ورين اروح بنات؟؟؟؟؟

[@ دهن العود @]

السلام عليكم

شلونكم بنات شخباركم









انا محتاره وقلت مالى الا الله وخواتى كويتيات

بنات انا صارلى تقريبا سنتين موقفه علاج قلت برتااااااااااااااااح شوى ويمكن الله يرزقنى بدون علاج وتعب

بس الحمدلله على كل حال ما صار شى بالفتره هذى وقلت لاااازم ارجع احاول العمر يمشى

والحين قاعده افكر وين اروح اعالج ابى اغير دكتورى وللعلم انا كنت عند محمد صلاح بطيبه كلينك وحابه اغير

ومحتااااااااااااااااااره بين 5 دكاتره وياااااااااريت تعطونى رايكم بالخمس دكاتره هذيل او تنصحونى باى دكتور او

دكتوره تحسون انهم شطار ونفسيتهم حلوه ويعطونا مجال نتكلم

واللى حاطتهم فى بالى حاليا

دكتور منصور الصليلى

دكتور حازم الرميح اللى بالصباح بس مفكره اروح عيادته الخاصه بالشعب

دكتور باتريك بمستشفى لندن

دكتوره عاليه الفضلى

دكتوره ماجده اليتامى

هاااااااااااااا بنات وين اروح؟؟؟؟؟

ومنو اللى اتحسون من خلال تجاربكم انهم زينييين؟؟؟​

 

[*me*]

دهن العود انتي مثلي انا قعدت 4 اسنين من غير علاج ولا شئ والحين افكر اراجع بس للحين متردده مو عارفه وين اروح وريلي مو راضي دكتور ريال لازم دكتورة والله كريم

من اللي ذكرتيهم ماعرف إلا اليتامى مارحت لها غير 3 مرات من 5 اسنين ومارتحت لها اما الباجي ماجربتهم للأسف بس أي دكتور أو دكتورة بتلاقين اللي تمدح او اتذم فيهم على حسب التجربه أحسن شئ استخيري والله يجدم اللي فيه الخير

 

[*me*]

دهن العود انتي مثلي انا قعدت 4 اسنين من غير علاج ولا شئ والحين افكر اراجع بس للحين متردده مو عارفه وين اروح وريلي مو راضي دكتور ريال لازم دكتورة والله كريم

من اللي ذكرتيهم ماعرف إلا اليتامى مارحت لها غير 3 مرات من 5 اسنين ومارتحت لها اما الباجي ماجربتهم للأسف بس أي دكتور أو دكتورة بتلاقين اللي تمدح او اتذم فيهم على حسب التجربه أحسن شئ استخيري والله يجدم اللي فيه الخير

 

[@ دهن العود @]

مشكوره الغاليه
وانشالله البنات افيدونا

 

[الفنانه79]

هلا بالغاليه حبيبتي دهن عود



اول شي عسى الله يرزقج الذريه الصالحه عاجلا غير آجلا اللهم امين


ثاني شي ياخويتج انتي غلطااااااااانه اشلون اقعد سنتين بدون علاج لا الله قال اسعى ياعبدي وانا اسعى معاك
العمر يركض والرجال مو مثل المره مايصبر ولو سكت الحين تالي ماراح يسكت

والله يادهن عود من اول اسبوعين لاني ادري ان دورتي مو منتظمه على طووووووووووول رحت عالجت علشان مااتأخر بالحمال


ثالث شي انل ماأيدج بولا واااااااااااااااحد قليتي عنهم من هالدكااااتره

والله انا اقولج ونصيحه من اختج روحي يا اما حق (معصومه مخصيد) انا رحتلها والحمدلله على طول حملت عندها

او انج اتروحين حق (فوزيه القطان ) والله انا اعرف ناس حييييييييييييل اقراب معرفه شخصيهه راحولها بالكثير 6 شهور ويحملون وكلهم ياتوأم او ثلاث توااائم

والاهم يالغاليه الاستخاااااااااااااااااااااااااااااااره استخير وشوفي ربج شنو كاتبلج وعند منو انا استخرت لقيت نفسي ثاني يوم رايحه حولي والله ولا عيادة معصومه جدامي وانا اصلا ماأدلها ونزلت وفتحت ملف عندها



وعسى الله يرزقج بالذريه السليمه والصااالحه حبيبة قلبي وامااااااااااااانه انج اطمنيني على طول

 

[bnt_kwt]

دكتور باتريك بمستشفى لندن


انا ارشح لج باتريك لاني اعرف واااااايد بنات بالنت وبره النت حملوا من بعد فضل الله عنده

