ورمه في بنتي و ثقب بولدي :(

[NeG6a]

السلام عليكم

بنات احس اني ضايعه ومو عارفه شسوي

صارلي شهر تقريبا من يبت عيالي توام بنت وولد وويبتهم ولاده مبكره 8 اشهر ونص

المشكله انه البنت طلعت لها ورمه على رقبتها اليمين و قالولنا انها عضله مع الولاده او قعدتها غلط بالبطن وتحتاج علاج طبيعي

والحين الولد سمعو في قلبه صوت غريب وقالولي وديه الصدري ،،، رحت الصدري بليل والعيادات بس الصبح تفتح ودشيت على جناح الاطفال عشان يتابعه دكتور جان يقولي احتمال ثقب بالقلب وقالي تعالي باجر اخذي موعد عند الدكتور والموعد يقولي عادي بعد شهرين


الولد الحمدالله طبيعي يشرب ويتنفس وضغطه طبيعي و ما يختنق بس الصوت الي بقلبه

حدي خايفه عليهم ومادري شسوي احس اني راح انهار من الضغط مراجعاتهم ومواعيدهم وايد وعيالي بجري ماعندي خبره بالدكاتره


الي مرت عليها اعراض عيالي يليت اطمني وتعطيني دكاتره شطار للخدج والقلب

والحين ابي اتاكد من الثقب و حجمه شنو اسوي ؟؟؟ *

ابي دعاءكم لهم

 

[*ماي الورد*]

رد : ورمه في بنتي و ثقب بولدي

د مازن العيسى ممتاز

 

[أوركيدا]

تطمني الفتحه اللي بالقلب تسكر لما يكبر ان شاء الله وااااااااايد اعرفهم جذي الله يطمن قلبج

 

[دمثة]

اقري عليهم ارقيهم لازم

 

[Tangled]

حبيبتي خلي ايمانج بالله قوي والله يشافيهم ان شاء الله لا تنهارين ولا شي يا قلبي ما عليه

الثقب ان شاء الله مع الوقت يتسكر .. وايد يهال انا اعرفهم الحمدلله الله شافاهم والحين شحليلهم يلعبون ويركضون ومافيهم الا كل خير وعافية

بعدين بالنسبة حق الدكاترة .. بالخاص انا اعرف الدكتور خالد السعيد استشاري ممتاز اهو ماسك وحدة الاطفال في مستشفى مبارك وعنده عيادة خاصة في مجمع البراء الطبي يهبل .. وتشخيصه روعة

وعندج الدكتور مازن العيسى ممتاز .. جم مرة يحطونه بالتلفزيون يعجبني تشخيصه وبنت خالتي تودي عيالها عنده تمدحه وايد

و في دكتور خالد بوحيمد مماتز تشخيصه وايد زين والحلو فيه ان ما يكثر ادوية ...

ان شاءا لله اكون فدتج وما يشوفون شر الصغار ان شاء الله

تقبلي مروري

 

[غيابك حلم]

رد : ورمه في بنتي و ثقب بولدي

الله يشفيهم لك يآرب ..أن شاء البنات يفيدونك

 

[^noonaa^]

حبيبتي اقري على عيالج وطلعي صدقات عنهم والله يشافيهم لج

بالنسبه لولدج ان شاءالله يتسكر الثقب اللي بقلبه لانه وايد اسمع ناس جذي

وعندج الدكتور محمد سعيييد واااايد شاطرر ودي عيالج عنده


اذكر اخوي اول مايابته امي كانت ايديه منفصله او منخلعه شوي ومحد عرفله الا اهو وسواله علاج طبيعي والحمدالله ردت

 

[ام^تبوله]

واااااي الله يعينج حبيبتي وانشاءالله ماعليهم الا العافيه والله حاسه فيج لان ولدي في اعوجاج بالقدم ومن يبته وأنا كللللللله بجيى وحتى حاطه موضوع قبل فترة هني يمكن أنتي قاريته
المهم اللي عليج الحين أنتي يوميا اطلعين صدقه لو 50 فلس لان الصدقه تدفع ابلاء واقري على كل واحد فيهم 70 مره الحمد واييييد ترى اتييب نتيجه وكثري استغفار ترى عجييييييييييييييب
ودكاترتنا ترى الله بالخير وتشخيصهم مثل ويهم لاتصدقيتهم بدون أشعه وتحاليل
وصج ذكرتيني أنا لما يبت بنتي البجر كان عمرها شهرين تكح وتختنق وتصير زرقا وديتها مبارك قالولي قيها القلب وسوولها دخول وطلعتها على مسؤولية ريلي ووديتها عند د.سعاد البصيري استشاريه ممتازه وطمنتني ان قلبها سليم ولله الحمد وراويتها نفس أشعتهم اللي مبارك مسوينها وقالتلي بس فيها بلغم وهي لانها صغيره ماتعرف اطلعه عطتني دوا ذوب البلغم وطابت ومستشفى مبارك مالت عليهم يقولون قلب :rgewrg:
الله يخليهم لج عيالج حبيبتي ويطمنج عليهم ويبعد عنهم الامراض والعين وتشوفين مهندسين ودكاتره وتفرحين فيهم يااااااااارب:yaaaaaarb:​

