ودي اعطي الجامعة العربية اسكيب ...

[أحلى عقربة]

مرحباااااااا بنات أحس الدراسة صعبة في تخصص الانجليزي ومو فاهمة الطبخة بالجامعة وما عرف شي وشلون اختار مواد واخاف اتعب نفسي واسقط وانا اهم ما علي اعيالي شنو تقترحون علي ....

 

[Gears]

شدي حيلج !!

مهما كان الشهادة تنفعج !!

حتا لو عيالج مهمين بالنسبة لج ، بس هم باجر بيكون مهم وحلو عندهم انه امهم تكون جامعيه ومثقفه !

ولازم يكون عندج طموح ،، عشان تنجحين بحياتج

ولاتقولين اسقط مادري شنو ! شدعوة شدي حيلج والله كريم !


لا تضغطين على نفسج وكلشي تمام

"على فكرة انا موبالجامعه العربية "

تقبلي رايي ، ،

=)

 

[عرموشة]

لا تفكرررررررررررررررررررررررين تعطينهم اسكب

الشهاده تنفع وقت الضيق والرخى

 

[بنت الجامعة]

حياتي انا طالبة بالجامعه

بس بها الوقت اهم شئ الشهاده ثم الشهادة

واذا تبين اي شئ عندج منتديات الجامعه ما يقصرون

ولا تضغطين على عمرج بالمواد اخذي مواد بيسطة وعند افضل الاساتذه اختري موادج

وموفقة حيااتي واي شئ لا تتردين بطرحة غاليتي

 

[أحلى عقربة]

مشكورين كلامكم يحمس بس من داخلي الصراحة خايفة ....

 

[بنت الجامعة]

توكلي على الله حتى لو تاخذين بالكورس ماده او مادتين لا تخافين حتى لو طولتي بالجامعه

موفقة حياتي

 

[ماكينتـ*زينة*ـوشة]

اول شي صلي استخارة عشان ماتندمين

وفكري ان هذي فرصة صارت من نصيبج لاتضيعينهااا

كان ممكن تصير لغيرج اللي زعلوا لما ما طلعت اسمائهم

وانا ما راح اروح بعيد انا 3 سنين اقدم فيها وانقبل واعطي سكب لاني كنت خايفة لان قبل 3 سنين ماكنت اشووف ولا احد فيها ولا اعرفهم بس اللحين في منتديات للجامعه فية الموقع الرسمي في التجمع هني كل البنات ايد وحدة اللي يسال كلنا نجاوب ونطمنة يعني انا ضيعت 3 سنين واخر شي رديت لها يعني انا انصحج لاتضيعين 3 سنين واذا الفرصة لج لاتسمحين انها تروح منج

موفقة

 

[أحلى عقربة]

مشكورين كلامكم يريح البال وبفكر بعد وجزاكم الله الف خير ...

 

[ATOoOMA]

حبوبة اهم شي في هل دينا الشهادة ..الحين سلاح الانسان اهوى شهادته لا تقولين اهلي ولا تقولين زوجي بيشيلني وتعتمدين عليهم ومودري شنو اهم اهم شي تكون عندج شهاده لج انتي ترا الحين الواحد الي ما عنده شهادة محد يحترمة غير عن الي عنده دكتوراه

ولما انشالله اعيالج يكبورن تكونين قدووووة لهم بانه يكملون دراستهم ويصيرون جامعين واحسن الناس وكل الناس تحترمهم وين ما راحو

ومثل ما قالو الخوات يعني هذي الجامعة العربية الي اعرفه اغلبة الي فيها موضفين وبعد يعني عندهم مسؤليات وجذي ..يعني مو نفس جامعة الكويت يومييييييييييااااااااا لازم تداومين هذي اشوي اخرطي يعني اذا مادخذة مادة مو كل يوم تروحين يعني ممكن بالاسبوع 3 مرات او مرة وبالباجي يكون بالنت وجذي مو نفس جامعة الكويت بعض التخصصات العليمة الي تروحين من 8 الصبح وتخلصين 6 او 8 العصر لا هذي غير ..واخذي مثل ما قتلج مواد اشوية بس راح تتأخرين يعني مراحتتخرجين 4 سنوات يعني راح اتطولين اذا كنتي ما تبين تشدين حيلج حييييل واذا وبعد اخذي عند دكاترة سمعتهم حلوة بانه زينين مو امنحس