ومشالله وكلهم الله يتمم عليهم من اول مره حملوا عنده


وانا اذا بروح على طول بروح له

 

[++The DuchesS++]

حازم الرميح ممتاز

 

[إستبرق الكويت]

الراحة النفسية تحصلينها بعيادة د. فوزية القطان

ما ادري بس غير عن الباجي ماشاءالله نفسيتج ترتاح . انا توني إمبلشه مراجعات عندهم , راجعت دكتورتين بس نفسيتي ما إرتاحت ولا حصلت فايدة وكلي أمل بد. فوزية

بصراحة وايد ناس اعرفهم عالجوا عندها وماشاءالله رب العالمين رزقهم بتوائم

والله يرزقج ويرزقني ويرزق كل من بخاطرها الحمل يارب

 

[كويتيه مذهله 87]

ياربي يا كريم يا رزاق يارب ارزقج بأسرع وقت وفرح قلبج
مثل ما قالت فنانه وايد سنتين


انا اخر مره راجعت فيها شهر 6 كان رحمي طبيعي وزين اليوم خذيت سونار قالتلي الدكتوره رحمج مقلوب شوي ما ادري قالت مائل والله من الخرعه ما ادري شنو قالت
شفتي يعني بشهرين او اكثر تغيرت اشياء وااايد
جسم المراه يتغير من وقت لي وقت ثاني

ومن ناحيه الدكاتره الي كتبتيهم ما عرف ولا واحد فيهم بس بنت خالتي تراجع عند الدكتوره عاليه وااااااايد تمدحهااا
من كثر ما مدحتهاا كنت بروحلهاا بس رحت عند د ريم صافي الي مع د فوزيه القطان
وموفقه

 

[@ دهن العود @]

مشكورين بنات والله ما قصرتوا :tek:

وانا باذن الله ناويه استخير واشوف اللى الله يكتبه لى

وادعولى يا بنات لا اتخلونى ترا الدعوه بظهر غيب مستجاااااااااااااااااااااااابه

 

[أم بتول]

شوفي حبيبتي أن مو سامعة إلا عن ماجدة اليتامى من اللي ذكرتي أساميهم
بالنسبة لماجدة أعرف ثنتين صارلهم سنين من دكتور لي دكتور
و من علاج لي علاج و ما فاد معاهم
ليما الثنتين قرروا يروحون لماجدة اليتامى
شوفي أهمة قالوا إنها صج مادية و وايد غالية بس شااااااااااااااااااااااااطرة
و طبعا من أول شهر عندها سووا تلقيح صناعي و احملوا و الحمدالله الله تمم عليهم و يابوا أطفال مثل القمر
و ترى هالثنتين يصيرون حق بعض و اتزوجوا مع بعض و عالجوا مع بعض

و بغيت أذكرلج عن وحده ثانية و اللي اهية معصومة مخصيد ، وحده من الأهل صارلها 16 سنة متزوجه و حاولت كل طرق العلاج ابر منشطة ، كلوميد ، تلقيح صناعي ، طفل أنابيب ، و ترى مرة ودة فاد معاها و احملت ب 3 توائم بس ثلالثتهم طاحوا مع بعض بالشهر الثالث ، المهم أخيرا راحت حق معصومة ، و سوت تلقيح صناعي و الله تمم عليها و حملت و الحين عندها بنت مثل القمر

و على العموم بالنسبة لي كنت أراجع عند دكتورة ما ارتحت لها و غيرتها هالشهر و رحت حق دكتورة اسمها ليلى أشكناني ، صراحة وايد خلوقة ، و محترمة ، و انشاء يكون علاجي على ايدها

و الله يرزقج و يرزقنا معاج

 

[@ دهن العود @]

امييييييييييين الله كريم

 

[إستبرق]

حبوبه انا من فتره نزلت من تقريبا سنتين الى شي ومافيني ولا شي وكل ما اروح يقولون مافيج شي بعدين رحت لمهجه وربي والله شاهد انها علمتني على اشياء وفهمتني شغلات من وراها شهرين تقريبا ولا 3 ولا احمل الحمدلله يارب ورفيجتي بعد تزوجت وماحملت قلت لها عن مهجه ويوم راحت ماشاءالله هم 3 شهور وحملت انا نصيحه مني واعتبريني اختج والله روحي لمهجه هي كبيره وفاهمه تفهمج كل شي وتكلمج بصراحه وانشاءالله اذا الله كتب وحملتي عندها يارب بعدين غيريها لان هي لسوالف حمل ماشاءالله سنعه بس سوالف النساه وجذي لا موشي لانها كبيره تحسين سوالف حجيات ماتعطي ادويه وعندها النساه دلع والله يكتب لج الحمل يارب ويرزق كل محرومه عاجلا غير اجلا يارب ويسهل على كل حامل

