ودي اسوي ملف لعيالي help me

[Rimova]

السلام عليكم
انا من فتره طويله ودي اسوي ملف خاص لعيالي (بنت-وولد)كل واحد في ملف احط فيه جم صوره مهمه-ملاحظات عنهم-
طولهم وزنهم وبعض الاسئله ورسمه ايدهم وريلهم وووو
بس ماني عارفه من وين ابتدي وابي افكار واي نوع من الملفات واالالبومات اختار واستكرزات للتزيين وتغليف
الزبده مابي شي جاهز ابي كله شغل ايد
اللي عندهم خبره بليييز ساعدوني

 

[Rimova]

معقوله ولا وحده عندها افكار؟؟!!!!

 

[دبدوبه]

انا عندي لج افكار وان شاء الله تعجبج
اشتري استيكرات من بو100 فلس على صور رسوم اطفال بنت وولد وورود وقلوب الحب
اشتري الملف النايلون الشفاف
اوراق بحث الي تكون مزخرفه ومنقشه ومسطره
الوان
اول صفحه كبري صور عيالج a4بداية الملف وفوق الصوره طبعي اسم بنج او ولدج كل واحد على صورته
والصفحه الثانيه كتبي الاسم الوزن الطول تاريخ الميلاد واي شي ثاني
الملف النايلون زينييه بورود واشكال مزخرفه من بو100 فلس لصقيها على النايلون
ان شاء الله تكون الفكره عاجبتج
بسيطه وسهله وغير مكلفه

 

[Swan]

افكار دبدوبه حلوة
وانا افضل ألبوم الصور الكبير اللي فيه ورقه شفافه نفس البومات العروس
تقدرين تغلفينه بورق تغليف هدايا حلو وتزينينه بطريقتج
وعندج الستيكرات البارزه الموجوده بالمكتبه
وايد حلوة وشكلها ذرب
تقدرين تزينين فيها الصفحات

 

[Rimova]

مشكوره دبدوبه عالفكره ماكنت مفكره اكبر صوره عيالي
سوان ميرسي كان في بالي اشتري نفس الالبوم اللي قلتي عنه اسهل

 

[a7la_sanfoora]

أنا مسويه حق البيبي اللي في ببطني
فايل حطيت فيه اوراق شفافه ( نايلون ) وداخلها أوراق a4 ،، كل ورقه كتبت فيها اللي ابيه
وحطيت صور السونار
وناويه اكمله
بس الفكره اللي توه وايد حلوه .. البوم الأعراس .. عجبتني
ونقدر نزين الملف ونغلفه .. ونحط ستكرز .. الخ