وزارة الاوقاف والا جامعة الكويت

[بنت^كآليفورنيآ]

بسم الله الرحمن الرحيم


ماشاءالله تبارك الرحمن


بنات صارلي سنتين متخرجة من جامعة الكويت
بمعدل الحمدلله بفضل ربي وايد زين ماشاءالله

ماتوظفت ابدا

نطرت سنتين لان الديوان قاعد يقطني بالتربية والشؤون والصحه
وانا مابي هالاماكن ودايم ارفض


لاني جامعية ومعدلي عالي حسيت ان يبيلي مكان ارقى
يوم رحت وشفت الموظفات بالاقسام اللي ترشحت فيها قالولي انحاشي

جامعية وتيين هني تحبطت نوعآ ما



يبت واسطات الدنيا والدين ومن بعد فضل الله نفعت معاي
وصل رقمي 4 ورشحوني الاوقاف لان ال 3 اللي جدامي رافضينها ومعاي كتاب ترشيح
بنفس الوقت طلع قبولي بوظيفة بجامعة الكويت مع اني كنت ساقطة بس بواسطة نجحوني
استاهل حيل بس اهم بعد عندهم ناس واسطتهم اقوى بس غلبتهم بفضل ربي وتوفيقه



ميته من الحيرة وين اروح ؟


مميزات الاوقاف : الدوام قريب من بيتنا ماكو زحمة 7 دقايق تقريبآ... عطل بالصيف والربيع
الدوام من 8 لما 1


مميزات الجامعة : كادر ومعاش اكثر ب 110 دينار تقريبآ عن الاوقاف .. كادري يزيد مع السنين
المكان راقي جدآ وكشخه والكل يتمناه ومو تبع الديوان
الوحده تقدم وعلى حسب يقبلون او لا

بالاثنين انقبلت بواسطة وماتوقعت ان راح تضرب معاي ماشاءالله تبارك الله


عيب الاوقاف المعاش ماراح يزيد وايد بعد سنين والجامعة المعاش راح يفرق مع الايام 250 دينار عن الاوقاف



عيب الجامعة دوام من 7 ونص لما 1 ونص يعني اطول وحسبو اني بقعد 6 ونص ... الطريج شوي زحمة
ماكو اجازات ... حسيت انهم يكرفون حييييييل لما رحت شفت


امانه بنات جاوبوني من قلب

ما علمت احد محتاره حيل مادري شختار تعبت وانا افكر

:eh_s(11):


لا اله الا الله محمد رسول الله

 

[Reta92]

الجامعة أحسن
و لا تنسين عندهم أنشطة للموظفين و رحلات و علاوات ف هذا بيكون حافز.

 

[Talyan Rose]

هلا اختي

الله يوفقج انشالله وانا وياج نفس الحاله بس مع وزاره النفط والجامعه
بس حمد لله اخر شي اخترت الجامعه لانه مميزاتها واااايد احسن من الوزارات والترقيات اسرع
انصحج بالجامعه لانه مو اي احد ينقبل فيها واذا ماعجبج مكانج بالجامعه نقلي اداره ثانيه بس اهم شي ثبتي مكانج بالجامعه

 

[بنت^كآليفورنيآ]

مادري مازلت أفكر احس ضايعة حيل .. مايهمني المعاش كثر الاسم والاجازات

 

[ghalyah91]

مادري مازلت أفكر احس ضايعة حيل .. مايهمني المعاش كثر الاسم والاجازات

استخيري حبيبتي احسن شي

:eh_s(17):

موفقه يارب :eh_s(7):

 

[سمو ذاااتي]

عدل استخيري

وتوكلي عالله

اذ يهمج القرب وراحة بالج روحي الاوقاف

واذ تبين معاش اقوى وترقيات ومكان اكشخ روحي الاوقاف

مري عالمكانين وشوفي طبيعة الشغل والقروب اللي معاج

وربي يكتبلج الخير

 

[بنت^كآليفورنيآ]

تسلمين


بس الاستخاره ماتنفع الا اذا عندج امر واحد محيرج

اذا محتاره بين امرين ما يصير

هالمعلومة عرفتها قبل فترة

 

[taliya]

الاوقاف وانتي مغمضه

 

[بنت^كآليفورنيآ]

ليش قلتي الاوقاف ؟

تعرفين المكانين والا بس جذي

امانه محتاجه تفصيل شرحيلي

 

[@محروسه@]

حبيبتي الاوقااااااااف وبس تبين راحتج روحيلها

 

[بنت^كآليفورنيآ]

محروسه اي قمت اميل للاوقاف عشان راحتي والقرب
بس ليلحين ماوصلت لآخر قرار

الجامعة اكثر من دوام الاوقاف بساعه وطريجها يبيله نص ساعه مع الاشارات والزحمة

الاوقاف اقل ب ساعه ومو زحمة 7 دقايق بس

وفوق هذا عطل

 

[honey lust]

لو انا منج اختار الجامعه!

بتقوليلي ليش اقولج لانه ساعات العمل ما فرقت وايد عن الاوقاف

و الزحمه الحين بكل مكان حالي حال كل الناس

و الراتب بعد فتره اذا فرق 250 دينار ترا مو شويه هذا يشيل عنج قسط سياره لا و مو اي سياره سياره سنعه بعد

و بعدين انتي بتضمنين طول عمرج ساكنه بنفس المنطقه؟!

هذا غير ان المكان اذا كان راقي و اللي معاج بالقسم نفس دراستج و بيئتج شي وايد مهم و يريح

و بالنهايه هذا قرارج لكن انا نصحتج من قلبي و جنه الشي لي

و الله يوفقج بالمكان اللي ترتاحين فيه

 

[بنت^كآليفورنيآ]

لا انا اخترت الاوقاف الفلوس كلش ما تهمني كثر راحتي

شرح لي زوجي ان الفرق بيكون 120 دينار على مدى 20 سنة جدام

الفرق بس بالجامعه اوصل بسرعه

وانا لو اقعد بالبيت عادي ماتفرق

اخترت الاوقاف لان قلبي مال لها

اخاف الجامعه كراف
وانا ما احب انكرف بالروحه والرده والشغل

اطلع 7 واوصل البيت ثنتين ونص مادري ماحبيت الوقت طويل واغلب السنة حر وبالصيف ادوام
دام عندي خيارين سنعين الحمدلله

بس لو مخيريني بين لالشؤون وفلاتي او الجامعه كنت بختار الجامعه اكيد
خصوصا اني جربت اني متعينه اسبوع بوزارة والدوام طويل وزحمة ف مابي

 

[مس روبنز]

استخيري والله يكتب لج اللي فيه الخير

وأنا عن نفسي المكانين حلوين لكن الأوقاف أريح