 

[@ دهن العود @]

انا والله يا قلبى احس انى احترت مادرى وين اروح

فقلت ماكو الا الاستخاره واشوف الله وين بيكتب لى اروح

بس جد خااااااااااااااااااااايفه احس جنى اول مره اروح حق دكتوره اعالج ليش انى طولت وانا مريحه

 

[قمر ضاوي33]

اختي دهن العود كل الدكاترة الي ذكرتيهم ممتازين والكل يمدح فيهم وعندهم العديد من حالات الحمل بنجاح

مثل ما قلتي استخيري رب العالمين والخيرة في ما اختاره الله

عسى الله يرزقك انتي وجميع البنات بالذرية الصالحة ولا يخسر تعبك يا رب

واحساسك بالخوف بعد انقطاع عن العلاج امر طبيعي بس انتي لا تحاتين ... اوصيك وجميع البنات بسورة البقرة والإستغفار وسورة مريم وشرب ماء زمزم

ان شاء الله نقرا خبر حملك بالمنتدى بالقريب العاجل يا رب

 

[@ دهن العود @]

فدييييييييييت عمرج ما قصرتى حبيبتى

الله يسمع منج ياااااااااااااااااااااارب

 

[هندااا]

والله انا اشوف بدام صارلج 6 سنين متزوجة اتروحين عند باتريك واتسوين انابيب وتختصرين الطريج...لان وايد وايد ناس سوو عنده انابيب ومن اول مرة انجحت ويابو توائم....وآخر وحدهسمعت عنها اهي رفيجتي ايام الثانوية متزوجة من 7 سنين وتوها اتحمل بفضل الله ثم من فضل باتريك.....تراه شااااااااااااااطر وايد

 

[الفنانه79]

دهن عووووووووووووووووود



(ماخاب من استخار خلاص الاستخاره اهي الافضل حبيبتي وطمنينا )

 

[اسيرة زوجها]

السلام عليكم
اختي تبين نصيحتي عالية الفضلي لا تروحين لها ولاتعبين نفسج انا قعدة عندها اعالج سنه ونص وبجيت ندم
طلع عندي نسبه هرمون حليب بسيطه ولما شافت تحاليلي قالت لي ممتازه وزياده على جذي كل ماجيتي بتسويلج سونار داخلي وعالاقل مرتين بالشهر وبتضيعين فلوسج لان اسعارها غاااااااااااااااااااااااااليه واذا تبين نصيحتي روحي السلام لدكتور محمد بكري وراح ترتاحين طريقةعلاجه حلوه يسوي لج تحاليل ويعطيج ادويه الين تصيرين اوكي بعدها يبدي بالكلوميد مع الدوره واليوم 12 يعطيج ابره تفجيريه ويقولج جماع بعد36 ساعه واذا جاتج الدوره تجينه ويبدى بالمرحله الثانيه اهي عباره عن كلوميد وابر تفجيريه وتلقيح صناعي واذا الله لايقوله ماحملتي ينتقل لطفل الانبوب بس اغلب اللي اعرفهم يعالجون عنده وربي انا تندمت مارحت له من البدايه وخصوصا اني كنت اراج عند عايه وكل مره ادفع مالا يقل عن40 دينار والحين من رحت السلام بعشره اذا اكثر من شهر واذا اقل ب7 والابره ب9ونص والسنوار مرات ببلاش وحبوب وتحسين قلبه عليج انا شخصيا اذا تعبت عندي رقمه زوجي يدق عليه محترم وخوش دكتور واهوا رئيس اطباء النسا واستشاري حملامراض نسا وحمل وولاده واطفال انابيب يعني موبس امراض نسا دارس لا يعرف للعقم والانابيب وجربي ومراح تندمين وفي شغله حلوه بعد انج لما تروحين في كافيهات ومطاعم تستانسين ي ورجلج وتنسين انج جايه تعالجين بعكس العيادات الخاصه واذا تبين رقمه عشان تكلمينه قوليلي بالخاص واسفه عالاطاله بس حبيت اشرح لج لاني حاسه فيج والله يرزقنا ويرزقج انشالله بالذريه الصالحه

 

[@ دهن العود @]

دهن عووووووووووووووووود



(ماخاب من استخار خلاص الاستخاره اهي الافضل حبيبتي وطمنينا )

هذا اللى ناويه عليه والله