممة]

هههههههههههههههههههههههه اشوف يوم طلعتها لها بالسوق قامت تفحط ماابيه ما بيه خخخخخخخخخ وانا اقول شكله حلو وتقول انتي ناويه علي على فكره هي الي كاتبه الموضوع مادريت ومصوره الفستان مادريت هههههههه وتقول تعالي شوفي الردود تبين تفشليني في عرس خالي وانا والله على بالي حلومااعرف في ملابس البنات الى عندهافساتين لهعمر تنزلها وماعليها امر

 

[راعية الطويلة]

ملبوس العافية

 

[جوري 2007]

لا مو حلو اسمحيلي وموديله قديم

 

[كورنيليا]

مووحلواا
قديم موديلهاااا

 

[ام خالد 78]

الله يخليها لج

 

[أسيل العين]

الله يخليها لج ,,,, في بدل أحلى وتناسب عمر بنتج

 

[shams2008]

لا موحلو في موديلات احلي دوريلها

 

[MaZyOoOoNa]

مو حلو

 

[(*ام عهــــد *)]

البنات ماقصرو فعلا موديله قديم واذا حابه حق العمر هذا عندي فساتين لها حياكم الله

 

[ام التاريخ]

مو حلو شو في بدل تناسب عمرها

 

[ام الدرر]

حبوبة في محل بمجمع الراية لازق بالمطعم الياباني بالادور الارضي قبل فترة كان عنده تنزيلات تطلع البدلة ب30 -40
ويناسب سنها بموديلات بسيطة ناعمة وحلوة
خواتي خذو لبناتهم منه​

 

[ناتشوو]

هههههههههههههههههههههههه اشوف يوم طلعتها لها بالسوق قامت تفحط ماابيه ما بيه خخخخخخخخخ وانا اقول شكله حلو وتقول انتي ناويه علي على فكره هي الي كاتبه الموضوع مادريت ومصوره الفستان مادريت هههههههه وتقول تعالي شوفي الردود تبين تفشليني في عرس خالي وانا والله على بالي حلومااعرف في ملابس البنات الى عندهافساتين لهعمر تنزلها وماعليها امر

ياحلوها
لا فعلا خليها تختار لنفسها:d

 

[الحورية الصغيرة]

حبيبيتي ما يناسب سنها روحي دمبنهامز شرق في قسم نفانيف عرس وايد ناعمه إسمه كوست له فرع بالمرينا و فرع بعد بالأفنيوز