ودي اسوي جدول لتنظيم وقت عيالي _تعالو شاركوني وساعدوني

[مااتحمل غيابه]

بسم الله الرحمن الرحيم
بناااااات من زماااااان وخاطري انظم وقت عيالي يعني ابي نظاااااااام نظام وساعات معينه للنوم للشور للاكل لكل شي ابي ادخل النظام بحياتي انا وعيالي


بقولكم قصتي عشان نتشاور ونتناقش ونستفيد كلنا
انا الله يسلمكم عندي ثلاث عيال اكبرهم بو اربع سنين وللحين مادش الروضه واللي اصغر منه سنتين ونص والصغنونو سنه
احس اني ضايعه معاهم مو عارفه انظم وقتهم انومهم كل يوم لي وقت مره 9ونص ومره عشر ونص ومره 11 على حسب والشور (السبوح )مافي وقت معين مره كل اسبوع ومره كل اسبوعين والاكل نفس الشي وبالنسبه للنوم متعودين اني انام معاهم مع انه لهم غرفه مستقله بروحهم شسوي الحين انا حايسه معاهم حتى اللعب ماالعب معاهم على طول مالي خلق لهم تعرفون بليل الله يسلمهم معاي واحد يميني وواحد يساري مو مرتاحه بنومتي على طول اشغلهم تلفزيون ومرات يتنحون فيه ومرات يتكافخون ويطقون بعض حياتي مافيها نظام وولدي بو سنتين ونص للحين يمص مصاصه مادري شلون افطمه منها وبو سنه رضعات الليل لين الحين كل ساعتين يرضع تكفون ابي منكم تشورون علي وتعطوني نظام دقيق جدول
يعني انومهم متى واقعدهم متى والشور كل كم يوم والنوم معاهم غلط ولاصح واذا غلط اشلون افج عنهم شوي شوي لانهم متعودين علي مادري حاااااااااسه علموني بنات اشلون نظامكم ?واي شي تتوقعون انه يفيدني قولولي بليز لاتنطشون وربي لادعيلها اللي ترد لو بس ترفع الموضوع
وسلامتكم :cxxxp:

 

[ام زاكي]

هلا والله
سمعي انا لما كانو عيالي صغار انومهم الساعه عشر باليل ويقعدون على عشر ولا تسع الصبح
لشور كل يوم بعد الغدا واللعب اخلي لهم اللوان ودفاتر تلوين اقعد معاهم على المغرب تقريبا ساعه وطبعا التلفزيون مبطل كل ساعه
بس يعني اهم على حسب البرامج الي يحبونها وعلى النوم لااااااازم ينامون بغرفتهم سمعي انتي انسدحي معاهم وقت النومه لين ينامون
وتالي قومي عنهم راح يرجعون لج اخر الليل في غرفتج بس انتي لازم ترجعينهم وتخلينهم لين ينامون وتقومين عنهم فيها تعب بس مع الوقت راح يتعلمون
انا هذا نظامي وشكل عيالج على بعض فصعب انج تتحكمين فيهم المفروض من واهم صغار معلمتهم على نظام معين

 

[مااتحمل غيابه]

هلا والله ام زاكي فعلا انا عيالي تحت بعض وهذا اللي متعبني حيل
مشكوره عالفكره

 

[مااتحمل غيابه]

اشعوه عاد 17 مشاهده ووحده بس اللي ردت ؟

 

[مليانة حب]

والله نفس حالتي بالضبط وان شالله يفيدونا البنات المنظمات

 

[حرم راشد الماجد]

شوفي اول شي تعلمينهم تنومينهم بروحهم وكل شي بالتنظيم حلو

اول شي يقعدون الصبح عالساعه 6 او 7 او 8 بالكثييييييييييييييييييير

ريوقهم زاهب يتريقون وطبعا تقعدين معاهم تاكلين من اكلهم عشان تصيرين قدوه لهم ربطي الاكل بمكان معين يعني الاكل على طاولة الطعام

