ورده وسيف

[الخط الساخن]

كثيرٌ هو الألم .. استميحكم عُذراً في هذا المشهد الذي تتسع فيه دائرة السؤال (( ليه..!))


مرت الدمعه قهر ... ابتدا ذاك الظلام
انكسف وجه المحبة ...ماتت أسراب الحمام





ليه ياعمري تبالغ .. بالدموع السرمديه ..؟
وليه ياوقتي تطاوع ..من عشقك بسؤ نيه ..؟
وليه في صفو الهوى .. مايثور الا عجاجه..؟؟
وان تبسم في غرابه .. كشر بوجهي حجاجه






إيه افكاري خذتني
في حنانك واخذلتني
صغت لك احلى أماني ..
وانجرحت


شفت بك نور المدينه .. وانطفى حزن السراج
قلبي اشعل بك حنينه .. ولبسك بيديه تاج
قام يضحك من جديد ..
والا هو
قد ضيع أسوار المدينه
وضاعت الضحكه معاه





قام يسأل في ذهول ..!!
اهيه ذي نفس الملامح؟؟
تكفى .. جاوبني وصارح
ضحكتي هذي حقيقة
والا هي ضحكة ذبول ؟؟






شفت ؟؟؟
شفت كيف النور قاسي
والدفا..
يحتضن بعض المآسي
شفت
كيف الحب يقسى
والأمل ..
يرحل وينسى ..!
والورد
يحمل سيوف
يجرح أطراف الأصابع
ويدمي هاذيك الكفوف ..



ليه ..
ليه ياخلي تصد ؟
ليه ماودك تشوف ؟

ليه تقسى واتصبر ؟
وانشدك عذب الوداد
والقى صبري معك يكبر
وانت سارقك العناد


تدري ليه ..؟؟

ادري انك منت داري
وانجمك ماهي بمداري


تدري يانجمي المسافر
انك اغرب من رحل
في حياتي وارتحل


كان همي بك يزول
بس من اقرا عيونك

وكل هذا الكون ..كون
خانهم واقسم يصونك

لك تجمل بالفرح
واكتحل بالأبجدية

والسبب ..!!!
هو شي واحد
لجل يقراهم عيونك





وليه
ليه ضيعت الحروف ...؟
والمعاني
خالفت ذيك الوصوف
ليه ماودك تحس ؟؟
ليه ماودك تشوف ؟؟

ليه يجنح بي خيال ..؟
واطلبه ذاك المحال
وهم ليلي فارسٍ
داخل أعماقي يجول

يغتصب ذيك السعادة .. وتنتحب حتى الوسادة

وانت وحدك مارحمت .. الا بيدك قد ذبحت

شوق قلبي في مهاده






ليه ..!! وألف ليه ؟؟

بعدها ودك تنام
ويبتدي فصل الكلام
بالبساطه واللباقة
والهدؤ اللي يجور

قلتها في كلمتين :

كنت ورده
احلى ورده
أحلى ورده ..في أغلى باقه


بس انا طبعي كذا ..
اشتهي شم الزهور
انتهى ذاك الغرام
واعذريني ياحبيبه
اعذريني على القصور .