وسواس الموت

[حسبنآ الله]

السلام عليكم
:eh_s(2): من فتره اعاني من وسواس الموت
اخاف من طاري الموت صارلي 10 شهور وانا على هالحال
كل يوم ابجي واحس الدنيا سودا :eh_s(16): اخاف انام بروحي كله احس اني بموت
ولا اطلع من البيت اخاف اركب السياره واذا اركب طول الطريق ادعي واتشهد من الخوووف
اول بدايه جاتني اعراض دوخه وتنمل وضيقه واطرافي تبرد ورحت المستشفى قالو مافيني شي
وعلى هالحال كل فتره يجيني تعبت :eh_s(16)::eh_s(2):
كل يوم اقول اكيد اليوم راح اموت ولا اعيش يومي كله متضايقه ومهمومه :eh_s(2):
كله افكر في امي وصديقتي :eh_s(2): اذا متت احاتيهم اكثر من نفسي :eh_s(2)::eh_s(2):
ماادري تعبت مع اني اصلي والأذكار مااتركهم بس هالوسواس مو راضي يروح :eh_s(2):
ساعدوني شسووووي؟ :eh_s(2): ادعوووولي :yaaaaaarb:

 

[#أنسام#]

شوفي يالغاليه ....


انتي ماراح تموتين قبل يومك .....

حبيبتي خلي هالمعلومه براسك (كلنا بنموت ) حتى ملك الموت بيموت ....ماراح يبقى الا رب العزة والجلال ....

وتفكيرك هذا عن الموت وساوس شيطانيه ...... الشيطان بيحزنك .....

شوفي الناس اللي يدرس واللي بيتزوج ...واللي يبني ناطحات سحاب ..واللي ....واللي...وكلهم عارفين انهم بيموتون ومع ذلك عايشين حياتهم ....


وحاولي ماتنعزلين وتقعدين لحالك اذا جالك هالتفكير .....اختلطي مع الناس

الله يشفيك حبيبتي وان شاء الله البنات بيفيدونك ...

 

[بنت عطا]

نفسي بالظبط والله ورحت لشيخ قال فيني عين

انا حيل ولدرجه اشرف الدنيا تفتر قدامي وتسود وعقب ترد

 

[مشاعل والحلا شا]

لازم تشوفين طبيب نفسي أو أخصائي نفسي وإذا كنت تعرفين شيخ ثقة أفضل تشرحين له حالتج لأن هذا وسواس شيطاني يحاول يخليج حزينة على طول الله سبحانه وتعالى يقول ( وما كان لنفس أن تموت إلا بإذن الله ) الموت مقدر للإنسان ولا يمكن يتأخر الآجل أو يتقدم ولو ساعة وحدة ومع طول خوفك هذا أنتي ما متي ولله الحمد.
أقري أو أسمعي سورة البقرة خصوصاً بتدبر ونزلي مقاطع رقية وسمعيها وبإذن الله ينصرف ما فيك.
من يوسوس لج لا يعلم ساعة الوفاة لأنه أمر غيبي

 

[سفيره الكويت]

الموت حق وكلنا بنموت والحمدلله انتي مصليه مسميه وهذا اهم شي

توقعي الموت بأي لحظه وتعايشي معاه عادي والموت نفس النوم لازم يحدث وما اعتقد في انسان ماينام

 

[اخصائية نفسية 7]

حبيبتى لازم اتكلميني على الخاص ظروري

 

[غلا سعود ~]

نفسي
أنا قبل جاني وسواس في الموت وتوي ماكان عمري 8 سنوات حتى t_t
والعن منك كنت اخاف لا آكل بعد عشان ما أغص وأموت t_t
وأشياء كثير
كلميني ع الخاص ​

 

[وافرر]

الله يكون يعونك

 

[~ بنت الهدى ~]

انا مثلج احياانا و احنا في السياره اسم الله علينا احس بتقلب فينا الله يلعنك يابليس يوسوس لنا و يستانس لأنه نصدقه t_t
.الحين جبرت نفسي مافكر هالتفكيير لأن كلن مايموت الا بيومه ومايصير الا المكتوب

لا و ساعات احس اني بيوم من اليوم بصير اسيره مادري شاللي يخلييني افكر هالتفكير

 

[تعبت اشكي =(]

للأسف مر علي هالشي

 

[حسبنآ الله]

ربي يبعد هالوسواس عنا
بنات مااقدر ارسل ع الخاص لأنه مشاركاتي قليله
والله اللحين احس مخنوقه ماتت وحده نعرفها الله يرحمها ضايقه فيني الدنيا
الله يعين

 

[نــggر]

راح ارسلك عالخاص بس مو الحين
لاني مشغووله وبخرج
وقومي الحين اقري قرآن وصدقيني بيريحك
وربي يشرح لك صدرك
يارب

 

[سانماري]

الوسواس أياً كان نوعه بيحرمك المتعه بالحياه ويمنعك من التركيز على الحاضر والتخطيط للمستقبل ,بلاراده القويه تقدرين تتغلبين عليه

 

[شاي ونعناع]

استغفري ربج محد يموت قبل يومه والموت حق علينا (((((( كل نفس ذائقة الموت ))))) تري ايمانج وايد اضعيف كثري اذكار الصباح والمساء وبعد الصلاة تريح الانسان وعليج بالمعوذاات ولازم تأمنين بالموت لامحاله وتكونين مستعده له بأي لحظه قولي الحمدلله علي كل حال ودعي ياربي حسن الخاتمه *

 

[نــggر]

ارسلت لك عالخااااص

 

[قــل مـا تـشـاء]

ردت الفعل اللي موجودة معاج حبيبتي طبيعية
بالذات إذا مر عليج أحد توفى فجأة وهو مافيه شي ,,
ما أخفي عليج إني مريت بهالتفكير سنة كاملة لكن حاولت بشتى الطرق أبعده عني
وبعدني لي ألحين أعاني شوي ساعات أفكر في موضوع الموت بس الحمد لله أهون من قبل بواااايد
( اعمل لدنياك كأنك تعيش ابدا واعمل لآخرتك كأنك تموت غداً )
سوي كل اللي بخاطرج فيه ولاتنسين دراستج ووظيفتج واقري قرآن ترا قراءة القرآن تطول العمر وتخلي في يومج بركة
لااازم تشغلين وقتج بالمفيد وتغيري من نظام حياتج ولاتجلسين بروحج لأن هالجلسة هي اللي تتعبج وتخليج تفكرين في الأشياء السلبية وأبتعدي عن الأمور اللي تسبب لج القلق والحزن ,,
الله يوفقج حبيبتي ويهدي بالج

 

[Miss Cherry]

مافيه انسان ما يخاف من الموت .. كلنا نخاف من الموت بس هذا ماراح يغير شي محد مخلد العمر كله

انتي اذا تحسين انه الخوف عندج مأثر على حياتج وماتقدرين تتغلبين عليه مافيها شي لو تروحين لاخصائي نفسي واعتقد اللي فيج من موقف انتي ماره فيه من قبل اثر فيج

 

[اسيره2]

استغفري ربج محد يموت قبل يومه والموت حق علينا (((((( كل نفس ذائقة الموت ))))) تري ايمانج وايد اضعيف كثري اذكار الصباح والمساء وبعد الصلاة تريح الانسان وعليج بالمعوذاات ولازم تأمنين بالموت لامحاله وتكونين مستعده له بأي لحظه قولي الحمدلله علي كل حال ودعي ياربي حسن الخاتمه *

حبيبتي الايمان ماله شغل بلموضوع كلنا اتحوشنا هالحاله وانا ساعات ادش المستشفى بسبة هالحاله

اختي صاحبة الموضوع حالتي نفس حالتج وياريت الي عندها نصيحه او حل اتحطه لنا بالموضوع ليش الخاص الموضوع بيفيد ناس وايد ولكم الاجر ان شاء الله

 

[الاهله]

انا مثلك اخاف من السياره لان صار لي حادث قوي مع شاحنه كبيره

فصرت اخاف من السياره وماحب اطلع اخاف اموت بحادث

 

[سكوتي بذوقي]

هذا وسواس

لازم تقرين قرآن وتستغفرين

قربي من الله سبحانه وراح ترتاحين

وبعد روحي لدكتور نفساني