السلام عليكم يا اجمل كويتيات
بنات انا عمري بالاربعينات توني بس منتبهه لنفسي بعد ماصاروا بناتي كبري ماشاء الله اجسامهم ذكرتني بجسمي لما كنت بسنهم ماتعدا ال59 واذا ولدت ومتنت اوصل ل62 واستانس اني صرت متينه وولاده وراولاده لين وصلت 80
تقاعدت من 3 سنوات ومن القعده وصلت اليوم لل85
تزوج ولدي وقلت اخيط فستان ولما عملت البروفه انصدمت الخياطه وبناتي انحرجوا من شكل جسمي بالفستان
والله الكتف ادخله بالغصب وبطني كبير كني حامل والمؤخره كبيره وصدري صغير و مترهل مايوقفه الا الستيان بوحديد ويالله بعد من الرضاعه
توني حاسه بعمري ومنتبهه اني لازم اهتم بجسمي ولياقتي وشكلي
لمحوا لي بناتي لكبار اني ادخل نادي رياضه معاهم هم ضعاف وطوال وزنهم 60 ووحده اظن 58
المهم عدا العرس على خير وسمعت الانتقادات من صديقاتي المقربات ان زنودي حجمهم مو طبيعي (هذا وانا مخيطه مستور حتى مايبينون ) بس الناس تلاحظ كل شي ......
الحين بيتزوج ولدي الثاني بآخر شهر 12 وانا ميته من الخوف من شكلي
وقفت عند المنظره وانا استحم شفت جسمي شكله مقزز بطني من العمليه القيصريه كأنه مقسوم نصين واحد فوق الخياطه وواحد تحتها لأني كنت ضعيفه ومتنت فبينت هالتقسيمه الفظيعه
والمؤخره كبيره طالعه على برا ( فهمتوني طبعآ كأني مصريه مادري شلون ) وصدري مترهل وصغير وزنودي كبار ومتان ومترهلين ووجهي شاحب وحواجبي نازله كأني حزينه والكل يشوفني يسألني انتي مريضه ؟؟؟
تعقدت يابنات ورب البيت تعقدت فيه أمل لين شهر 12 اضعف ؟ ومتى افصل فستاني وانا ام المعرس الله يخلف علي
زوجي يسفرني اوروبا مع عيالي كلهم بناتي وزوجة ولدي يلبسون بناطلين وقمصان طويله وانا اضل بالعبايه الوسيعه اقولهم استر وانا الصج خايفه من انتقادات زوجي ونظرات الناس لجسمي لأني ماتعودت اكون بهالمتن انا توني منتبهه لنفسي مادري كيف غفلت عن جسمي كأني واثقه اني وراثتي اصلآ ضعيفه ومستحيل يخترب جسمي
الحين دخلت النادي مع بناتي وبديت اسوي رياضه من اسبوع ايروبكس ومشي على السير والسيكل والاثقال الخفيفه كبدايه
المدربه قالت لي انتي تفرزين عرق مع الرياضه وهذا شي جيد لان السموم تطلع
بس احيانآ الشيطان يوسوس لي انا خايفه بعد هالتعب كله ماينقص من وزني الشي الي انا حاطته في بالي
لان فيه بنات قالوا ينقص وزنا بس على الميزان لكن شكلنا ماتغير لان العظم عرض
بناتي يجون معاي بنفس الموعد كتشجيع لي وحده على يميني والثانيه على يساري على السير الكهربائي وانا بالوسط
واتعب يابنات لكن والله اواصل لين تنتهي النص ساعه حتى مافشلهم ولا احسسهم بخيبة الامل لانهم يبوني مثل امهات صديقاتهم مع انهم كبار لكن اهتمام بالجسم والبشره واللبس وانا شكلي لين اليوم محد يدري ان هذولي بناتي مو خواتي الكل يحسبهم خواتي لان وجهي ملامحه صغيره وطولي نفسهم بالضبط 165
اذكر لما كنت مدرسه من 15 سنه يسموني المونيكان مع اني ماعرف البس لكن اي شي يبين علي حلومن ضعفي وطولي
وهذا الي حاز بنفسي اني ماعتنيت بروحي حتى زوجي يقارن بين خواته وبيني بشكل غير مباشر
ولي حاز بنفسي اكثر اني مقتدره ماديآ وزوجي كذلك بس الاهمال مني انا ولدت 6 ورا بعض الاخير قيصريه
عاد كيف مانتبهت للعمليه في بطني الا بعد مرور سنين طويله والله ادخل واستحما واطلع ومايجي في بالي جسمي قاعد يخترب وارضع عيالي بالسنتين ومالبس ستيان بالبيت وحالتي حاله
الحين قررت انزل على الاقل 15 كيلو من وزني وبعدها اسوي عملية شد للمناطق الي بترهل بعد الضعف وعمليه لرفع الحواجب بشكل خفيف جدآ وبوتكس وترفيع للثدي ....... وكله على دفعات طبعآ
قريت عندكم عن عمليات التجميل بلبنان عند ادوارد عبد النور ( والله مغامره بالنسبه لوحده مثلي ماتعرف من الدنيا غير تربية العيال ) ومابي حد يحس اني مسويه تجميل والله يستر
هل بدايتي صح يابنات ؟ وهل قراري صح ؟؟؟
الي عندها لو معلومه بسيطه تطمني وتفيدني فيها
وياليت نشجع بعضنا اكثر ترى مافيه احلى من الضعف والصحه انا مجربه الاثنين وندمانه
والله يوفقكم كلكم يارب وتوصلون للوزن المثالي الي تتمنونه واهم شي الاراده والثقه والايمان بالله انه قادر يغيرنا من حال
الى حال.............. مبارك عليكم الشهر وكل عام وانتوا طيبين
بنات انا عمري بالاربعينات توني بس منتبهه لنفسي بعد ماصاروا بناتي كبري ماشاء الله اجسامهم ذكرتني بجسمي لما كنت بسنهم ماتعدا ال59 واذا ولدت ومتنت اوصل ل62 واستانس اني صرت متينه وولاده وراولاده لين وصلت 80
تقاعدت من 3 سنوات ومن القعده وصلت اليوم لل85
تزوج ولدي وقلت اخيط فستان ولما عملت البروفه انصدمت الخياطه وبناتي انحرجوا من شكل جسمي بالفستان
والله الكتف ادخله بالغصب وبطني كبير كني حامل والمؤخره كبيره وصدري صغير و مترهل مايوقفه الا الستيان بوحديد ويالله بعد من الرضاعه
توني حاسه بعمري ومنتبهه اني لازم اهتم بجسمي ولياقتي وشكلي
لمحوا لي بناتي لكبار اني ادخل نادي رياضه معاهم هم ضعاف وطوال وزنهم 60 ووحده اظن 58
المهم عدا العرس على خير وسمعت الانتقادات من صديقاتي المقربات ان زنودي حجمهم مو طبيعي (هذا وانا مخيطه مستور حتى مايبينون ) بس الناس تلاحظ كل شي ......
