وشلون تكون ردة فعلك اذازوجك قالك شفت... الردود لأهل الحكمة

[شامخة بطموحها]

حبيباتي ودنا نعرف التصرف المناسب اذازوجك مرة قالك اني شفت بنات حلوات ومزز:eh_s(17):

كيف نخليه ينسى الي شافهم ووش هي الكلمة المناسبة اترك لكم الجواب وابي استفيد والكل إن شاء الله يستفيد والله يسخر لكم ازواجكم​

 

[M!SS.LOBY]

اول شي ادعي ان الله يهديه

 

[M!SS.LOBY]

ردي على زوجج قولي مو كل وحده حلووه تتحمل مسؤوليه بيت وتكون صاينه عمرها ومهتمه في بيتها وبعيالها و تقصد وتطبخ .
وتكون مربية منزل صالحه والأم للعيال .
عاد انتي اهتمي بعمرج بس سوي جو بالبيت خلى فرق كبير بينج وبين اللي يتكلم عنهم اترسي عينه خلي مملكتج يحس فيها يقدر يميزج عن كل الحريم بشطارتج بأسلوبج وأهم شي تكون عندج للباقة بالتعامل معاه بحيث انج تدلعينه تهتمين فيه وبعيالج وبعمرج .
والحين أغلب الريايل ما يحبون النكد تكونين شوي صبوره فقط بجذي راح تتملكين قلبه.

 

[ام غازي 2012]

ولا مره صارت معاي
والحمدلله اني تارسه عيونه

 

[Pippa]

لازم من أول مايقولج تحطين عينج بعينه وتقوليله انت شلون تذكر بنات جدامي عيب لازم تحترمني مثل ما أنا محترمتك وماجبت طاري رجال غيرك !!! وبس كملي القعده عاااادي لا تقلبينها هوشه

 

[رنيم الروح]

الحمدلله ولا مره تكلم في بنات قدامي بس لا قدر الله لو صار هالشي اقوله الله يهديك كنت متوقعه انك اكبر من هالكلام

 

[manoooram]

ربي يخليه ولا مره تطرق لهالشي من صجه
الا اذا بيطفرني وبيشوف ردة فعلي
بس على ضحك
أعطيه خزه وتالي أضحك
بس ما اتهاوش معاه لأن أدري شنو نيته

 

[PuPa^^SWeeT]

حسب


ان كانت غشمرة بقووله اغار و من هالحجي



بو من صجه يوصف



لا والله بزعل لانه عيب و قلة احترام يقوولج جذي

 

[هويتك]

اقوله ماتوقعت هالكلمه منك

وين شفتهم البنات الحلوات ؟؟

عيب ومايجوز هالحجي

حزتها بيتفشل ويتوب

 

[عسل حدي]

كويتيات رد: ماذا تعرفى عن الورم الليفى فى الرحم

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }

 

[قمة^الانوووثة]

عن نفسي انا اشكره اقوله في بنات احلى مني لكن الشخصية و السمعة هي اللي تخلي البنت فوق او تحت
عن نفسي طاف للموضوع بكبره الرجال اذا اشتهى ينسى ينسى و اذا بيحط فباله ماتقدرين تشيلين شي فباله

اهم شي ما اوضح له غيرتي عشان يستوعب ثقتي بنفسي
و انا ما افكر بهالامور اصلا هذي احلى مني و هذي جسمها نار الحمدلله واثقة من نفسي و اعرف اهتم بنفسي اذا طالع غيري العيب بمخه مو مني بعد شسوي

 

[وردة وطني]

كلام اللي فوق عين العقل
بنسبه لي مايقول هالكلام زوجي وان شاءالله ماتطيح الميانه ويقوله< لووول
قولي له غض البصر غض البصر واجب وترضئ احد يقولك عن اهل جذي طبعا بااحترام ودلع
وثقه وكبرياء وعطي طاااااااااف
واهتمي بنفسج حاولي مايقولج هالكلام لاتسمحين له قولي تر اللي عندك احسسسساس
وبالتوفيق حبوبه

 

[mrs.abk]

بقول له سلامة النظر .. ما فيه بنية أحلى عني ..

 

[أم دوينة]

عادي ولا جنه قال شي :/

بس ما قط قال هذي البنت حلوة وهذيج جميلة ما يتجرأ !

لو يسويها اردها له بعد فترة عشان ينقرص ومايعيدها

البادي اظلم

 

[كليـ دلعـ]

اذا تجرأ وقال هالكلام

ارفع حجااجي وارز خشمي فووق

واقوول بابتساااامه شمووخ


هئ ليس كل مايلمع ذهبااااا

واقووم واخليه،،،،،،>>> طبعا بمشيه طاااؤؤووووسيه شااامخه هههههههههه

 

[manoooram]

^^^
ههههههههههههههههه عجبتيني
​

 

[شامخة بطموحها]

مشكورين حبيباتي على تفاعلكم الله يسعدكم​

 

[كليـ دلعـ]

لااشكر ع واجب

 

[jooosy]

اذا قالها على ضحك والا من صجه مايستحي والله
ليش انا مزهريه جدامه مالي احساس
والحمدالله ماصارت معاي لانه انا وياه محترمين بعضنا
وفي حدود حق الغشمره

 

[Um Tuki]

انا ريلي دايم يذم كل البنات جدام لانه يعرف اني وايد غيورة خخخخخخ
مع ان ساعات ادري انه جذاب و ان اللي يتكلم عنها حلوة

مثلا في ممثلات حلوين وايد اقوله تعحبني هالممثلة الا يقول لا ويع مو حلوة و ادري انها هو بالقلبه العكس بس ما يبين لي فديته
بس مرة قال عن شيماء علي و ألهام الفضالة خسارة قبل العمليات كانوا حلوين خربوا بأشكالهم

عموما لو صار ما راح ابين له اني عصبت او شي بالعكس اقول له اي ما شاء الله عليها
عشان يحس بثقتي بنفسي و اني ابدا مو قاصرة عن اي بنت بشي

لان اذكر ايام بداية زواجي كنت اي وحدة يلتفت يشوفها حتى لو قاصد اقول له بط في عيونك و اعصب
مرة قال لي ليش كل هالغيرة انتي ماعندج ثقة بنفسج

و من يومها كأنه كف على ويهي
عطاني درس محترم