ودي افضفض

[فرآولة]

السلام عليكم ورحمة الله وبركاته

شلونكم

عساكم بخير

ودي افضفض ..احس بضيقة وكتمة

عرسي باقي عليه تقريبا 5 شهور الا كم يوم

واحاتي وايد وافكر

شلون بتاقلم معاه

كيف بتكون حياتي معاه

+ وفاة اخوي العود الله يرحمه :eh_s(2): .. كل ماتذكره يتقطع قلبي ..

+ واحاتي الوظيفة اللي تناسبني بعد الزواج وشلون اداوم وووو


تعبت من التفكير .. قل نومي .. صرت ماعرف انام .. احس بقلق, قلبي مقبوض وفيني بجوة

كنت اداوم قبل ... والحمدلله
لكن من تركت الدوام ولاني فاضية .. انواع الافكار والمحاتاه

هو كل عروس تفكر بحياتها المستقبليه كذا ؟

وكيف شفتوا نفسكم بعد الزواج؟؟؟

 

[قلبهـ 86]

عادي الكل يحاتي

حتى أنا أحاتي شلون بداوم ومحضرات وشلون بنظم وقتي

وشنو نظامه وكيف بتأقلم مع أهله وووووووإلخ .......



بس ربج بيسهلها وبنعيش حياااتنا ............



مووووووووووووفقهــ


كبري المخدهـ ترى وضعهم طبيعي بس أحنا اللي نحاتي ونعابل بعمرنا

 

[كويتيه شماليه]

والله يا فراوله كل عروس تفكر وتتحلم بزوجها وطريقته معاها شلون تتخيل يدلعها وشلون يعاملها ودايماً يكون تفكيرها ايجابي
اما الاكتئاب اللي تحسين فيه يمكن يكون ظروف مرت عليج ومواقف ماتقدرين تنسينها

وبالنسبه لوضعج بعدين شلون راح يصير وشلون عالوظيفه والتأقلم..!!
كله سهالات والله تعدي الايام بسهالات

ولاتفكرين بمسؤوليه قبل حينها كل شي بوقته حلو

انا لمن تزوجت تخيلي اداوم وارد البيت ريحة طباخ الجيران اتحلم انها في بيتي وزوجي يتحلطم وشهالعيشه وكان حتى طباخي جداً اقل من عادي
ومانخلص من الغدا الا رايح الوقت وقمت افكر بعدين انا اشلون طافتني ماطرت على بالي هالظروف الصعبه !!

لاني ما كنت افكر الا بالشي الحلو ولا جا على بالي قبل الزواج الطباخ ولا شلون انسق بين بيتي والوظيفه والحمدلله لمن حملت بسرعه تسهل الوضع والحياة ماشيه اكيد طلبت خدامه

اللي حابه اقوله لج فكري بيومج لاتشيلين هم انتي عروس احسن شي تمسكين القرآن الكريم وتقرين يهدي النفس ويطمئن القلب والله يوفقج
خلي تفكيرج ايجابي وتوكلي على الله سبحانه

 

[احلى وسومـ]

ياااابعد قلببــي فراوله هذا الشيطان يلعب براسج حياتي كل ماجاتج هذي الافكار روحي لسجادتج وصللي ركــعتين وادعي لنفسج انه ربي يباركـ بحياتج ويككــبر حظج وادعي لخوج بلمغفره واكــييد كل عروسه تحاتي ومدام انتي فاضيه اشغلي نفسج عرسج مو بعيد حيل 5 شهور ابدي عناايه ببشره وشعر وووكل شيي وربي يوووووووووفقج يياااخااآآفقي آنتي جعل ربي يسهل عليج حيااتج وو لاتنسين كل مافكرتي بشيــاء تبكيج تعوذي من بليس وصلي ركعتين مثل ماقتلج ...