وبعد الريوق قعديهم حواليج ولعبي معاهم يبي صندوق وحطي فيه العاب وخلي فيه فتحه من فوق وسألي بو سنتين شنو في بالصندوق وهو يخمن وبعدين تطلعين اللعبه او تسوين نشاط مثلا اذا كان بوسنه يمشي قطي لهم كور الملونين بالصاله وعدي لهم من الواحد لي العشره وهم يجمعونهم ويحطونهم بالسله بالوقت المحدد

تخلين لهم وقت للتلوين واااااااااااايد مفيد عشان ينمي عضلات الايد خصوصا بو سنتين اشتري كراسه والوان شمعيه عشان ما يتعورون اذا حطوها بحلجهم ولعبي معاهم وقولي لهم هذي البطه وهذي السياره وعطيهم الكلمه بالعربي والانجليزي احسن

التلفزيون حاولي ما تخلينهم يطالعون ولا يتعودون عليه نهائي خلي نشاطاتهم هادفه مثلا حتى التلفزيون اشتري لهم الكرتون الي فيه احرف وتعليمي

او قصص الانبياء وتكوت مدته ساعه باليوم او ساعتين بأوقات مختلفه


ووقت الغدا خليه هم ممتع بالنسبه لهم سويلهم اشكال بالخضار وقعدي معاهم واكلو واستانسو وقولي اسماء الاشيا عن
طريق القصه مثلا الطماطه تبجي تقول ابي فلان وطلعي صوت جنه الطماطه يعني وياكلون ويتعلمون بنفس الوقت بطريقه مسليه


طبعا الصلاة وانتي تصلين خليهم يوقفون يمج واقري القران بصوت عالي احسن طبعا هما راح يشوشرون عليج بس راح يتعلق قلبهم بالصلاة عن طريق المثير الشرطي كل ما شافوج لبستي الثوب قامو وقفو يمج وبعد مده راح تنتقل الشغله الى عاده روتينيه الى ان يكبرون ويفهمون


طبعا ما يمنع تعلمينهم ليش احنا نصلي وتعلمينهم ان يحبون الله سبحانه وتعالى وهكذا


بعد الغدا تنومينهم ساعه فقط لا غير عشان يريحون مو عشان يشبعون نوم في فرق ترا

وبعد ما تقعدينهم سويلهم نشاط حركي بعد وجبة سناك خفيفه فيها ( كاكاو ميني واحد + كيس شيبس مثلا + عصير صغير )
أو فواكهه مثلا أو كوكيز بس مافي مشكله من الكاكاو بكميات معتدله


وبعد السناك سوو نشاط حركي يشابه الرياضه مثل بر وبحر او فتاحيه ورده وهالسوالف

وايضا خليج حريصه ان يوميا يسمعون قرآن حتى لو تشغلينه بالبيت وهم يلعبون ترا العقل الباطن يخزن ويحفظ

وبعدين طبعا تخلينهم مع بعض يلعبون العاب جماعيه مثل البازل تحطينها وتخلينهم يركبونها مع بعض والحوافز تييب نتيجه حلوه معاهم
تعش ينهم عالساعه 7

ووقبل النوم ياخذون شاور

وبعدين تودينهم فرشهم وتقعدين تقولين لهم قصه قبل لا ينامون طبعا هما من التعب راح ينامون بنص القصه

يعني ما تصير 9 الا وهما بسااااااااااابع نومه وهالشي جدا صحي للاطفال


حاولي ان ما تغيرين روتينهم
حاولي ما تجبرينهم ينامون بمكان مو مكانهم يعني مو تكونين زايره بيت اهلج وتقولين لهم نامو لان اذا نامو وشلتيهم وديتيهم البيت بهالوقت ممكن يقعدون وتخترب نومتهم
الالعاب نوعيها بين كل فتره
الحوافز اليوميه ما تكون هدايا والعاب الالعاب بس حق الاشياء الكبيره مثلا تعلمو عالحمام او غيرها