الحين بيتزوج ولدي الثاني بآخر شهر 12 وانا ميته من الخوف من شكلي
وقفت عند المنظره وانا استحم شفت جسمي شكله مقزز بطني من العمليه القيصريه كأنه مقسوم نصين واحد فوق الخياطه وواحد تحتها لأني كنت ضعيفه ومتنت فبينت هالتقسيمه الفظيعه
والمؤخره كبيره طالعه على برا ( فهمتوني طبعآ كأني مصريه مادري شلون ) وصدري مترهل وصغير وزنودي كبار ومتان ومترهلين ووجهي شاحب وحواجبي نازله كأني حزينه والكل يشوفني يسألني انتي مريضه ؟؟؟
تعقدت يابنات ورب البيت تعقدت فيه أمل لين شهر 12 اضعف ؟ ومتى افصل فستاني وانا ام المعرس الله يخلف علي
زوجي يسفرني اوروبا مع عيالي كلهم بناتي وزوجة ولدي يلبسون بناطلين وقمصان طويله وانا اضل بالعبايه الوسيعه اقولهم استر وانا الصج خايفه من انتقادات زوجي ونظرات الناس لجسمي لأني ماتعودت اكون بهالمتن انا توني منتبهه لنفسي مادري كيف غفلت عن جسمي كأني واثقه اني وراثتي اصلآ ضعيفه ومستحيل يخترب جسمي
الحين دخلت النادي مع بناتي وبديت اسوي رياضه من اسبوع ايروبكس ومشي على السير والسيكل والاثقال الخفيفه كبدايه
المدربه قالت لي انتي تفرزين عرق مع الرياضه وهذا شي جيد لان السموم تطلع
بس احيانآ الشيطان يوسوس لي انا خايفه بعد هالتعب كله ماينقص من وزني الشي الي انا حاطته في بالي
لان فيه بنات قالوا ينقص وزنا بس على الميزان لكن شكلنا ماتغير لان العظم عرض
بناتي يجون معاي بنفس الموعد كتشجيع لي وحده على يميني والثانيه على يساري على السير الكهربائي وانا بالوسط
واتعب يابنات لكن والله اواصل لين تنتهي النص ساعه حتى مافشلهم ولا احسسهم بخيبة الامل لانهم يبوني مثل امهات صديقاتهم مع انهم كبار لكن اهتمام بالجسم والبشره واللبس وانا شكلي لين اليوم محد يدري ان هذولي بناتي مو خواتي الكل يحسبهم خواتي لان وجهي ملامحه صغيره وطولي نفسهم بالضبط 165
اذكر لما كنت مدرسه من 15 سنه يسموني المونيكان مع اني ماعرف البس لكن اي شي يبين علي حلومن ضعفي وطولي
وهذا الي حاز بنفسي اني ماعتنيت بروحي حتى زوجي يقارن بين خواته وبيني بشكل غير مباشر
ولي حاز بنفسي اكثر اني مقتدره ماديآ وزوجي كذلك بس الاهمال مني انا ولدت 6 ورا بعض الاخير قيصريه
عاد كيف مانتبهت للعمليه في بطني الا بعد مرور سنين طويله والله ادخل واستحما واطلع ومايجي في بالي جسمي قاعد يخترب وارضع عيالي بالسنتين ومالبس ستيان بالبيت وحالتي حاله
الحين قررت انزل على الاقل 15 كيلو من وزني وبعدها اسوي عملية شد للمناطق الي بترهل بعد الضعف وعمليه لرفع الحواجب بشكل خفيف جدآ وبوتكس وترفيع للثدي ....... وكله على دفعات طبعآ
قريت عندكم عن عمليات التجميل بلبنان عند ادوارد عبد النور ( والله مغامره بالنسبه لوحده مثلي ماتعرف من الدنيا غير تربية العيال ) ومابي حد يحس اني مسويه تجميل والله يستر
هل بدايتي صح يابنات ؟ وهل قراري صح ؟؟؟
الي عندها لو معلومه بسيطه تطمني وتفيدني فيها
وياليت نشجع بعضنا اكثر ترى مافيه احلى من الضعف والصحه انا مجربه الاثنين وندمانه
والله يوفقكم كلكم يارب وتوصلون للوزن المثالي الي تتمنونه واهم شي الاراده والثقه والايمان بالله انه قادر يغيرنا من حال
الى حال.............. مبارك عليكم الشهر وكل عام وانتوا طيبين
التعديل الأخير:
