ودي اسافر بشهر 11 ومادري وين اروح ... ياليت تفيدوني

[sa7ab]

من العنوان واضح شبي



احنا بنسافر شهر 11 ومحنا عارفين وين نروح



انا اقوله نروح اوروبا



اهوا يقول شرق اسيا



ومده السفره اسبوع



شتقترحون وابي شرح مفصل اذا في




صج طماعه

 

[dantella]

حبيبتي اذا ودج تروحين بهالشهر ما انصحج باوربا لانها بتكون وايد بارده عليكم وبتتقيدون بالطلعات والرحلات لان الجو ماراح يساعد كللللش
راي بوعيالج معقول روحي تايلند او ماليزيا لان بكون الجو مناسب وحتى الحجوزات بتكون متوفره والاسعار وايد نازله بس لاتدشون بشهر ديسمبر لان وقتها بكون دش الكريسمس وبترتفع اسعار الفنادق هناك وموفقين يارب

 

[أم جوري]

جزر المالديف وطيران الجزيرة مسوي عرض على هالجهة

تراها وايد حلوة ....

 

[حـــــلا]

نطري لي شهر 12 وروحي الحج كلها 10 ايام وتردين وياحلوها من سفرة صاج من سماها سفرة العمر

 

[روعة2007]

روحي الرياض اشتري عبي ومكياج وعطورات وساعات ماتنزل بالكويت كلها جديده اذا زوجج يبي يروح بالبر
اما الجو روحي سوريا ولبنان اكلهم حلو وجوهم براد

 

[MyLittleBerry]

روحي تايلاند جوهم ثابت لانها من المناطق الاستوائيه

وفيها كل اللي يطري في بالج

http://public.fotki.com/alkandari/other/travel/thailand/

شوفي الصور

 

[جكورة]

أوربا بتكوون بارده وكلها ثلوج وتتقيدوون بالطلعــات وإسبوع مو كافي لأوروبا...

عندج تايلنـد أو مصــر أو إذا تحبوون الجزر عندج المالديف أو موريشيوس...

وموفقـــــة...

 

[شندوخه]

بالعكس اوربا الحين جوهم مو بارد حيل شهر 12 و 1 يبدي البرد الصجي والحين فرصه كله سيلات وبضايع حلوه عشان الكرسمس

 

[sa7ab]

حيرتوني
بصراحه ليلحين محتاره
وبهالفتره اجازه ريلي ومضطره اسافر بهالوقت

وانا وحده ما اتحمل جو ماليزيا حر وانا تنتكس حالتي
يوم رحت لها خست و كنت ابدل هدومي 3 مرات باليوم كنا نسبح من العرق

بس تايلند مارحت لها صراحه ومادري عنها

بس انا بخاطري اوروبا

ولازم هالاسبوع اقرر وين اروح لان بيسافر الاسبوع الياي ولازم يخلص شغله قبل السفر

 

[Alia]

روحي فينسيا في ايطاليا منها مكان حلو والتسوق والماركات
حجزي على الاماراتية دايركت دبي - فنيسيا

 

[SILVER ROSE]

خلج على اوروبا على الاقل هالفترة مافيها عرب

 

[katko0ota]

Europe lema al7eeen ma blash feha el barj el 9ij

etha el budget malch yesma7 ro7ay Europe hal 7azaaa 5a9a ena mafeha 3arab hal 7azaaa

 

[جوجا1]

تبين شوري روحي اليونان بشهر 11 تجنن وايد حلوه ومو غاليه مثل بريطانيا وفرنسا وايطاليا انا رحت لها هذي نصيحتي لج بس لا تنسين الهدايا

 

[sa7ab]

عطوني اسامي دول تنصحوني يها ووين فيها اماكن سياحيه عشان اعرف ارتب اموري واختار مابينهم

 

[أم عواشي]

جوجا اليونان حلوه ؟؟ فيها سوق ؟؟ سياحه ؟؟؟ اشلون جوها ؟؟

 

[جوجا1]

هلا ام عواشي اليونان حلوه حلوه وايد فيها اسواق وسياحه وطبيعة خلابه انا رحت اثينا العاصمة...... الديره تستاهل العنوه

 

[الجــادل]

انا اقول

ايطاليا

فرنسا

اسبانيا

لبنان


احلاااااا شي

 

[sa7ab]

شقولولي الجو باوروبا باارد وموشي وماتعرفين تطلعين

في احد مسافر بهالوقت من قبل ووين راحت

 

[FoOosHiia]

a7la shii oo eb.halwagt ro7aii malesya 7adha atyaneen e9eer jawha a7la waaaaid
oo anshalla atro7een oo trden bel.salama

 

[Queen66]

اذاانتي ودج باوروبا روحي حبوبه ولا ترددين ويمدحون ايطاليا بشهر 11 حماتي كذا مره تروح بس تقول بشهر 11 احلا شي
انا وريلي كان شهر عسلنا يصادف شهر 1 و2 وحجزنا لندن وباريس والكل قال ماعندكم سالفه
بس والله الجو كان عجيب صج برد بس كنا نطلع ومانقعد بالفندق وبالعكس الجو كان حده يونس وتحسين بتغيير وماكو عرب وقمة الوناسه
وسلامتج ادري طولت عليج وقصيت قصة حياتي