المصاصه لااااااااااااااااااازم تقطعينها من باجر خليه هو يقطها بزباله
وقولي له ويع وما ويع من هالحجي او لونيها بلون اسود او بني او حطي فيها محلول مره خليه يكرهها


بالنسبه حق بوسنه اكيد انتي ما تأكلينه قبل النوم عشان جذي ما يشبع ويقعد من النوم يبي يرضع لازم ياكل وبعدين ياخذ رضعه كامله قبل النوم وبعدين لما ينامون الساعه 8 ونص لي الساعه 6 وقت كافي لهم وما يمدي بوسنه ييوع

وموفقه يالغاليه واذا بغيتي اي شي اراسليني عالخاص

 

[جذابه بنت ذيابه]

رد : ودي اسوي جدول لتنظيم وقت عيالي _تعالو شاركوني وساعدوني

حرم راشد ماقصرت
فديييتها

 

[ميااااار]

جدول حرم راشد الماجد روووووعه

 

[مااتحمل غيابه]

حبيبتي والله حرم راشد جدول فعلا منظم ومفيد
مشكوره حبيبتي
واتمنى تكونين قدوه لي بتنظيمج

 

[مااتحمل غيابه]

مشكورين لك من رفع الموضوع
ونبي اراء وانظمه بعد يالله بنات
نبي نستفيد اكثر

 

[قلبي القرآن]

رد : ودي اسوي جدول لتنظيم وقت عيالي _تعالو شاركوني وساعدوني

مادري والله انا بنتي توها صغيره
بس حرم راشد ماقصرت
وترى احسن شي النظام عوديهم وهم صغار
أحسن من هم كبار عشان الصغار تقدرين
تشكلينهم مثل ماتبين وتعودينهم على اللي انتي تبينه

 

[مااتحمل غيابه]

مشكوره قلبي القران
صح لازم النظام يكون من الصغر وعلى الصح
ودي اعرف الاشياء الصح علشان ابني النظام على شي صح
علشان جذي سالتكم وباختار الصح

 

[رجـــاوي .. }]

مشكوووووووووووره حرم راشد وجعلج تشوفينهم معاريس

خوش جدول

 

[مااتحمل غيابه]

اااااااااااب

 

[قسي قلبك تعيش]

مقارب لنظامي مع بنتي بس انا انيمها 9 وتقوم 8 الفال لاختها يارب باقي لها تسع شهور وتلحق اختها بالغرفه

 

[love love]

http://www.q8yat.net/showthread.php?t=593024

شوفي الموضووع يمكن يفيدج

 

[مااتحمل غيابه]

قسي قلبك
كم عمر بناتج الله يحفظهم؟

 

[الأماكن]

رد : ودي اسوي جدول لتنظيم وقت عيالي _تعالو شاركوني وساعدوني

حرم راشد الماجد ما قصرت

بس اهم شي بالليل قبل النوم تسبحينهم ... السبوح يدوخ و تشربينهم حليب دافي

وحاولي تسكرين الاشياء اللي تلهي مثل التلفزيون

وعطيهم قصص ... أو اقري لهم و خلي الاضاءة خفيفة

بتشوفينهم واحد ورا الثاني يدوخوون

وبغرفتهم انسدحي معاهم و لا ارجعوا لج رجعيهم مرة

عوديهم على نظام من صغرهم بترتاحين والله

حتى بالعطله ترا السهر ما وراه الا الجوع و الخربطة بالاكل والامراض

 

[مااتحمل غيابه]

فديتج عالم حواء
صج موضوع مفيد

 

[مااتحمل غيابه]

الاماكن
معاج حق السهر مامنه فايده للكبار فما بالج على الصغار
شاكره مرورج