ورق عنب بالزيت عجيب واكيد بالصور

[رفرف]

شلونكم بنات ؟

عندي طريقة ورق عنب بالزيت اينن احلى بألف مرة من المطاعم ماخذة الطريقة من وحدة سورية ..

ماطول عليكم اعطيكم المقادير والطريقة ..
وسامحوني اذا كانت مقاديري مو مضبوطة الصراحة مقاديري تقديرية شوفي شكثر يناسبج وحطيه لأن في ناس يفضلون يزيدون شي ويقللون شي ...
بس انشالله يكون كل شي واضح

المقادير :
غرشة ورق عنب (انا افضل ماركة الصقر احسن نوع جربته)
4 فصوص ثوم مقطعة شرايح (حسب الرغبة)
بطاط مقطع حلقات متوسطة السماكة

الحشوة :
تقريبا قلاصين عيش مصري تغسلينه وتنقعينه شوي بماي
طماط مفروم ناعم
بصل مفروم ناعم
ثوم مهروس (انا احط تقريبا قفشة ونص كبار متروسين)
بقدونس مفروم (انا ماحطه ماحبه بس موجود بالطريقة الاصلية)
ليمونتين معصورين
شوية زيت ذرة انا احط تقريبا قفشتين كبار او ثلاث

الصلصة :
زيت ذرة تقريبا ثلث قلاص
زيت زيتون ثلث قلاص
عصير ليمونتين او ثلاث
دبس رمان رشة بس
قفشة كبيرة صبار مذوبة بنص قلاص ماي
ماي تقريبا اعلى من مستوى ورق العنب بسانتي واحد


الطريقة :
تخلطين مقادير الحشوة كلها مع بعض وتخلينها على صوب
تاخذين ورق العنب وتغسلينه زين بعدين تنقعينه بماي مغلي شوي علشان ينضى بسرعة وممكن تكررين هالخطوة مرتين انظف واحلى
بعدين تلفين ورق العنب عادي .. بس تخلينهم ضعاف وطوال
تاخذين الجدر .. تمسحينه بزيت ذره ...
وتصفين حلقات البطاط دار مدار الجدر وعلى الاجناب ..
وتصفين ورق العنب فوقه ... وانتي تصفينه تقطين داخل الجدر شرايح الثوم المقطعة يعني يصير بين ورق العنب ...
الحين تحطين فوقه مقادير الصلصة والماي ..
وتخلينه اول يطبخ على نار عالية بس يغلي دقيقتين وقصري الجولة وحطي تحته حديدة ..
وغطي الجدر بصحن او شي وحطي فوقه ثقل ...
انا احط غرشة ورق العنب واترسها ماي ... (ديري بالج مو تحطينه فوق غطا الجدر لأنه يوصل الحرارة بتنكسر )
وخليه جذي تقريبا اقل من ساعة بتحسينه نضى .. يعني انتي وتقديرج ..
وزينيه بالخس وشرايح الليمون ....

ترى الطريقة سهله بس مبينه طويلة لأني كاتبتها بالتفصيل والا ماتبي شي ..
تزهبون الحشون وتلفونه وتطبخونه بس ..
وانا مرات اثلجه قبل لا اطبخه واخليه بالفريزر حق الازمات ...

واخليكم مع الصور بس ترى فشلة صورته عقب ما كلينا نصه خخخ

 

[رفرف]

مشاركة: ورق عنب بالزيت عجيب واكيد بالصور

نسيت اقولكم بالطريقة الاصلية في رشة قهوة مع الحشوة بس انا ماحطيتها

 

[جارة القمر]

مشاركة: ورق عنب بالزيت عجيب واكيد بالصور

رفرف




أمبين عليه

حلوه

تسلم الأيادي

ومشكوره

 

[السفيرة]

مشاركة: ورق عنب بالزيت عجيب واكيد بالصور

صراحة شكله لذييييذ

اموت في ورق عنب

يعطيك العاااافية ياعزيزتي

 

[رفرف]

مشاركة: ورق عنب بالزيت عجيب واكيد بالصور

جارة القمر
السفيرة

حياكم الله ومشكورين على ردودكم الحلوة

 

[جوريه]

مشاركة: ورق عنب بالزيت عجيب واكيد بالصور

وااااااااااااااااااااااااااااااااااااااااااااااااااي شالعذاااااااااااااااااااااااااااااااااااااااااااب

يشووووووووووووووووووووووووق الله يهداج قلبتي المواجع

طريقتج نفس امي بس امي ماتحط طماط علشاني

 

[رفرف]

مشاركة: ورق عنب بالزيت عجيب واكيد بالصور

جوريه ترى طعم الطماط كلش ما يبين ...
بس صج لذيييييييييييييييييذة اليوم طيرنا الصحن كله ونسينا الغدا ...

