وش اسوي مع الحموضه تعبتني وربي :(

[أعشقه]

الســــــــلآآآم عليكم ورحمة الله وبركــآآآته
/
بدخل بالموضوع قبل كل شي والله ادري اني ازعجتكم بس بسال عن شغله
انا فيني حموضه في المعده .. عرفتوها ولا
والله اني ماقدر انام منها احس انها تحرق قلبي من قوتها واجلس حتى ماقدر اتمدد عشان انام ..
قلت لدكتوره وعطتني حبوب وقالت لوقت الحاجه بس من قريت الرشته الي معه خفت
يقولون من اضراره يسبب سرعه في ضربات القلب وغثيان وتلف في الكبد ومدري وشو وانا خفت وانا حامل بالشهر 7شلون .؟ وصعبه ارجع لدكتوره عشان بس اسئلهاا ..
وانا فيني الحين حموضه قطعت قلبي ابي اسالكم اذا في شي ثاني يفيدني يوخر هالحموضه
انا جربت الحليب ومافاد وش اسوي
اسم الدواء رانيد 150
اقراص رانيتيدين

 

[هذا مزاجي]

اكلي خيار
وحليب ازرق لازم يكون باااااااااااارد خليه بالفريزر
واشربي بإستمرار
انا نفسج اشرب حليب ازرق او حليب السعوديه
والحمدلله تخف الحموضه

 

[ام ساره 4]

إنتي حامل إذا حامل في حبوب قرض إسمهم ريني روعه طعمهم نعناع حق الحموضه أنا أكلتهم بحمالي ومايضرون لا تحاتين

 

[شيوومه]

الخياار ممتاز للحموضه والحليب الازرق مثل ماقالت اختي هذا مزاجي

واحتسبي الاجر ياقلبي وتقومين بالسلامه ويروح هذا كله ان شاءالله ..

 

[Anestazya]

وي انا اكثر منج وصلت مرحلة قرحه والخيار اذا كليتها وقفت بالمرئ اتعب زياده ماينفع الا شراب اللي قوطيه ابيض مليوكس او اللي لزقته زرقة والقرشه البنيه مع ان طعمه خايس بس شنسوي اجر انا بولد وللحين معذبني

 

[& شرطان الذهب &]

نفس الحاااااااااااااااااله

 

[أعشقه]

والله قمت اكل خياار وتفاح وحليب والحليب احيانا ينفع معي واحيانا يسبب لي نفاخ
واحيانا يخليني ارجع كل شي
انا لي فتره من تجي لي حموضه اشرب سفن اب .. ومابي اكثر اخاف يضر من انه ينفع
ومتخوفه من ها الحبوب
طيب مافي حد جرب هالحبوب .. الي كاتبته بالموضوع

 

[ام الحلوااات]

شــــــــــربــــي حـــلـــيــــــب بــــااارد واكـــلــــي خـــيــــاااربــــارد وابــتــعـــدي مــســبــبـــااات الــحــمـــوضـــه عـــن الــحـــوااامـــض والــبــهـــارات الــزايـــدة والــشــغـــلات الــمــالــحــــه والــشــــاي والاكــــل الــدســــم يـــعــــنـــي خــلــي اكـــلــــج خــفــيــف وصــحـــــي خــاااصــــه بــااللـــيــــل عـــشــــان لا تــنــغـثـــيــن وااايــــــد​

 

[العفاسيه]

نفس حالتي
اكلي خيار والحليب مو زين يتحول لحموضه
انا خذيت دوا لونه ابيض من الصيدليه مال الحموضه نفعني
اشوف لج اسمه

 

[العفاسيه]

اسمه. maalox plus suspension

 

[نحوله عسوله]

حبيبتي انا في حمالي جننتني الحمووووضه وتزيد باخر الشهر السابع والثامن بس والله نصيحه لوووووجه الله


روحي المستوصف وخلج من الخاااص روحي مستوصف منطقتج قوليله ابي شرراب الحمووضه اللي من داخل ابيض والله ثم والله ترووووح بالمررره وتقووومين تاكلين غداج او عشاااج عااااادي



نصيحه والله روعه اشووويه ع الدواه هذا وموجوود بالمستوصف بس


والله يعينج ويهون عليج

 

[نور و نار]

انا دكتوري سألته قال عادي آخذ فوّار .. جربيه ممتاز يريحني لمن اخذه

 

[أعشقه]

واي فديتكم .. الف شكر لكم والله ماقصرتو اهم شي فدتوني
واسفه ثقلت عليكم ..
كل الشكر لكم وبقووه بعد اشكركم ..

 

[Aryam30]

ياقلبي انا لي ثلاث حملات الحين ماعانيت من لحموضه كنت استخدم حبوب اسمهم اومبركس تاخذين حبه الصبح على الريج وبع نص ساعه اكلي سئلي عنها بصيدلية مستشفى الهادي مادري ليش ماحصلتها الا عندهم وتأكدي من دكتورتج بعد عنه قبل لا تستعملينه وانشالله بيريحج