ودي اشوف ابوي نور عيني بالحلم الله يرحمه

[ام ناصر 2009]

ابوي توفى له شهريين ونص الله يرحمه ويغمد روحه الجنه يارب
اخواني كلهم احلمو فيه الا انا:eh_s(2):

بنااااااااااااات الله يسعدكم مافي دعااء اقووووله واحلم بأبوي واشوفه

والله ماتتصوروون شكثر وحشني واشتقت له

للحين ماجاني بالحلم معناته شنو ؟؟؟ وانا مرضيته بعد قلبي

الله ينور قلوووبكم اي وحده تدخل تدعي له بالرحمه والمغفره

وحبيت اسئلكم بس لاتحطموووني




الصور له لما نشوفها حرااام ويتعذب منها



وشكرااا

 

[ديمــــــــــه]

يوووووووه حياتي انتي عظم الله اجرتس يارب والله يرحمه ولا يحرمك شوفته في الجنه يارب
عورتي قلبي بكلامك وذكرتيني ببوي متوفي له مده احسه كأنه امس وكنت دايم اقوله انت نظر عيني
ياروحي انتي الله يجبر قلبتس ويحط مكان محبته بقلبك صبرر يارب
لاتخافين يالغاليه بيجيك ان شاء الله وبتشوفينه بأحسن صوره يارب
الله يعوضك بالصبر ويعوضه بالجنه

 

[شادن33]

عمري الله يرحم ابوج
بس انتي تصدقي عنه كل مره يوم الجمعه او اي يوم
واستغفريله دايما

 

[فديت حبك]

اللة يرحمه ويسكنه فسيح جناته
ويرزقك شوفته بالجنه ان شاء اللة

 

[مزاج عنزيه]

،'


الله يرحمه ويغفر له يارب ويجعل مثواه الجنه
ويرحم موتـى آلمسلمين إن شاء الله ..
وحبيبتـي بالنسبه للصـور مافي مشكله عادي تشوفونه
ومافي إلآ كل خير ان شاء الله ،، وعسسى تجتمعين معاه وتشوفينه
بالجنه يااارب ....










-

​

 

[قمر بيت أبوها]

تدرين فكرتيني بموضوع قرأته عن أحد التابعين او السلف الصالح
كان رجلين صالحين يتواصون فيما بينهم يقول كل واحد فيهم لثاني لما تموت زرني بالمنام واخبرني مالله فاعل بك
فكانوا لما يموت واحد يضل صديقه ينتظره بالمنام ومتشوق يعرف ماحصل للميت
فيمر الشهر والبشهرين حتي يزوره صاحبه
بتقولون وش استفدنا من الموضوع حاجتين
الأولي انه المفروض ان الناس يتاوصون فيما بينهم بهالموضوع
الثاني ان الميت حتي لما يموت وعليه دين يختار اي الناس ياتيه بالمنام
مثلا مات وعلي دين وله 5 ابناء الابر فيهم واللي يهتم لامور الاخره يختاره ابيه لاجل ان يقضي دينه بعد المنام
فسبحان الله يابنات لا تستغربون لمااحد بعيد يحلم بقريب لك لان هالزياره باختيار الميت
والحديث في هذا المجال يطول واختصرته لكم بهالمثال
ام ناصر الله يرحم أبوك حطي له صدقه جاريه اسهم في بناء مسجد ولا اطعام فقراء
ولا سقايه ماء وادعي له وتأكدي انه راح يزورك في المنام
أنا لماازعل ولا اشيل هم اشوف جدتي الله يرحمها معصبه علي وتهاوشني تفسير المنام من قبل الرواي ان الميت منزعج لحالك يعني تحس فيني سبحان الله
جدي لما توفي كان موصي وعياله مااهتموا بالوصيه حلمت فيه يسولف معاي ورفض ياكل ولا يشرب غير طعامنا وسلم علي وقال يالله قومي افطري ترا بياذن وفعلا كنت صايمه وقت هالحلم العصر
فقلت الحلم لهم لانه مازارني الا لانه متاكد اني باوصل هالكلام
الله يرحمنا يرحمته ويجعل خير اعمالنا خواتمها

 

[طــُـهــر ♥!]