 

[xxx]

مشاركة: ورق عنب بالزيت عجيب واكيد بالصور

تسلم ايدددددددج رفرف

شكله روعه

 

[رفرف]

مشاركة: ورق عنب بالزيت عجيب واكيد بالصور

حياج الله بنوتة

 

[keeka]

مشاركة: ورق عنب بالزيت عجيب واكيد بالصور

ليش هالعذاب يا رفرف حرام عليج شكله صج اشوق وعاد انا اموت على ورق العنب بالزيت
يسلموو رفرف عاد مو تنسينا اذا سويتيه

 

[مطفوقه^ملقوفه]

مشاركة: ورق عنب بالزيت عجيب واكيد بالصور

يسلمووووووووووو
صج شكله يشوق بس أنا أحبه وايد صبر ونتفة شكر يصير حامض حلو يمي يمي يمي
وبعد ألف معاه بصل بس أقعد يا ولد حق الكروش

 

[kakawa]

مشاركة: ورق عنب بالزيت عجيب واكيد بالصور

تسلم اييييييدج
مشكككوووووووره على الأكله​

 

[^^دموع الكويت^^]

مشاركة: ورق عنب بالزيت عجيب واكيد بالصور

عاد انا اموت على شي اسمه ورق عنب

تسلم ايدج صج شكلها روعة

 

[رفرف]

مشاركة: ورق عنب بالزيت عجيب واكيد بالصور

حياكم الله ومشكورين على الردود

 

[أغلى حبيبه]

مشاركة: ورق عنب بالزيت عجيب واكيد بالصور

واااااااااااااي رفرف حرام عليج قمت اسعبل

اموت يالورق العنب

يعطيج العافيه

 

[رفرف]

مشاركة: ورق عنب بالزيت عجيب واكيد بالصور

حياكم الله وترى الطريقة سهله ماتبي شي اصعب شي اللف بس

 

[مطفوقه^ملقوفه]

مشاركة: ورق عنب بالزيت عجيب واكيد بالصور

رفرف في مشكله تصير معاي
سويت نفس ما قلتيلي بالضبط بس المشكله الماي بسرعه ينشف وما ينضى بسعه يصير نصه مو ناضي ونصه يحترق
العيش لين بس الورق يابس تعتقدين من الورق؟؟؟
أنا أستخدم الصقر وأمي ما يصير فيها جذي بس أنا ذاك اليوم سويته بالليل تعبني باللف بس ما طلع مضبوط ببجي ليش ما يضبط معاي؟؟؟؟
أحط حديده أطول الجوله شوي بعدين أقصرها

 

[مطفوقه^ملقوفه]

مشاركة: ورق عنب بالزيت عجيب واكيد بالصور

أنزين يصير أسوي ورق العنب ألفه وأحطه بالماعون البلاستيك بو الغطا وأخليه بالفريزر أطلعه وقت ما أشتهيه أو أطبخه نص طباخ واثلجه؟؟؟

 

[رفرف]

مشاركة: ورق عنب بالزيت عجيب واكيد بالصور

مطفوقه الظاهر انتي معليه على الجوله ...
لأن انا اخليه يغلي اول غليه وحدة بعدين اقصر الجولة واحط حديدة ولازم تكونين صافة حلقات بطاط سميكة شوي علشان مايحترق وقبل ماتلفينه تنقعين الورق بماي حاار مرتين علشان ينضى اسرع مع العيش ...
شككتيني انا بالعكس اذا سويته يكون ناضي من بره ومن داخل ..
وترى عادي انا دايما الفه واثلجه ولي اشتهيته طبخته ...

 

[bnt_kwt]

مشاركة: ورق عنب بالزيت عجيب واكيد بالصور

تسلم ايدج شكله حده لذيذ
بسوي منه حق اهلي لانه ريلي ما يحبه
وفعلا طريقتج سهله