مرحبا
خلينا نبدأ الموضوع خطوة خطوة
أولا انت رح تدرسي ادبي و بعد الثانوية أمامك خيارين
أولا تدرسي بالكويت و ممكن تتخصصي أدب فرنسي بجامعة الكويت أو أدب تنكليزي بالجامعة العربية و تتخرجي معك شهادتين
أو انك اذا حابة تدرسي لغات ثانية متل الاسبانية - الايطالية - التركية - الروسة - اليابانية - البرتغالية تاخديها بمعهد خاص متل
سكور بلس
بيرلتز
فولتير
أو انك ممكن تتواصلي مع الملحق الثقافية مثلا حابة تدرسي ياباني بتروحي عالسفارة و بتطلبي تعرفي أسماء مدرسين معتمدين ممكن يدرسوكي هل اللغات
و ثانيا عندك الابتعاث الخارجي تطلعي عأي بلد حابة تدرسي لغتها و تدرسي لغة هل البلد بالجامعة عندهم
يعني تدرسي ايطالي بايطاليا
كوريا بكوريا الجنوبية و هكذا
و أخيرا نروح لشق العمل
لتشتغلي مترجمة بعد ما تخلصي بتطلعي عوزارة الاعلام أو الخارجية بتعملي امتحان اعتماد مترجم و بعدين بتشتغلي براتب 800-1200 أول تعينك
اذا بدك بالقطاع الخاص ممكن تشتغلي مع مكتب ترجمة و تاخدي عالورقة 20 د.ك خصوصا لما تصيري مترجم محلف و معتمد من وزارة العدل - الخارجية - السفارات المعنية
أو تشتغلي بشركة كبيرة متل الخرافي تصيري تترجمي العقود و الوثائق الرسمية من اللعة العربية أو الانكليزية الى اليابانية مثلا
وأخيرا ممكن تشتغلي مدرسة كمان و بتقدري تفتحي معهدك الخاص
بس اذا تخصصتي بترجمة الانكليزي تخصصي بشي معين مثلا ترجمة الاعمال الادبية - العقود - الاوراق التجارية - ...الخ
و أغلب الترجمات في الكويت هي لمعاملات رسمية و عقود و مراسلات تجارية
بتمنى كون فدتك و اذا بدك أي مساعدة أنا موجودة بساعدك و بدلك وين ممكن تسألي و تستفسري
بالتوفيق سنيوريتا