,’




نفس حـآلتي..أبووي مو ميت بس في غيبوبه
من سنين ..وربي أشتقت له ودي أشوفه يتكلم وينـآظرني...~
الله يصبرك ويصبرنـي ...الفقد مؤلم..جدآ







’,​

 

[رتبه دبلوماسيه]

عسى الله يرحمه وجعل مثواه الجنه ..

 

[meme>the best]

لا حول ولا قوة الا بالله وقدر الله وماشاءالله فعل انا لله وانا إليه راجعون

الله يرحمه رحمه وااااسعه ويغفرله اكثري بالدعاء له

وانشاءالله تشوفينه بجنات الخلد يااارب

أسأل الله ان يجمعكم بالجنه يااااااارب

 

["غـَّلآۅِي ♥~]

لآ إلـه ألآ ألله ..

عسسى ألله يرحممه ويغفرله وأدعي ربج أنـه يزورج بِ ألمنآم ..
و بخصصوص " الصور له لما نشوفها حرااام ويتعذب منها "

لآ حبيبتي آنـآ مآعمري سسمعت بفتوى تقول أن ألصصور حرآم نششوفهـآ !!

وألله يحششرهـ مع محمد صل ألله عليه وآله ,’​

 

[كويتية و لكن]

حبيبتي الله يرحمة ويغفر له وتعيشين وتفتكرين ولك طولة العمر لكن انا عن تجربة كنت اذا ولهت علي امي او ابوي افكر فيهم واتذكر شقالوا وشسوو وانا شكنت اقول لهم وشلون ابرهم واحبهم وادور رضاهم واترحم عليهم وانام والله والله والله يطلعولي بالحلم واتكلم معاهم وما اقولك من اول ليلة لا والله يمكن بعد اسبوع او اسبوعين والله وجربي وانشالله تشوفينهم ويا سلام لو عطوك شي بيدك هذا الرضا بعينة والتوفيق انشالله

 

[FOZQ8]

وانا اتحلم كل يوم بأبوي مادري شي غريب حتى لو الحلم ماله شغل فيه بس لازم اشوف ويهه ويكون ساكت والحمدالله دايما ويه يشع نور ومرتاح او يضمني حيل وكأن يحس بالألم اللي فيني ..
مع هذا اقولج ترى الحلم ما يعوض بشي بالعكس يمكن يتعبج اكثر لان ودج يكون صج مو حلم الوالد بيصيرله سنتين وللحين احس بفجوه بحياتي ما تكتمل حتى لو اضحك وافرح دايما اقول الفرح منقوص
بنفس الوقت اتمنالج حلم يجمعج فأبوج ويكون حلو ويريح قلبج شوي الاهم من كل شي قبل لا تنامين استغفري له ولج وللوالده حتى بحياتها انا تحسفت اني ما كنت استغفر لابوي الله يرحمه بحياته الا بدعاء الصلاة
استغفري ليمن تنامين وانتي تقولين اللهم اغفر لي ولوالديّ ... اعتقد بتحلمين فيه
الله يرحم جميع امواتنا ويجمعنا فيهم بالفردوس الأعلى ويصبرنا على فراقهم

 

[ام سعود ديكسون]

الله يرحمه و يحسن اليه

الحلم بالوالد رؤية صادقة
اقري عن شروط الرؤيا غير عن الأحلام العادية

حسافة هالموضوع قريته بالنت من زمان و ما اتذكر المنتدي
ليتني اقدر اساعدج أتمني لو جدتي الغالية تزورني بالمنام
فوق ال 15 سنة و ما عمري فكرت ليش ما زارتني
لا تشغلين بالج بالتفكير ربج يريح بالج

 

[' #sǎrǎh . . ']

الله يرحمه ويغفر له وتشوفينه في آلجنه ان شا الله

 

[ALMooOooN]

حبيبتي عسى ربي يرحمه و يغفرله و يغمد روحه الجنه

عسى ربي يمسح على قلبج و ينولج مرادج

آآآآآآآآآآآآآمين​

 

[قطوة@@]

الله يرحمه و يغفر له