ودي اســــافر الرياض؟؟ شرايكم

[مضاوي 16]

السلام عليكم شخباركم كويتيات انشالله طيبين

ودي اسافر بالعيد صراحة نفسيتي تعبانة ودي اغير جو... في البداية فكرت بدبي بس طلعت وايد غااااااااالية


وجاتني فكرة الرياض ؟؟؟ انا اهم شي عندي فندق فخم وراقي بالسفرة..


منو رتيح لها وتنصحوني فيها ولا لأ؟؟:tomato2:

 

[ملاذ الروح]

..


ونعم الاختيار الرياض حلوه

بس انا احب الخبر والدمام اكثر

والسعوديه كلها على بعضها ( جنان )

وما عندي فكره بالنسبه للفنادق لأنا نسكن بيت خوالي

بس ان شاء الله البنات يفدونج وانا بسألج كمان

..

..

 

[أسرار الطبيعة]

( قلبي تولع بالرياض )
الرياض مدينة جميلة لكن للي يدل فيها مطاعمها وأماكن التسوق للحاجات اللي تهتمين لها

أنا أنصحك تروحين لجدة أشرح شوي خاصة أنها قريبه من البحر ، وتسكنين في فندق هيلتون مباشره على البحر الأحمر
وتأكلين من السي فود ، وتقريباً الجو هناك كمجتمع نفس الكويت ، عكس الرياض اللي شوي قته

 

[سعودية حلوه]

هلا حبيبتي حياك الله في ديرتك الثانيه

بالنسبة للرياض احلى مافيها الأسواق والمطاعم

والجو هذي الايام خياااالي مايل للبروده مو مثل الكويت ابرررررررد

احلى الفنادق الفيصليه والمملكه

والاسواق المملكه_ الفيصليه_ غرناطه_ حياة مول_ صحارى وغيرها الكثير والكثير

المنتزهات قرية الثمامه _ فانتزي لاند حلوين



بس تبين نصيحتي روحي للمنطقه الشرقيه اموووووووووت بالخبر
تجنن بصراحه الكورنيش ونااااسه يهبل ومطاعمها روووعه والجو هالايام حلو
عاد اذا نويتي تروحين الخبر راسليني ترااااها تجنن
عاد انا ساكنه في الخبر واعرف كل شي عنها



تروحين وترجعين بالسلامه

 

[نـور الكويت]

والله اختي راحتلهااا تقول رووووعه (( تجنن ))

وانا ودي عليهااا بس الله ما كتب اروح الرياض ..

 

[أم دحمي]

حياج الله إختي عندنا بالرياض

وإن شاء الله إنها بتعجبج


وأحلى مافيها المجمعات وإحتفالات العيد



وأي سؤال أنا حاضره

 

[النوالنو]

يمدحونه بس الخبر احلي

 

[versace]

والله الرياض حلوة أهم شي تغيير جو راح ترتاح نفسيتج ان شالله

 

[سكووون]

الرياض خاصة بالاعياد تصير مدينة اشباح ..

العالم اغلبهم ينزلون الشرقية و جدة ..

نصيحة روحي الشرقية و لا جدة احلى لك ..

 

[..شووشوو..]

تهبببببببببببببببل الرياض

 

[بنت من الكويت]

اموووت على الرياض ... روحي واستانسي انا رايحه لها بالأجازة رووووووووووووووعه

 

[حساويه]

الرياض حلوه بس فيها تشدد ا ذكر ان الاماكن تكون ياللنسوان او للرجال مو للعوايل
روحي الشرقيه او جده يهبلون

 

[الفرحه السجينه]

جده تونسسسسسسسسسسسسسسسسسسسسسسسسسسس قلبي حبها جده غير

اما الرياض ودي اروح لها

الخبر ما عجبتني حيل مو مثل جده