 

[فرآولة]

فديتكم والله ماقصرتوا

وهذا اللي اسويه

اقرى البقره يوميا

والله يسهلها ياررب

 

[اميره^_^بحلآها]

مثل ما قالو البنات ! عادي الكل يحاتي ياقلبي

 

[حناينq8]

كوني على ثقه ان الله كاتب لج الاحسن دايما والله راح يعطيج على قد نيتج
اخوج ترحمي عليه وسوي له شي يوصل له من مهرج ( صدقه - بير ماي - مساهمه في بناء مسيد ......الخ )وبترتاحين

كل شي تحاتينه بصير روتين بحياتج بيوم من الايام وبتتعودين عليه
عيشي يومج وتركي المحاتات عنج

 

[قآنون كيفكـ!!]

حبيبتي انتي فكري بشيء ايجابي تركي عنج وساااوس ابليس
بعدين تضحكين على عمممرج لان الحياة اسهل مما تتوقعين
ثقي بالله واستغفري وربي يفرجلج

 

[غنآآآتي]

عيشي يومج وتفائلي خير وان شاء الله سهالات
والله يريح قلبج ي رب

 

[al-musk]

وكلي امرج لربج وسهالات ان شاء الله\واستمتعي باللحظة الي انتي فيها والهم ماراح يقدم ولا ياخر وخلج متفائلة وايجابية وكل شي بيصير على هواج

 

[جوري الغرام]

تعوذي من ابليس وخلي تفكيرج ايجابي وعلى فكره كل العرايس مروا باللي أنتي تمرين فيه

 

[عن النسآ أفرق ~]

-





( و انا عند ظن عبدي بي )
ظنيتي خير بيسير خير ان شااءالله
ظنيتي ضيق و هم لا سمح الله بيسير < بعيد الشر
انتي عروس استانسي بتجهيزج و تفائلي
و كثري بالدعاءء و الاستغفااااار
و كل ما وسوس الشيطان تعوذي و اذكري الله
هالايام ما راح تنسينها
خليج متفائله و اضحكي
باجر ان شاءالله باذن الله بتدشين و تنصحين العرايس
و تقرين وحده توسوس و تضحكين
ماعليه وكلي امرج لله
و من توكل و احسن الظن ما خاب
بسس ( الدعاء و الاستغفااار )
موووفقه يااااااااااارب

​

 

[أجمل إنسـآنـه ~]

عسى ربي يرحم اخوج ويسكنه فسيح جناته,~> تصدقي بمهرج شوي حق اخووج,~><!

وبالعكس ترا كل كل البنات يفكروون بهالحياااه بالمستقبل ,,~>< من شلون شخصيته وشلون بتعوود عليه وهه,>,>

 

[أبله أريج]

بتعيشين احلى حياة ماراح تقدرين تفارقينه دقيقه لا تحاتين

 

[قلايد قطر]

كل عروسه تفكر جي وتصيدها حالات من الوسواس ..
تعوذي من ابليس حبيبتي وعيشي حياتج العزوبيه لان بعد الزواج ماعندج وقت تفكرين هههه
استانسي جهزي وسعي صدرج ..
واهم شي تفائلي بالخيير .. وربي مآيعطي عبده الا الخير ..

والله يرحم اخوج ويسكنه فسييح جناته ..

وربي يوفقج ويسهل امورج ويسعدج مع زوجج واهله ..

 

[صعبه]

حبيبتي كلنا كنا جيي

في البدايه بتتعبييين

بس والله عقـــب بتعوديين وماراتح تقدرين تفارقيين حياتج الجديده دقيقه

 

[فجوري الجوري89]

؛

كل عرروس تحاتي وتفكر
طبيعي بتدخل حياة جديده مع شخص ماتعرفه
بس اقري قران وكثري استغفار
واستمتعي بالتجهيز وعنايتج بنفسج مثل ماقالو البنات
وعسى الله يووفقج سهالات باذن الله

:eh_s(17):​

 

[Bloom]

عيشي يومج وتفائلي خير وان شاء الله سهالات
والله يريح قلبج ي رب

معاها الله يوفقج

 

[MiSsY HottY]

انا نفسججججججج بالضبط بس انا ابوي توفا بفترة ملجتي الله يرحمه واجلت العرس وماكلني الوساوس والتفكير بالمستقبل والمسئولية الله يقدرني عليها يارب

 

[كيك و حلاوهـ]

حححححياتي والله

الله يرريح بالج ويسر ويسسسسهل اموررررج كلهاا ياررررب

البنات ماقصررروا