واموفقة بس نصيحة من اخت الشهااادة اهيا سلالالاح الانسان بهل زمن ولا تعدمين على اهل ولا على ريل لان شهادتج اهيا الوحيدة الي راح تبقالج وما تروح

 

[أحلى عقربة]

مشكورة حبيبتي ... كلامج مثلج عسل عالقلب .....

 

[F.A]

حبيبتى أنا أم عيال
بس ما أضغط على نفسي
وكل شي بالبدايه صعب يعنى انا كنت فاهمه شي أول سنوات الجامعه كان تخبط ولا ارشاد ولا أحد يقولى شنو أخذ شنو أخلى الحمد لله الحين فيه ارشاد أكاديمى ومنتديات وناس مخلصين قبلج يساعدونج غير المعاهد اللى تدرس مواد الجامعه
وصدقينى مو كل شي سهل بس هالجامعه للأمهات أحلى شي يومين بالاسبوع وما فيه التزام
بعد اشنبي أكثر من جذيه
استخيرى وتوكلي على الله

 

[أحلى عقربة]

مشكورة حبيبتي الله يخليج حق اعيالج ولا تنحرمون من بعض ياربي ....

 

[مطـــيــريهـ فـــوشيـــآ]

رايي من رايهم
حبيبتي اهممم شي دراستج شهادتج عزوتج ترا محد بيفيدج بهالوقت !!
شدددي على نفسج
على الاقل جربي مو خسرانه شي احسن من بعددين تلومين نفسج لي ماكملتي ترا كلها 4 سنين والله تروح بلمح البصر
وموووفقه

 

[HASB_83]

ديري بالج تطنشين

واايد اعرف ناس قدموا فيها وما انقبلوا وااايد ضاق خلقهم
وهم اهما عندهم عيااال

انا السنه اللي طافت قدمت وما انقبلت لا تشوفين شصار فيني صكت فيني الدنيا وقلت خلاص ما الله كاتب اكمل دراستي والله يتلي حاله نفسيه

بس الحمدلله الله سهلها هالمره والله سخرلي ناس ساعدوني بالتسجيل وانا قاعده بالمكتب ماشاءالله
والحمدلله الف مره انقبلت ووااايد مستانسه

طبعا ما انكر اني حدي خايفه واحاتي الدراسه والحضور والمواد

بس كل شي بالبدايه صعب

احنا لما دشينا المعهد او الثانوية او حتى الدوام ما كنا ندري شالسالفه رايحين على ويهنا
بس الحمدلله مشينا والله سهل


انا الحين عندي دبلوم والحمدلله موظفه
بس مميزات الوظيفه للجامعيين نفسي؟؟؟؟ لا مستحييييييييييييييل

مميزاتهم واايد احسن مني
ان كان بالترقيه والدورات والقريدات وحتى المعاش

دام ان عندي الوقت والفرصه يت لي عندج ليش ما تستغلينها؟ اخذي البكلريوس وشدي حيلج

وصدقيني حياتج العملية وحياتج بالبيت ومع عيالج راح اتغير

خليج قدوه لهم

بعدين يقولون امي عندها (مثلا) معهد او متوسط وكاهي عايشه ومعيشتنا ليش احنا نكمل الجامعه ونتعب!!


الحياه اول غير الحين

الشهاده تنفع وترز اللي ما ينرز



واخر شي صلي استخاره

والله يوفقنا

 

[رزة الكويت]

حاااااااولي تغيرين تخصصج الى تخصص ثاني
وشدي حيلج اهم شءئ شهاادتج

 

[أحلى عقربة]

مشكوووورة حبيبتي .........

 

[F.A]

أحلى عبقريه بشرينا عنج
شنو قرارج
وايد ضايق خلقى عشانج
حرام لا تضيعين فرصه ياتلج مليون غيرج يحلمون فيها