وش اسوي ولدت وماتغير شي

[أعشقه]

السلاام عليكم
/
صباحكم خير ومسرات ..
عندي شغله مضايقتني وبدخل بالموضوع ع طول يارب اشوف حل عندكم ..{
انا والد قيصريه ولي الحين شهرين بس للحين احس بالم في الجراحه
انا ابي ابتدي اسوي رياضه ومو عارفه شلون اسوي وانا من اتحرك احس بالم ونغزات في الجراحه .. مضايقتني مره ومخوفتني بنفس الوقت..
وبطني كبيرر ونازل لتحت كاني ماولدت للحين وش اسوي
متى اقدر اتحرك باريحيه واسوي رياضه وش الرياضه المناسبه الي اسويها وماتاثر فيني
ومتى اقدر استخدم المشد ووش اسوي عشان بطني يروح والله متعبني نفسيا
والي تساعدني راح ادعو لها في ظاهر الغيب ان ربي يسعدها ويرزقها كل الي تتمنى وويسر امورها بس ساعدوني فديت قلوبكم :eh_s(17):

 

[ريح قهوه]

الله يعينج انا اللي اعرف ان راعية العمليه تعورها وطول وهي تعورها يالله بعد ست شهور يخف العوار توج انتي والكرش شي طبيعي بعد بس انطري لاتشدينها اللحين وفيه بنات مسويات عمليه راح يفيدونج اكثر برياضة الخاصه ومتى تشدينها وعليج بالاعشاب اللي تشيل الكرش مثل الكمون مع ليمون ومثل الجاي الاخضر مع قشر الرمان والكمون نسيت الرابع هي خلطة معروفه كل من سواها استفاد منها والله يرزقج ماتمنين ويرزقني ويرزق البنات

 

[صديقت قوقل]

اب


~

 

[أعشقه]

وي يارب وش اسوي
طيب فيه احتمال تنفتح العمليه مع اي حركه اسويها ..
انا امس سويت اني برقص وليتني ماسويت احس الم فيها مب طبيعي مع اني خذت شهرين توقعت ان عادي لازم اتحرك
وابي اسوي رياضه
انا اخاف اجرب اي شي من الاعشاب وياثر لاني ارضع ولدي
ابي شي ماياثر ع الرضاعه
وجزاكم الله خير ..

 

[Laymo0ona]

تقدرين تمشين رياضه احسن شي
انا دخلت نادي بعد القيصريه اب 5 شهور
انا ليلحين لما اييني مغص جرحي يعورني يشد حييل عادي ترى شي طبيعي وانا ولده من 4 سنين وشي

 

[الأميرة جوري]

شربي مراميه عجيبه تشيل البطن

 

[متيمه بهواه]

مالج الى المشي
على خفيف ولا تجهدين نفسسسج
وعن الاعشاب ماعندي خلفيه شنو الي يناسبج

بس نصيحتي لج
أبعدي عن

الميراميه

لنها تنشف الحليب ونتي بغنى عنها تو قاريه عنها

 

[متيمه بهواه]

وانا ابحث بالنت وقعت على البحث هذا بخصوص الميرميه
وعاد اغلب الحريم يشربون الميرميه مع شاي الاعشاب وهذا خطاء لانه يقوي الاستروجين الخافض للحليب في الثديين
يعني بيقلل حليب الام المرضعه

فحبيت افيدكم خواتي واليكم المقال

فوائد الميرامية :

تستعمل المرامية كمادة مقبضة ومطهرة ومعطرة وطاردة للغازات مخفضة للعرق ومقوية مولدة للاستروجين الخافض لانتاج حليب الثديين. كما تستخدم ضد الالتهابات وضد تقلصات العضلات ومضادة لعدة أنواع من البكتيريا. كما تستخدم كمقوية للأعصاب. كما تستخدم كمنظمة للعادة الشهرية.




- تنفع لعلاج الاكتئاب والإرهاق العصبي .
- شربه قبيل النوم يخفف الأرق والقلق والإرهاق خصوصا لدى المسنين .
فهي : منشط , مقويه , مانعة للعرق ، موقفه لإدرار الحليب ، طارد رياح ، مضاد للإسهال

 

[قمري]

حبيبتي الرياضه ممنوع لمدة 6 شهور حق اللي مسويه قيصريه وبالصبر كل شي يصير لاتتحبطين عادي بطنج بروح بس مع الوقت

 

[أعشقه]

ياقلبي عليكم
شكرا من اعماق قلبي لكل من رد علي ..
يارب اني اضعف ويروح بطني .. بحاول امشي ع الخفيف وبنتظر لين 6 شهور وبشووف اذا يروح ولا
ربي يرزقكم كل الي تتمنون يارب ياكريم ولا يخيبكم في اي طلبه يارب
شكرا

 

[كتالونيه]

حبيبتي انا ولدت عمليه
وكنت مثلج تعبانه وكنت ابجي من العوار
وقالت لي الدكتوره اذا تبينه
يروح العواربسرعه امشي
وكنت امشي دايما بس حبيبتي انا ثالث اسبوع من
الولاده مافيني عواربالمره
دليل انه تقول ماشالله جنج موعمليه
وكانت بنت عمي تهاوشني وتقول تظاهري
انج تعبانه الناس ماتعطي خير
وكنت اقولها شنو الحمدالله مافيني شي
اما الرياضه عادي بس مولدرجة انج تناقزين

 

[أعشقه]

ياقلبي انا تالمني حتى مع المشي
انا لي شهرين الحين رحت السوق اجهز لعرس خالتي تحسفت ودي اصيح وانا بالسوق من الالم مااقوى امشي خلاص
قالت لي امي يمكن لانك مشيتي كثير
طيب وش سويتي من الرياضه عشان يروح بطنك
وجزاك االله خير

 

[ام الحلوااات]

اللــــــه يـــــعـــــيــــنــــج ويـــســــهـــــل امـــــــــــرج

 

[غرام القمة]

اشربي اعشاب والالام العملية يختفي لا تحاتين ما يطول

 

[مطر هتــآن]

اللي اعرفه القيصريه بعد 6 شهور تكون اوكي وتقدر تسوي رياضه

 

[سدين]

انا والده قيصريه لي ١٥ يوم
وبطني خف حيييل بس كريشه صغيره
السبب الي خففه اني اكثر المشي لان مع المشي يطلع الغازات
والشي الثاني بعد كل وجبه كوب كمون وكركم
وحزة العصر نقوعه
كل هذا يدخل البطن داخل ويطلع الهواء الي بطنج
عاد بنطر خمس ايام وابدي اشرب قشر القهوه مع زنجبيل والبس احزام البطن حق القيصريه

 

[ام اغلى الناس]

انا والده طبيعي ومارد جسمي الا بعد ست شهور
الاه يعينج
بعد الست شهور روحي دكاترة تغذبه
واسالي متى تقدرين للرياضه

 

[أعشقه]

يااارب اضعف والله النفسيه زفت
قالو لي الي يرضع طبيعي يضعف
وانا اقلل الاكل بس الرياضه والمشي صفر
يبي لي اتحرك
جزاكم الله خير

 

[tbola]

صح كلام البنات يبيلج 6 اشهور

وماتشوفين شر

 

[sweeta77]

يمكن معاك فتق
لان الالم مو لهدرجه والبطن يطلع من الفتق
روحي تاكدي احسن