وزارة المالية أو الإسكان ؟؟

[شكو بإسمي]

السلام عليكم .. بنات انا قدمت على التطبيقي بس قاعدين يبربسون فيني وشكل السالفه مطوله معاهم :flower:

وعندي حاليا واسطه في هالمكانين الهيئة العامة للرعايه السكنية و وزارة الماليه ...

طبعا السلبية الوحيده فيهم الدوام لين الساعه 2.15

ايهم احسن ؟؟ وبالنسبة للاقسام هل فيها اختلاط وإلا ..لا وإذا تعرفون أي شي عن هالاماكن ساعدوني

 

[Velvet-RoseQ8]

انشاالله البنات ينفعونج
up

 

[شكو بإسمي]

مشكوره جزاج الله خير

 

[نـعـومـه]

رد : وزارة المالية أو الإسكان ؟؟

المكانين زينين بس اللي يفرق الاسكان موقعه احسن بعيد عن الزحمه ولا المكانين خووش اماكن

 

[أليين]

رد : وزارة المالية أو الإسكان ؟؟

اتوقع اختى الماليه احسن من ناحيه المعاش


الله يوفقج حبيبتى

 

[-Bello-]

رد : وزارة المالية أو الإسكان ؟؟

الماليه اكيد .. وموفقه

 

[قدساويه!!]

كلهم حلوين

 

[kuwaitya-frawla]

الماليه والاسكان حاليا نفس المعاشات شوفي المكان اللي يعجبج اكثر ولا صارو نفس الشي تقريبا ..شوفي الاقرب حق بيتكم

 

[law love]

المعاش نفس الشي تقريبا

الاسكان مؤسسه مو وزاره فافضل من الماليه

الاسكان مبنى يديد فافضل

الاسكان بعيد عن الزحمه فافضل

شنو شهادتج ؟؟

 

[شكو بإسمي]

مشــــــــكورين على ردودكم والله يجزاكم خير ..:blueSmCLR:

بالنسبة الاقرب لي ثنينتهم بعدين شوي علي لكن افضل الاسكان لأنه مثل ما قلتوا بعيد عن الزحمه ولكن افضل الماليه لأن اغلب الاقسام فيها بنات ..والاسكان قالوا لي اغلبها ريايل ..وأنا ما احب الريايل يتخطرفون عندي ..فـ شسوي ؟؟

شوروا علي ؟؟ انزين الاقسام بالاسكان خلط ؟؟وإلا البنات لحال والريايل لحال ..؟

وبالنسبة لشهادتي بكالريوس آداب ..

 

[بنت الكويت 25]

شكو باسمي ليش هونتي عن التطبيقي اذا بالج وسيع وحابة العطلة نطري وطولي بالج وياهم بس اذا مستعيلة فما ادري يقولون المالية احسن

 

[شكو بإسمي]

والله شسوي على قولتج أنا كنت متعشمه بالتطبيقي واللى محببني فيه العطله .. بس غثوني وبربسوا فيني وحاسو بجبدي وفوق هذا يقولون اكتفينا من الاداريين واحتمال تكونين سكرتيره >>> بالله عليج هذا كلام

انتم بالاساس قلتوا لي إدارية بعدين قالوا لا .. وقفنا قبول البكااريوس كإداريات وإذا تبين نوقعج على تعهد أنج تكونين سكرتيره !!!!!!!

صـــراحه فكرت فيها مستقبلياً ..يعني اغسل ايدي من ترقيات أو مناصب اتم طول عمري سكرتيره لا يبا ..اطلق ساقي للريح افضل وادور مكان ثاني ابرك لي ..والله احترت أنا الماليه ودي فيها لأن اغلب اللى فيها بنات والاسكان قالوا لي العكس ..بس الماليه بالديره وزحمه متى اوصل ؟؟ الاسكان مكانهم حلو ومافيه زحمه بس كله رياييل ..
ووووين ارووووح ؟؟؟

 

[شكو بإسمي]

up up up up

 

[نـعـومـه]

رد : وزارة المالية أو الإسكان ؟؟

اول شي استخيري

والزحمه شتسوين فيها مالج ذنب هذا الحال

انا شفت الماليه ماشفت وايد رياييل واذا عن السكرتاريا مادري يمكن تترقين لانه شفت رئيس قسم السكرتاريا اكيد كان سكرتير

 

[شكو بإسمي]

اكيد راح استخير ..

والزحمة على قولتج فينا فينا ..مالنا حل فيها

وبالنسبة لموضوع السكرتاريه عندي معارف بالديوان ما نصحوني ابد أني اقبل فيها لأن قالوا الدرجه الخامسه يصير لهم أما الدرجه الرابعه مستحيل يحطونج سكرتيره أقل شي إداريه عشان تضمنين حقج بالترقيات وبالنسبة لرئيس السكرتاريه يكون إداري وله سنوات خدمه طويله بصراحه شلت التطبيقي من بالي عقب هالسالفه وإلا كان خاطري فيها بس يمكن خيره من ربي ..

مشكوره على الرد وموفقه

 

[نـعـومـه]

رد : وزارة المالية أو الإسكان ؟؟

مالج الا الاستخاره

انتي شوفي اذا راتب الاسكان والماليه متساوي روحي الاسكان ودوري مكان ماكو خلط وايد

طبعا الراي رايج في بنات ماعندهم مانع يروحون مكان فيه خلط في بنات مايحبون كلش انتي شوفي وضعج

 

[شكو بإسمي]

والله انج صاجه ..

وبالنسبه لي ماحب الخلط أو على الاقل مابي القسم يكون خلط وعشان جذيه ابي بنات الاسكان يوضحون لي الامر

ومشكوره حبيبتي على ردج:balo:

 

[شقرديـه عالطل]

موفقه

 

[شكو بإسمي]

مشكوره جزاج الله خير

 

[أحبج يمه]

رد : وزارة المالية أو الإسكان ؟؟

موفقة والله يرزقج بالمكان اللي يطيب خاطرج