وزيرة التربيه واعده السهلي برفع معاشات المعلمين نزين ياوزيرة مافكرتي بالاداريين

[فطفط نجد]

مرحبا اداريات ياحلوات......علومكم؟؟؟؟؟؟

حبيباتي وزيرتنا الموقرة .....موضي الحمود.....واعده رئيس جمعيه المعلمين عايض السهلي
بأن ترفع موضوع زياده المعلمييييييين للمجلس....

علييييييهم بألف عافية المدرسين والمدرسات خوانا وبنات عمنا ورفيجاتنا....

بس ياوزيرة مافكرتي بالادارييين اللي حتى زياده ماشافوها منكم شنو حجي باوراق مافي تطبييييق انا لي بمهنتي 8سنين والله بالله وتالله ماشفت زياده من مهنتي كلها زياده اللي يت من الدوله شنو لاكادر ولاشي

تعبنا وحنا نتحجى .......

لااااااازم نعتصم عشان يحسون فينا لا ومطولين الدوام حنا شكو لاندرس ولاشي....ويعطونا مناوبة ويعطونا مراقبة ومقصف ومناوبة اخر الدوامومعاش احلمي وانتي نايمة شكلي بغير الوزارة بكبرها شرايكم؟؟؟؟؟

 

[كرز حالي.]

رد : وزيرة التربيه واعده السهلي برفع معاشات المعلمين نزين ياوزيرة مافكرتي بالاداريين

حبيبتي مو اقرو زيادة الادارياات والاخصائيين والمكتبات والتقنيات؟؟
وقالو بيصرفونها بأثر رجعي بس للحين مانصرفت؟؟
سمعت تنصرف بشهر 9

 

[ام شيخون]

حبيبتي الاداريات بس الي مسمهم شؤون طلبه
والمناوبه عطونياها لانه بدون فلوس قبل يوم كانت بفلوس حق المدرسات والمدرسين
والي سمعته مادري صح او لا والي تعرف تفيدنا انه اليوم الدراسي ينقسم الى جزئين للمدرسات الي تداوم الجزء الاول ما تدوم الجزء الثاني والعكس صحيح اما الاداريات يدوامون طول اليوم لانه ماعندهم شغل

 

[شـقـاًويـه]

رد : وزيرة التربيه واعده السهلي برفع معاشات المعلمين نزين ياوزيرة مافكرتي بالاداريين

آلله يرزقكم ..
ويفج ضيقكم ..
ومنآ للآخت / موضي آلحمود .. =)

موفقه فديتج َ ..

 

[روبرتوكافالي]

ريوووووووووووم توقيعج موووووووووووووووصج


ههههههههههههههههههههه

 

[فطفط نجد]

نزين المخزن ومشغل الحاسب والسكرتارية مالهم رب......يارب بس يذكروننا بهالرمضان

والله لادعيلنا بالعشر الاواخر الله يرزقنا

 

[أبله^زوزو]

والله مادري شقولج ..

بس المدرسين حدهم شقيانين وشوفي جم كادرنا لوتقارنين بالمجالات الثانيه ..

الكل معاشه فوقه ال1000 ..

واحنى الباكلريوس الوحيد الي طايح حظه ومعاشه تحت ال1000

ولا نص المعاش على مصاريف المدرسه موخالصين يعني

الحمدلله على كل حال والله يرزق الجميـــــــــع

 

[ام شيخون]

الاداريه اول ما تتوظف معاشها 570 تقربيا ودايم المدرسات او المديره او المديره المساعده عفيه ساعدو المدرسه الفلانيه عشان درسها نبي فلوس وعطون عشان نعدل الاستاندات الي عند مدخل المدرسه وعطونا وعطونا وماعندنا ميزانيه وهذا ومعاشنا اقل من 1000 لو 1000 او اكثر شنو يبون يسون وحتى لو ترقينا او اخذنا رئاسه قسم ما يوصل 1000 والله يهني الكل بمعاشه

 

[فطفط نجد]

ياااااااااااااااااارب مويضي تذكرنا وتترحم على حالنا ياملائكة النور

والله يهني المدرسات ويهنيينا

 

[فطفط نجد]

للرفع لعيون الاداريات

 

[$الـــحـــلاوه$]

رد : وزيرة التربيه واعده السهلي برفع معاشات المعلمين نزين ياوزيرة مافكرتي بالاداريين

؛

نبي زيااااااااااده
والله نكرررررررف​

 

[gogona]

رد: رد : وزيرة التربيه واعده السهلي برفع معاشات المعلمين نزين ياوزيرة مافكرتي بالادار

امبيه لا يكون مصدقين بزيدون معاشات المدرسااااااااات انتوااااااا بالكويت صلوا عالنبي

 

[فطفط نجد]

رد: رد : وزيرة التربيه واعده السهلي برفع معاشات المعلمين نزين ياوزيرة مافكرتي بالادار

قوقونا احباااااااااااااااط على هالصبح الله يسامج هههههههههه