 

[Chic & Unique]

الله يعينج و يشفيهم للاسف ماعندي خبره بالموضوع و لا جان ماترردت اني اساعدج بس برفع الموضوع لج و عسى الله يشافيهم و ان شاء الله الفتحه تتسكر باذن الرحمن

 

[dnyay_mll]

رد : ورمه في بنتي و ثقب بولدي

ماعليهم شـر ان شاءالله

حالة بنتج ماعرف

بس الولد طبيعي الخدج يكون فيهم جذي

تطمني حياتي ولدي معاه 3 ثقوب بقلبه

وقالولي تتسكر لاتحاتين

والحمدلله رب العالميـن مافيه الا العافيـه وكل شي طبيعي

راجعي فيه بالصدري وايد زين

 

[الرها]

الله يخليهم لج يااارب

بنت اخوي فيها ثقب بين البطينين
وعمرها شهرين
قالهم الدكتور يمكن لما تكمل الست شهوور يتسكر برووحه
وان شاء الله ولدج يسكر الثقب برروحه
واقري عليهم وتصدقي عنهم

 

[om deaj]

د. اسماعيل رضا بهبهاني شهادة لله من احسن دكاترة قلب اطفال
ماشاء الله تشخيصة نفس امريكا

وعن تجربة نفس الي قالولي عن ولدج ونفس الشي عطوني موعد عقب شهرين بس مالي قلب انطر
روحيله وترا كان منتدب في دار الشفا وماسك قسم القلب في مبارك بس للاسف مضيعة الرقم

 

[om deaj]

http://www.q8yat.net/showthread.php?t=265904
هذا رابط ان شاء الله يفيدج

 

[ام اغلى الناس]

الله يشفيهم ويخليهم لج
لا تنسين الرقيه يوميا

 

[Om_il3ubed]

بالنسبه للثقب لا تخافين انا بنتي جذي من الولاده سمعوا الصوت وقالولي لازم سونار وسويته وصج طلع معاها ثقبين بس الحمدلله مثل ولدج لا تغص ولا تزرق ولا شي وهذا المهم والي يدل على ان الثقب مو خطير وانه داخلي

الغالب راح يقولج انه الثقب بين البطينين لانه هذا الي ينسمع بالسماعه الي اهو بين حجرتين القلب الي تحت.

روحي عند دكتور اسماعيل سيد رضا (نفسه الي اخت قالت اسمه فوق) بالسيف. المراجعه مع الايكو (السونار) ب 80 بس صدقيني ما راح تتحسفين وايد ممتااااز وشاطر

وبالنسبه حق الورمه لا تخافين... انا بنتي انولدت بشي شبيه براسها جذي وقالولي جيس دهن. وحولوني الجراح لما تكمل سنه يشوفها.

اهم شي لا تهملين العلاج الطبيعي
لا تحاتين مافيهم ان شاءالله الا العافيه

 

[NeG6a]

مشكورييين بنات ما تقصرون ،،،
انشالله ناويه اروح حق الدكتور مازن العيسى حق ولدي وبنتي واليوم رحت باخذلي موعد لصدري لوعو جبدي خلوني افتر المبنى كله حتى الي يشتغلون ما يدلون ،،، حطولي موعد بعد شهرين ،، جان ايني هندي يشتغل هناك قالي روحي كلمي دكتور كبير والله يعافيه وداني حق دكتور و كلمته وخله الموعد بعد اسبوع

الحمدالله راضيه بقضاء الله قاعده اشوف حاله عيالي احسن من غيري يمكن اول ما سمعت بالخبر بس ابجي واوسوس فيهم

الله يعافيهم ويشافيهم ويخليهم لي يا رب

*

 

[الأميرة جوري]

رد : ورمه في بنتي و ثقب بولدي

الله يطمن قلبج عليهم .....لا تنهارين ولاشيء الحمد الله انهم كاملين الخلقه ...فضل من ربي ..الصوت صار لبنتي وقال الدكتور لي شيء طبيعي 90 %يروح وايد يهال ينولدون فيهم هالصوت ...والبنت سوي اشعه ..وياقلبي اقري عليهم الاذكار خاصه بالاطفال تحطين ايدج علي راسهم وتقرين كل صبح وعصر يحفظهم من كل شيء باذن الله(( أعوذ بكلمات الله التامة من كل شيطان وهامة ومن كل عين لامه ))))

 

[NeG6a]

الحمدالله اليوم رحت لدكتور مازن وطمني قالي الولد ثقبه حييييييل صغير وانشالله مع الوقت يلتئم والبنت قالي تمزق بالعضله وصار تجمع دموي ومع الايام هم انشالله تروح بس يبيلها علاج طبيعي علشان لا ياثر على راسها لانه راسها بدا يصير عوي


والله كرييم يا رب الله يشافيهم ويعافيهم ويعافي كل مريض