ودي اصير اخصائية جم معاشها الجامعية بعد الكادر ؟ و المدرسة جم معاشها ؟ الجامعية

[اخت خالتهم]

.
.

هلا بنات

انا قاعد احدد الكلية اللي بدخلها وكل كلية شنو اشتغل بعدين
فـ طلعلي اخصائية ويقولون عطوهم الكادر .. جم معاشها اول ما تشتغل الجامعية
و المدرسة جم معاشها اول ما تشتغل الجامعية ؟

والله يعطيكم العافيه

.
.

 

[اخت خالتهم]

للرفع

 

[الجوهرة777]

المدرسة 850 والاخصائية 760

اذا تبين نصيحة اخت لو يصير معاش المدرسة 1000 لا تصيرين مدرسة


مدرسة يعني ضغط نفسي تكرفين و زيارات مالها والي


وتقصير في حق نفسج وصحتج وبيتج وزوجج وعيالج


الشغل الاداري مهما تعبتي في المدرسة تطلعين خلاص خلص شغلج لا تشيلين دفاتر تحضير ولا شغل كمبيوتر

ولا شي للبيت يعني ينتهي شغلج مع نهاية الدوام


المدرسة اذا غابت لما تداوم الكل مطنقر عليها ويرصونها شغل واحتياط

لكن الادارية حالها حال أي موظفة بالدولة تغيب ما تحاتي منهج ولا حصص اضافية راح تاخذها علشان تخلص المنهج

وحتى بالنسبة للادارة عادي الادارية تغيب لكن المدرسة يكرهونها بالغياب ويطلعونه من عينها اذا داومت


اذا انتي من النوع اللي يحب الشغل والفرارة في المدرسة ( وتبين الصج الشغل يخلي اليوم يمر بسرعة ) صيري اخصائية

اذا تحبين تقعدين في مكان ثابت وشغل أقل <<<<<<<< أمينة مكتبة ونفس راتب الاخصائية

الجوهرة777​

 

[غلا الأيام]

الجوهرة كفت ووفت بالشرح

والله يوفقج يا رب

 

[اخت خالتهم]

الجوهرة حياااتي مشكوره على النصيحه
انا ابي اخصائية بس ابوي يقولي ماكو مستقبل ولا معاش
فـ قلت مدرسة
لاني الصراحه ودي بالعطلة والراحة النفسية
خلاص شورج وهداية الله واللي يكتبه الله بصير

 

[اخت خالتهم]

الجوهرة حياااتي مشكوره على النصيحه
انا ابي اخصائية بس ابوي يقولي ماكو مستقبل ولا معاش
فـ قلت مدرسة
لاني الصراحه ودي بالعطلة والراحة النفسية
خلاص شورج وهداية الله واللي يكتبه الله بصير

 

[اخت خالتهم]

مشكوووورة الجوهرة على المعلوماااات الحلوه
و النصيحه رييييحتيني الله يريحج
وانا الكلية اللي افكر فيها تخليني اصير مدرسة او اخصائية

 

[تنآهيد ..~]

أنآ مع آلجوهره كفت ووفت والله وقآلت اللي كنت بقوله
وإنتي الله يوفقج

 

[الجوهرة777]

العفو حبيبتي

 

[اخت خالتهم]

للرفع

 

[نورا الحلوة]

رد : ودي اصير اخصائية جم معاشها الجامعية بعد الكادر ؟ و المدرسة جم معاشها ؟ الجامعية

مشكورة يال جوهرة على الرد

 

[0(مـــســـ(مطير)ــــــك)0]

لااااااااااااااااااااا مانصحج بالاخصائيه الاخصااااااااااااااااااااااائيه كرااااااااااااااااااااااااااااف وسجلات تكتبين فيها كل شي .. ويكفي ان مثل ماقالت الاخت معاشج نفس امينة المكتبه خريجة جامعه ودارسه 4 سنين و3 تدريب عملي وضغط بالاخر حالج حالها لا ترقيات ولا شي ولا احد يعبرج على قولتهم حالجحال امينة لمكتبه والسكرتاريه مع احترامي لهم ومحد يقدر شكثر تشتغلين الاخصائيه اذا غابت قامت المدرسه ماقعت تخيلي اي ولي امر دايركت يجي عندج مايعرفون بالمدرسه غير مكتبج .. هوشات يجون عندج غياب يجون عندج متاخرات يجون ندج استدعاءات عندج مخالفات عندج مريضات عندج مدرسات يبون اولياء امور عندج حاااالاااات عندج 400 بنت شوفي جم حاله بينهم بين تعثر وطلاق وتهريب وسرقه وحاله نفسيه وبويات والفاظ وصخه وقلة ادب كله عندج بالمكتب وجماعة نشاط لازم تسوين ومحاضرات لازم تنظمين والراسبات والمتفوقات لازم تسويلهم برامج خاصه .. وبين فتره وفتره تجي الموجهه تقولج وين الحالات وبشوف مقابلاتهم .. ولازم تكتبين كل شي يدور بينج وبين الحاله بالمقابله .. وبالاخر يقولون ماعند الاخصائيه شغل !!!!!!! وحالها حال امينة المكتبه اللي مع احترامي الكبير لهم قاعدات بالمكتب .. ويقابلون الكتب بس .. وانتي من نفسية ولي امر الى نفسية ناظره ووكيله ومدرسات وبنات واتصالات وبالخر ماعندج شغل !!!!!!!!!!!!!!!!!!

وعلى فكره السجل يجيب الجلطه !! وتقيييمج كله عليه واحنا ناخذه في البيت مع المقابلات نكتب فيه لان مانقدر بالدوام نكتب حرف واحد !


اختصر الكلام اللي فوق ... اقول لو يرجع فيني الزمن مادخلت هالتخصص .. ولا فكرت فيه نهااااااااااااااااااااااائي

وتقدرين تدخلين تجمع الاخصائيات اللي هني وشوفي نفسيات هالاخصائيات ...

بالتوفيق

 

[جامعيه محتاره]

رد : ودي اصير اخصائية جم معاشها الجامعية بعد الكادر ؟ و المدرسة جم معاشها ؟ الجامعية

والله ماادري شنو اخذ المدرسه يقولون تعب والاخصائيه تعب شااسوي عطوني رايكم شنو اتخصص جغرافيا ولا علم النفس الي احبه ومال
وماله مستقبل والله ضايعه ومحتاره ساعدوني

 

[سفيرة المحبة 88]

رد : ودي اصير اخصائية جم معاشها الجامعية بعد الكادر ؟ و المدرسة جم معاشها ؟ الجامعية

والله ما في وظيفة من غير تعب

بس تعب المدرسة بالنسبة لي اكثرر الله يعين اما الاخصائية ما عندي فكرة

اذا تبين تصيرين مدرسة اختاري تخصصات ما فيها شغل مثل تخصصات اجتماعيات او بدنية فنية اسلامية

غير هالتخصصات لاتفكرين ولو انه المدرسة مكروفة مكروفة بس على الاقل هالتخصصات اهوون

وحبيبتي نصيحة لا تختارين تخصص الا وانتي سائلة عنه عدل مدل

بعدين تتحسفين حسافة عمرج وتتدبسين نفس حالتي

مووووووووفقة